Jeremias 3:6 - Ang Pulong sa Dios

⁶ Sa panahon sa paghari ni Josia, miingon ang  Ginoo kanako, “Nakita mo ba ang gihimo sa maluibon nga Israel? Misimba siya sa mga dios-dios ibabaw sa matag taas nga bukid ug ilalom sa matag labong nga kahoy. Nahisama siya sa usa ka babayeng nagbaligya sa iyang dungog.

Ang Biblia 2011

⁶ Ang Ginoo miingon kanako sa mga adlaw ni Hari Josias, “Nakita ba nimo ang iyang nabuhat, niadtong maluibon nga Israel, giunsa niya pag-adto sa matag habog nga bukid ug sa ilalom sa matag lunhaw nga kahoy, ug didto nakighilawas siya?

Maayong Balita Biblia

⁶ Sa dihang si Josias maoy naghari, miingon kanako ang Ginoo, “Nakita ba nimo ang gibuhat sa Israel, ang babayeng maluibon? Ang Israel mitalikod kanako. Mitungas siya sa kabungtoran ug didto gibaligya niya ang iyang lawas ilalom sa kakahoyan.

Ang Bag-ong Maayong Balita Biblia

⁶ Sa dihang si Josias maoy naghari, miingon kanako ang Ginoo, “Nakita ba nimo ang gibuhat sa Israel, ang babayeng maluibon? Ang Israel mitalikod kanako. Mitungas siya sa kabungtoran ug didto gibaligya niya ang iyang lawas ilalom sa kakahoyan.

Jeremias 3:6 Cross References

1 Mga Hari 14:23

Naghimo usab sila ug mga simbahanan diha sa habog nga mga dapit, mga bato nga handomanan, ug nagpatindog ug mga poste nga simbolo sa diosa nga si Ashera ibabaw sa matag bungtod ug ilalom sa matag labong nga kahoy.

2 Cronicas 34:1

Nag-edad si Josia ug walo ka tuig sa dihang nahimo siyang hari. Sa Jerusalem siya nagpuyo, ug naghari siya sulod sa 31 ka tuig.

Salmo 106:39

Apil sila nahimong mahugaw tungod sa ilang gihimo. Nagluib sila sa Dios sama sa usa ka babaye nga nanapaw.

Isaias 57:3

Apan kamong mga anak sa babayeng mamamarang, sa mananapaw, ug sa babayeng nagbaligya sa iyang dungog, duol kamo.

Isaias 57:7

Motungas kamo sa tag-as nga bukid ug maghalad didto ug makighilawas.

Jeremias 1:2

Mihatag ang  Ginoo ug mensahe kang Jeremias sa ika-13 nga tuig sa paghari ni Josia sa Juda, nga anak ni Amon.

Jeremias 11:10

Mibalik na usab sila sa paghimo sa mga sala nga gihimo sa ilang mga katigulangan kaniadto, nga dili gayod maminaw sa akong mga pulong. Nagsimba sila sa ubang mga dios. Managsamang gilapas sa katawhan sa Israel ug sa Juda ang kasabotan nga gihimo ko ngadto sa ilang mga katigulangan.

Jeremias 17:2

Mao usab ang inyong mga kabataan, nagsimba sila sa inyong mga halaran ug sa mga poste nga simbolo sa diosa nga si Ashera didto sa labong nga mga kahoy ug sa taas nga mga bungtod.

Jeremias 3:8

Gibulagan ko ang Israel ug gipapahawa tungod sa iyang pagpanapaw. Apan bisan pa niini, wala mahadlok ang iyang maluibon nga igsoon nga mao ang Juda nga nanapaw usab.

Jeremias 31:22

Hangtod kanus-a kamong maglatagaw, O mga anak ko nga nahisalaag? Maghimo akog kabag-ohan sa kalibotan, ang babaye mao nay manalipod sa lalaki.”

Jeremias 5:11

Ang katawhan sa Israel ug sa Juda dili na gayod matinud-anon kanako. Ako, ang  Ginoo, ang nag-ingon niini.

Jeremias 7:24

“Apan wala sila mamati o motuman sa akong gisulti. Gisunod hinuon nila ang gahi ug daotan nilang kasing-kasing. Imbis nga moduol sila kanako, nagpahilayo pa hinuon sila.

Ezequiel 16:31

Nagpatindog kag mga simbahanan alang sa imo nga mga dios-dios diha sa mga kanto sa kadalanan ug sa mga plasa. Mas labaw ka pa kadaotan sa mga babaye nga nagbaligya sa ilang dungog tungod kay wala ka magpabayad sa nakighilawas kanimo.

Ezequiel 16:35

“ ‘Busa, daotan nga babaye, pamatia kini nga akong mensahe.

Ezequiel 20:28

Kay sa dihang gidala ko sila sa yuta nga akong gisaad nga ihatag kanila, naghalad silag mga halad, mga insenso, ug mga ilimnon didto sa matag taas nga bungtod ug sa matag labong nga kahoy nga ilang makita. Busa nasuko ako pag-ayo kanila.

Ezequiel 23:11

“Bisan pag nakita ni Olibah ang nahitabo sa iyang igsoon, nagpadayon gihapon siya sa pagbaligya sa iyang dungog, ug nahimo pa siyang mas daotan nga babaye kaysa iyang igsoon.

Ezequiel 23:4

Ang ngalan sa magulang mao si Oholah, ug ang manghod mao si Olibah. Gipangasawa ko silang duha ug nanganak kami. Si Oholah mao ang Samaria, ug si Olibah mao ang Jerusalem.

Oseas 11:7

Ang akong mga katawhan desidido nga magpahilayo kanako. Bisan magkahiusa pa silang tanan sa pagtawag kanako dili ko sila luwason.

Oseas 4:13

Naghalad kamo ug nagsunog ug insenso ibabaw sa mga bukid ug sa mga bungtod, sa ilalom sa tag-as ug labong nga mga kahoy, kay maayo ang ilang landong. Busa namiga ang inyong mga anak nga babaye ug ang inyong mga umagad nga babaye nanapaw.

Mga Maghuhukom 2:17

Apan wala gihapon sila mituman sa ilang mga pangulo. Mitalikod hinuon sila sa Ginoo ug misimba sa ubang mga dios. Dili sila sama sa ilang mga katigulangan tungod kay dali kaayo silang mitalikod sa mga sugo sa Ginoo nga gituman sa ilang mga katigulangan kaniadto.