Genesis 9:4 - Ang Pulong sa Dios

⁴ “Apan ayaw gayod ninyo kan-a ang karne sa mananap nga wala nakagawas ang dugo, tungod kay ang dugo simbolo sa kinabuhi.

Ang Biblia 2011

⁴ Apan lamang, ayaw ninyo kaona ang unod uban ang kinabuhi niini, nga mao ang dugo.

Maayong Balita Biblia

⁴ Usa lamang ka butang ang kinahanglan dili ninyo kan-on ug kini mao ang karne nga may dugo pa kay ang kinabuhi anaa man sa dugo.

Ang Bag-ong Maayong Balita Biblia

⁴ Usa lamang ka butang ang kinahanglan dili ninyo kan-on ug kini mao ang karne nga may dugo pa kay ang kinabuhi anaa man sa dugo.

Genesis 9:4 Cross References

Ezequiel 33:25

Karon, ingna sila nga ako, ang Ginoong Dios, nag-ingon, ‘Naghuna-huna ba kamo nga mapanag-iya gihapon ninyo ang maong yuta bisan nagkaon kamo sa karne nga dugoon pa, ug nagsimba sa inyong mga dios-dios, ug gapatay ug tawo?

Levitico 19:26

“ ‘Ayaw kamo pagkaon sa karne nga aduna pay dugo. “ ‘Ayaw ninyo himoa ang ginahimo sa mga manalagna o mamamarang.

Levitico 3:17

“ ‘Ayaw kamo pagkaon ug tambok o dugo. Kini nga mga tulomanon kinahanglan nga tumanon ninyo hangtod sa umaabot nga mga henerasyon, bisan asa kamo magpuyo.’ ”

Levitico 7:26

Ug bisan asa kamo mopuyo, ayaw gayod kamo pagkaon sa dugo sa mananap ug lakip na ang dugo sa langgam.

Mga Buhat 15:20

Hinuon, sulatan nato sila nga dili mokaon sa mga pagkaon nga gihalad ngadto sa mga dios-dios tungod kay hugaw kini. Dili sila makighilawas gawas sa kaminyoon. Dili usab sila mokaon sa dugo ug sa karne sa mga hayop nga sa pagkamatay wala makagawas ang dugo.

Mga Buhat 15:25

Busa nagkauyon kami nga mopili ug mga tawo nga among ipadala diha kauban ang atong mga hinigugmang kaigsoonan nga sila ni Bernabe ug Pablo.

Mga Buhat 15:29

Dili kamo mokaon sa mga pagkaon nga gihalad ngadto sa mga dios-dios, dili kamo mokaon sa dugo ug sa karne sa mga hayop nga sa pagkamatay wala makagawas ang dugo, ug dili kamo makighilawas gawas sa kaminyoon. Maayo kon malikayan ninyo kining mga butanga. Kutob na lang dinhi.

Deuteronomio 12:16

Apan ayaw ninyo kan-a ang dugo; ibubo ninyo kini sa yuta sama sa tubig.

Deuteronomio 12:23

Apan siguroha gayod ninyo nga dili ninyo kan-on ang dugo, kay ang kinabuhi anaa sa dugo. Ayaw ninyo kan-a ang kinabuhi uban sa karne.

Deuteronomio 14:21

“Ayaw ninyo kan-a ang bisan unsang mananap nga namatay lang ug iya. Mahimo ninyo kining ihatag o ibaligya sa mga langyaw nga nagpuyo sa inyong mga lungsod, ug mahimo nila kining kaonon. Apan kamo dili gayod mokaon niini, kay gilain kamo nga katawhan alang sa Ginoo nga inyong Dios. “Dili ninyo lutuon ang nating kanding sa gatas sa iyang inahan.

Deuteronomio 15:23

Apan kinahanglan nga dili ninyo kan-on ang dugo; ibubo ninyo kini sa yuta sama sa tubig.

1 Timoteo 4:4

Ang tanan nga gibuhat sa Dios maayo. Busa walay butang nga angay balibaran kon dawaton nga adunay pagpasalamat.

1 Samuel 14:32

Busa nanggiilog sila sa ilang nailog nga mga karnero ug mga baka, ug giihaw nila kini didto mismo, ug gikaon ang karne nga aduna pay dugo.