Jeremias 1:1 - Ang Pulong sa Dios

¹ Mao kini ang mga mensahe ni Jeremias nga anak ni Hilkia, nga usa sa mga pari sa Anatot, sa yuta ni Benjamin.

Ang Biblia 2011

¹ Ang mga pulong ni Jeremias nga anak ni Hilkias, sa mga pari nga didto sa Anatot sa yuta ni Benjamin,

Maayong Balita Biblia

¹ Kining basahona mao ang saysay sa mga gipamulong ug gibuhat ni Jeremias. Anak siya ni Hilkias nga usa sa mga pari sa lungsod sa Anatot sa yuta sa Benjamin.

Ang Bag-ong Maayong Balita Biblia

¹ Kining basahona mao ang saysay sa mga gipamulong ug gibuhat ni Jeremias. Anak siya ni Hilkias nga usa sa mga pari sa lungsod sa Anatot sa yuta sa Benjamin.

Jeremias 1:1 Cross References

1 Mga Hari 2:26

Unya miingon si Haring Solomon kang Abiatar nga pari, “Pauli sa imong uma sa Anatot. Angay ka man untang patyon, apan dili ka nako patyon karon kay ikaw ang gitugyanan sa Sudlanan sa Ginoong Dios sa dihang kauban pa ikaw sa akong amahan nga si David, ug nakig-ambit ka sa iyang mga pag-antos.”

1 Cronicas 6:60

Ug sa tribo ni Benjamin gihatag kanila ang mga yuta sa Gibeon, Geba, Alemet, ug Anatot, lakip na ang mga sabsabanan niini nga mga dapit. Napulo ug tolo tanan ka lungsod ang gihatag ngadto sa mga kaliwat ni Kohat.

2 Cronicas 35:25

Naghimo si Jeremias ug mga awit sa pagbangotan alang kang Josia, ug hangtod karon giawit pa kini sa mga mag-aawit sa paghinumdom kaniya. Ang maong mga awit sa pagbangotan nahimo nang kabahin sa tradisyon sa Israel, ug nasulat kini sa Libro sa Mga Pagbangotan.

2 Cronicas 36:12

Daotan ang iyang gihimo atubangan sa Ginoo nga iyang Dios ug wala siya magpaubos sa iyang kaugalingon kang Propeta Jeremias, nga tigsulti sa mensahe sa Ginoo.

2 Cronicas 36:21

Busa natuman ang giingon sa Ginoo pinaagi kang Propeta Jeremias nga mahimong awaaw ang yuta ug makapahulay kini sulod sa 70 ka tuig.

Esdras 1:1

Sa unang tuig sa paghari ni Cyrus sa Persia, gituman sa Ginoo ang iyang gisaad pinaagi kang Jeremias. Gitandog sa Ginoo ang kasing-kasing ni Cyrus sa pagbuhat ug pahibalo aron imantala sa tibuok gingharian.

Esdras 2:23

Mga namalik gikan sa Anatot 128

Isaias 1:1

Kini nga libro mahitungod sa gipadayag sa Dios kang Isaias nga anak ni Amos. Bahin kini sa Jerusalem ug sa Juda niadtong panahon sa paghari nila ni Uzias, Jotam, Ahaz, ug Ezequias sa Juda.

Isaias 10:30

Singgit kamo, mga taga-Galim! Pamati kamo, mga taga-Laish ug mga taga-Anatot nga mga makaluluoy!

Isaias 2:1

Mao kini ang mensahe sa Dios nga nakita ni Isaias nga anak ni Amos bahin sa Juda ug Jerusalem:

Jeremias 11:21

Gusto sa katawhan sa Anatot nga patyon ako kon dili ako moundang sa pagsugilon sa mensahe sa Ginoo.

Jeremias 29:27

Apan nganong wala mo man santaa si Jeremias nga taga-Anatot, nga nagpakapropeta diha kaninyo?

Jeremias 30:1

Miingon ang  Ginoo kang Jeremias, “Ako, ang  Ginoo, nga Dios sa Israel, nag-ingon: Isulat sa usa ka libro ang tanan nga gisulti ko kanimo.

Jeremias 37:12

mibiya usab si Jeremias sa Jerusalem ug miadto sa yuta sa Benjamin sa pagkuha sa iyang bahin sa yuta sa iyang pamilya.

Daniel 9:2

Sa unang tuig sa iyang paghari, nahibaloan ko gikan sa mga Kasulatan nga magpabilin nga guba ang Jerusalem sulod sa 70 ka tuig, sumala sa giingon sa Ginoo kang Propeta Jeremias.

Amos 1:1

Mao kini ang mensahe ni Amos, nga usa ka magbalantay sa mga karnero nga taga-Tekoa, mahitungod sa Israel. Gipadayag kini kaniya sa Dios duha ka tuig sa wala pa mahitabo ang linog, ug sa panahon nga si Uzias mao ang hari sa Juda ug si Jeroboam nga anak ni Joas mao ang hari sa Israel.

Amos 7:10

Unya, si Amazia nga pari sa Betel nagpadala ug mensahe kang Jeroboam nga hari sa Israel. Miingon siya, “Nagplano si Amos ug daotan batok kanimo dinhi mismo sa Israel. Dili na maagwanta sa mga tawo ang iyang gipanulti.

Mateo 16:14

Mitubag sila, “Adunay mga nag-ingon nga ikaw si Juan nga Tigbautismo. Ang uban nag-ingon nga ikaw si Elias. Ang uban usab nag-ingon nga ikaw si Jeremias, ug kon dili man, usa ka sa mga propeta.”

Mateo 2:17

Sa maong hitabo natuman ang panagna ni Propeta Jeremias nga nag-ingon:

Mateo 27:9

Niadtong hitaboa natuman ang panagna ni Propeta Jeremias nga nag-ingon, “Gikuha nila ang 30 kabuok kuwarta nga pilak, ang kantidad nga gikasabotan sa mga kaliwat ni Israel nga ipalit kaniya,