Jeremias 7:12 - Ang Pulong sa Dios

¹² “ ‘Pangadto kamo sa Silo, ang unang dapit diin gipasidunggan ang akong ngalan, ug tan-awa ninyo kon unsay akong gihimo niadto nga dapit tungod sa kadaotan sa akong katawhan nga mga Israelinhon.

Ang Biblia 2011

¹² Karon lakaw kamo ngadto sa akong dapit nga atua sa Silo, nga maoy unang gipahimutangan nako sa akong ngalan, ug tan-awa kon unsay akong gibuhat niini tungod sa pagkadaotan sa akong katawhan nga Israel.

Maayong Balita Biblia

¹² Pangadto kamo sa Silo nga maoy unang dapit nga akong gipili nga adto ako simbaha ug tan-awa ninyo kon giunsa ko ang maong dapit tungod sa pagkadaotan sa Israel, ang akong katawhan.

Ang Bag-ong Maayong Balita Biblia

¹² Pangadto kamo sa Silo nga maoy unang dapit nga akong gipili nga adto ako simbaha ug tan-awa ninyo kon giunsa ko ang maong dapit tungod sa pagkadaotan sa Israel, ang akong katawhan.

Jeremias 7:12 Cross References

1 Mga Hari 9:7

papahawaon ko kamo sa yuta nga gihatag ko kaninyo, ug isalikway ko kining Templo nga gipili ko ingon nga dapit diin pasidunggan ako. Unya biay-biayon ug bugal-bugalan sa tanang mga tawo ang Israel.

Jeremias 26:6

laglagon ko kining Templo, maingon nga gilaglag ko ang Silo. Ug kini nga siyudad panghimaraoton sa tanang nasod sa tibuok kalibotan.”

Jeremias 7:14

Busa ang gihimo ko sa Silo himuon ko usab sa Templo diin ginapasidunggan ang akong ngalan, ang Templo nga inyong gisaligan, nga gihatag ko kaninyo ug sa inyong mga katigulangan.

Deuteronomio 12:11

Unya dad-on ninyo ang inyong mga halad didto sa dapit nga pilion sa Ginoo nga inyong Dios diin pasidunggan ang iyang ngalan. Mao kini ang mga halad nga gisugo ko kaninyo: mga halad nga sinunog ug ang uban pang mga halad, ang inyong ikapulo, ang inyong mga gasa, ug ang tanang pinakamaayong halad nga inyong gisaad sa Ginoo.

Deuteronomio 12:5

hinuon dangop kamo sa Ginoo nga inyong Dios didto sa dapit nga iyang pagapilion gikan sa tanang teritoryo sa mga tribo. Didto kamo magsimba sa Ginoo, kay mao kana ang dapit nga iyang gipili diin pasidunggan ang iyang ngalan.

Josue 18:1

Human mailog sa tibuok katilingban sa Israel ang yuta, nagtigom silang tanan sa Silo, ug nagtukod ug Tolda nga Tagboanan.

Josue 18:10

Ug pinaagi sa hulbot-hulbot sa presensya sa Ginoo sa Silo, gihatagan ni Josue sa ilang bahin ang mga tribo sa Israel.

Mga Maghuhukom 18:31

Sa tibuok panahon nga didto sa Silo ang tolda sa Dios, ang dios-dios usab ni Micas mao ang gisimba didto sa Dan.

1 Samuel 1:3

Matag tuig, moadto si Elkana ug ang iyang pamilya sa Silo aron sa pagsimba ug paghalad ngadto sa Ginoo nga Makagagahom. Niadtong panahona ang duha ka anak ni Eli nga si Hofni ug si Pinehas mao ang mga pari sa Ginoo didto sa Silo.