Jeremias 2:21 - Ang Pulong sa Dios

²¹ Sama kamo sa usa ka maayong klasi sa ubas nga akong gitanom. Apan nganong nahimo man kamong murag usa ka ihalas nga ubas nga mamungag dunot ug walay pulos?

Ang Biblia 2011

²¹ Bisan pa niana gitanom ko ikaw nga usa ka piniling paras, tibuok gayod nga lunsayng binhi. Naunsa ba nga mikunhod man ikaw ug nahimong ihalas nga bagon?

Maayong Balita Biblia

²¹ Gitanom ko ikaw sama sa piniling paras gikan sa labing maayong binhi. Apan sud-onga kon naunsa na ikaw karon! Sama na ikaw sa dunot nga paras nga wala nay kapuslanan.

Ang Bag-ong Maayong Balita Biblia

²¹ Gitanom ko ikaw sama sa piniling paras gikan sa labing maayong binhi. Apan sud-onga kon naunsa na ikaw karon! Sama na ikaw sa dunot nga paras nga wala nay kapuslanan.

Jeremias 2:21 Cross References

Genesis 18:19

Gipili ko siya aron iyang mandoan ang iyang mga kaanakan ug mga kaliwat nga motuman sa akong mga sugo pinaagi sa pagbuhat sa husto ug matarong. Ug pinaagi niana, matuman ang akong gisaad kaniya.”

Genesis 32:28

Unya miingon ang tawo, “Sukad karon dili na Jacob ang imong ngalan kondili Israel na tungod kay nakigbisog ka sa Dios ug sa tawo, ug midaog ka.”

Salmo 44:2

Giabog mo ang mga katawhan nga wala nagtuo kanimo, ug ang among mga katigulangan mao ang gipapuyo mo sa ilang mga dapit. Gipaantos mo kadtong mga tawhana apan gipauswag mo ang among mga katigulangan.

Salmo 80:8

Sama kami sa tanom nga ubas nga gikuha mo gikan sa Ehipto ug gitanom sa yuta sa mga katawhan nga imong giabog.

Salmo 80:9

Gihawanan mo ang maong yuta, ug nanggamot pag-ayo ang ubas ug nalukop niini ang tibuok yuta.

Exodo 15:17

Dad-on mo ang imong katawhan sa imong yuta, ug ipahimutang mo sila sa bukid nga imong gipanag-iyahan, ang dapit nga gihimo mo nga imong pinuy-anan, O Ginoo, ang balaang puloy-anan nga ikaw mismo ang naghimo.

Isaias 1:21

Tan-awa ninyo ang siyudad nga kanhi matinud-anon. Matinumanon kini kaniadto, apan karon nahisama na sa usa ka babayeng nagbaligya sa iyang dungog. Kaniadto, matarong ang mga tawo nga nagpuyo niini, apan karon pulos na mga mamumuno.

Isaias 27:2

Nianang adlawa usab, moawit kamo mahitungod sa mabungahong ubasan.

Isaias 41:8

“Apan ikaw, Israel nga akong alagad ug pinili, nga ang imong katawhan mga kaliwat ni Abraham nga akong higala.

Isaias 5:4

Unsa pa ba gayod kaha ang angay kong buhaton sa akong ubasan? Nagpaabot ako nga mamunga kini ug tam-is, apan aslom hinuon ang gibunga niini.

Isaias 60:21

Ang tanan mong katawhan mahimong matarong, ug panag-iyahan nila ang yuta sa Israel hangtod sa hangtod. Gihimo ko sila; sama sila sa tanom nga akong gitanom alang sa akong kadungganan.

Jeremias 11:16

Kaniadto gipakasama sila sa Ginoo sa labong nga kahoyng olibo nga nindot ug mga bunga. Apan uban sa gadahunog nga dilaab sa kalayo laglagon sila sa Ginoo ug ang ilang mga sanga dili na mapuslan.

Jeremias 11:17

Ang Ginoo nga Makagagahom maoy nagtukod sa Juda ug Israel, apan karon nagmando siya nga laglagon kini tungod sa daotan ninyong binuhatan. Gipalagot ninyo siya pinaagi sa pagsunog ug insenso ngadto kang Baal.

Jeremias 5:10

“Kamong mga kaaway sa mga Israelinhon, gub-a ninyo ang ilang ubasan, apan ayaw lang gub-a sa hingpit. Pamutla ang mga sanga niini, kay kining mga tawhana dili na ako.

Mga Pagbangotan 4:1

Ang katawhan sa Jerusalem nahisama sa purong bulawan nga nawad-an sa kasinaw o sa bililhon nga mga bato nga nagkatag sa mga kadalanan. Sama sila kaniadto kabililhon sa bulawan, apan karon giisip na lang sila nga daw mga kolon nga hinimo sa magkukolon.

Ezequiel 15:2

“Tawo, sa unsa nga paagi nga ang sanga sa ubas mas maayo pa kaysa bisan unsang sanga sa kahoy?

Mateo 21:33

Miingon si Jesus kanila, “Pamatia ninyo ang usa pa ka sambingay. Adunay usa ka tawo nga adunay yuta nga gipatamnan niya ug ubas. Gipakoral niya kini, ug nagpahimo siyag bangag sa dakong bato aron himuong pug-anan sa ubas. Nagpatukod usab siya ug usa ka balay bantayanan. Pagkahuman gipasaopan niya ang iyang ubasan ug milakaw ngadto sa layong dapit.

Marcos 12:1

Unya miingon si Jesus kanila pinaagi sa mga sambingay, “Adunay usa ka tawo nga adunay yuta nga gipatamnan niya ug ubas. Gipakoralan niya kini, ug nagpahimo siyag bangag sa dakong bato aron himuong pug-anan sa ubas. Nagpatukod usab siya ug usa ka tore nga bantayanan. Pagkahuman gipasaopan niya ang iyang ubasan ug milakaw ngadto sa layong dapit.

Lucas 20:9

Gisuginlan dayon ni Jesus ang mga tawo niini nga sambingay, “Adunay usa ka tawo nga adunay yuta nga gipatamnan niya ug ubas. Pagkahuman gipasaopan niya kini ug milakaw ngadto sa layong dapit.

Juan 15:1

Nagpadayon si Jesus sa pagsulti, “Ako ang tinuod nga punoan sa ubas, ug ang akong Amahan mao ang tig-atiman.

Deuteronomio 32:32

Ang atong mga kaaway, nga pareho kadaotan sa mga lumulupyo sa Sodoma ug Gomora, sama sa bunga sa ubas nga pait ug makahilo,

Deuteronomio 4:37

Ug tungod kay gihigugma niya ang inyong mga katigulangan, gipili niya kamo ug gipagawas gikan sa Ehipto pinaagi sa iyang presensya ug dakong gahom.

Josue 24:31

Nag-alagad sa Ginoo ang mga Israelinhon sa panahon ni Josue. Ug bisan patay na si Josue, nagpadayon gihapon sila sa pag-alagad sa Ginoo samtang buhi pa ang mga tigdumala sa mga Israelinhon nga nakasinati sa tanang gihimo sa Ginoo alang sa Israel.