Genesis 9:1 - Ang Pulong sa Dios

¹ Unya, gipanalanginan sa Dios si Noe ug ang iyang mga anak ug giingnan, “Panganak kamo aron mosanay ug malukop ang kalibotan.

Ang Biblia 2011

¹ Ug gipanalanginan sa Dios si Noe ug ang iyang mga anak, ug miingon kanila, “Sanay kamo ug panaghan, ug pun-a ninyo ang yuta.

Maayong Balita Biblia

¹ Gipanalanginan sa Dios si Noe ug ang iyang mga anak ug giingnan, “Panganak kamo aron ang inyong mga liwat mosanay sa kalibotan.

Ang Bag-ong Maayong Balita Biblia

¹ Gipanalanginan sa Dios si Noe ug ang iyang mga anak ug giingnan, “Panganak kamo aron ang inyong mga liwat mosanay sa kalibotan.

Genesis 9:1 Cross References

Genesis 1:22

Unya gipanalanginan niya kining tanan nga nag-ingon, “Sanay kamo ug pagdaghan, kamong mga mananap sa tubig ug mga mananap nga galupad.”

Genesis 1:28

Ug gipanalanginan niya sila nga nag-ingon, “Sanay kamo ug pagdaghan aron malukop sa inyong kaliwatan ang kalibotan. Dumalaha ninyo kini ug kamo ang magmando sa tanang matang sa mananap sa tubig, sa kalangitan ug sa yuta man.”

Genesis 10:32

Mao kadto ang mga kaliwat sa mga anak ni Noe, nga anaa sa nagkalain-laing mga nasod. Pinaagi kanila natukod ang mga nasod sa tibuok kalibotan pagkahuman sa lunop.

Genesis 2:3

Gipanalanginan niya ang ikapito nga adlaw ug iya kining gibalaan nga adlaw, tungod kay niining adlawa mipahulay siya human niya gimugna ang tanan.

Genesis 24:60

Gipanalanginan nila si Rebeka sa iyang paglakaw. Miingon sila, “Igsoon namo, hinaut pa nga maggikan kanimo ang daghan kaayo nga mga kaliwat. Hinaut pa nga pildihon sa imong mga kaliwat ang mga lungsod sa ilang mga kaaway.”

Genesis 35:11

Miingon pa gayod ang Dios kaniya, “Ako ang Dios nga Makagagahom. Manganak kag daghan. Maggikan kanimo ang usa ka nasod ug ang daghan pa nga mga nasod, ug mahimong hari ang uban mong mga kaliwat.

Genesis 8:17

Ug pagawasa usab ang tanang mga mananap aron mosanay sila ug malukop nila ang tibuok kalibotan.”

Genesis 9:19

Kanila naggikan ang tanang mga tawo sa kalibotan.

Genesis 9:2

Mahadlok kaninyo ang tanang mga mananap: ang naglakaw, ang naglupad, ang nagkamang, ug ang nagpuyo sa tubig. Gitugyan ko sila kaninyo.

Genesis 9:7

Panganak kamo aron mosanay ug malukop ninyo ang kalibotan.”

Salmo 112:1

Dayega ang  Ginoo! Bulahan ang tawo nga nagtahod sa Ginoo ug malipayon kaayo nga nagtuman sa iyang mga sugo.