Jeremias 5:4 - Ang Pulong sa Dios

⁴ Gipakaingon ko nga, “Mga kabos lamang sila, apan mga buang-buang diay sila. Kay wala sila masayod sa pamaagi sa Ginoo nga ilang Dios nga gipatuman kanila.

Ang Biblia 2011

⁴ Unya ako miingon, “Kini sila mga kabos lamang, sila walay alamag; kay sila wala mahibalo sa dalan sa Ginoo, sa Balaod sa ilang Dios.

Maayong Balita Biblia

⁴ Unya nakaingon ako, “Ang mga uyamot lamang kini sila nga wala masayod sa kabubut-on sa Ginoo ug sa balaod sa ilang Dios, maoy hinungdan nga nag-iningon sila niini.

Ang Bag-ong Maayong Balita Biblia

⁴ Unya nakaingon ako, “Ang mga uyamot lamang kini sila nga wala masayod sa kabubut-on sa Ginoo ug sa balaod sa ilang Dios, maoy hinungdan nga nag-iningon sila niini.

Jeremias 5:4 Cross References

Isaias 27:11

Ug sa dihang nangalaya ug nangabali ang mga sanga, gitigom kini sa mga babaye aron isugnod. Tungod kay ang mga katawhan niini walay pagtagad, dili sila kaloy-an sa Dios nga nagbuhat kanila.

Isaias 29:12

Ug kon ipabasa mo sa dili mahibalong mobasa, moingon siya, “Dili ako mahibalong mobasa.”

Jeremias 10:8

Mga hungog silang tanan ug mga buang-buang. Ang mga pagtulon-an sa ilang mga dios-dios nga kahoy walay pulos.

Jeremias 4:22

Miingon ang  Ginoo, “Buang-buang ang akong katawhan. Wala sila makaila kanako. Sama sila sa mga batang walay panabot. Hanas silang mohimo ug daotan; dili sila mahibalong mobuhat ug maayo.”

Jeremias 7:8

Apan tan-awa kon unsay inyong gihimo! Nagsalig kamo sa bakak nga mga pulong nga dili makatabang kaninyo.

Jeremias 8:7

Ang talabon, ang salampati, ang sayaw, ug ang lapay nahibalo kon kanus-a mobalhin ngadto sa ubang mga dapit ug kanus-a sila mobalik, apan kamong akong mga katawhan wala mahibalo sa akong kasugoan.

Jeremias 9:3

Miingon ang  Ginoo, “Mga bakak ang naggawas gikan sa mga baba sa akong katawhan, daw mga udyong kini gikan sa pana. Bakak ug dili kamatuoran ang nagpatigbabaw dinhi niini nga yuta. Migrabe na gayod ang ilang pagpakasala, ug wala nila ako ilha.”

Oseas 4:6

Nalaglag ang akong katawhan tungod kay kulang sila sa kahibalo mahitungod kanako. “Kay kamo mismo nga mga pari gisalikway ninyo ang kahibalo mahitungod kanako, busa isalikway ko usab kamo isip akong mga pari. Gikalimtan ninyo ang akong Kasugoan, busa kalimtan ko usab ang inyong mga anak.

Mateo 11:5

Sultihi ninyo siya nga ang mga buta nakakita na, ang mga bakol nakalakaw na, ang adunay mga ngilngig nga sakit sa panit nangaayo ug giisip na nga hinlo, ang mga bungol nakadungog na, ang mga patay nangabanhaw, ug ang Maayong Balita giwali ngadto sa mga kabos.