Jeremias 2:4 - Ang Pulong sa Dios

⁴ Pamatia ninyo ang gisulti sa Ginoo, kamong mga katawhan sa Israel nga kaliwat ni Jacob.

Ang Biblia 2011

⁴ Pamati kamo sa pulong sa Ginoo, O balay ni Jacob ug tanang kabanayan sa balay ni Israel.

Maayong Balita Biblia

⁴ Pamatia ninyo ang gisulti sa Ginoo, kamong mga kaliwat ni Jacob ug kabanayan sa Israel.

Ang Bag-ong Maayong Balita Biblia

⁴ Pamatia ninyo ang gisulti sa Ginoo, kamong mga kaliwat ni Jacob ug kabanayan sa Israel.

Jeremias 2:4 Cross References

Jeremias 10:1

Kamo nga katawhan sa Israel, paminawa ninyo ang gisulti sa Ginoo.

Jeremias 13:15

Paminaw kamog maayo, ug ayaw kamo pagpasigarbo, kay nagsulti na ang  Ginoo.

Jeremias 19:3

Mao kini ang imong isulti, ‘Kamong mga hari sa Juda ug katawhan sa Jerusalem, paminawa ang mensahe sa Ginoo nga Makagagahom, ang Dios sa Israel. Mao kini ang iyang giingon: Magpadala akog kalaglagan niini nga dapit nga makapakurat gayod sa bisan kinsa nga makadungog niini.

Jeremias 2:3

Gigahin ko kamong mga Israelinhon alang kanako. Sama kamo sa unang abot sa ani nga alang kanako. Gisilotan ko ang mga nagdaog-daog kaninyo, ug nalaglag sila. Ako, ang  Ginoo, ang nag-ingon niini.’ ”

Jeremias 2:5

Mao kini ang gisulti sa Ginoo: “Unsa bay sayop nga nakita sa inyong mga katigulangan kanako nga nagpalayo man gayod sila kanako? Misunod sila sa mga dios-dios nga walay pulos, ug tungod niini nahimo usab silang walay pulos.

Jeremias 31:1

Nagpadayon ang  Ginoo sa pag-ingon, “Nianang panahona, mahimo akong Dios sa tanang pamilya sa Israel, ug sila mahimong akong katawhan.”

Jeremias 33:24

“Wala ka ba makamatikod sa gipanulti sa mga tawo bahin sa akong katawhan? Nag-ingon sila, ‘Gisalikway sa Ginoo ang duha ka gingharian nga iyang pinili.’ Busa gitamay nila ang akong katawhan ug wala na nila kini isipa nga usa ka nasod.

Jeremias 34:4

Apan Haring Zedekia, patalinghogi kining akong saad kanimo: Dili ka mamatay sa gira;

Jeremias 5:21

Patalinghogi ninyo kini, kamong mga buang-buang ug walay buot nga mga katawhan. Aduna kamoy mga mata, apan dili makakita, adunay mga dalunggan, apan dili makadungog.

Jeremias 7:2

“Tindog sa ganghaan sa akong Templo ug isulti kini nga mensahe: “ ‘Paminaw kamo nga katawhan sa Juda nga nagsulod dinhi sa pagsimba sa Ginoo.

Oseas 4:1

Kamong mga Israelinhon nga nagpuyo sa yuta sa Israel, pamatia ninyo kining akusasyon sa Ginoo batok kaninyo, “Wala nay tawo sa inyong yuta nga nagmatinumanon, naghigugma, ug nag-ila kanako.

Miqueas 6:1

Kamong mga Israelinhon, pamatia ninyo ang isulti sa Ginoo kaninyo: “Sige na, ipresentar ninyo ang inyong kaso; padungga ninyo ang mga bukid ug ang mga bungtod sa inyong isulti.