Genesis 7:11 - Ang Pulong sa Dios

¹¹ Nag-edad niadto si Noe ug 600 ka tuig. Ug sa ika-17 nga adlaw sa ikaduha nga bulan, mibunok ang labihan gayod kakusog nga ulan ug miapaw ang tubig sa tanang tuboran.

Ang Biblia 2011

¹¹ Sa ikaunom ka gatos nga tuig sa kinabuhi ni Noe, sa ikaduha nga bulan, sa ikanapulo ug pito nga adlaw sa bulan, niadto gayong adlawa mibuswak ang tanang tinubdan sa dako nga kahiladman ug ang mga tamboanan sa kalangitan nangaabli.

Maayong Balita Biblia

¹¹ Si Noe nagpanuigon nag 600 ug sa ika-17 nga adlaw sa ikaduhang bulan, mibuhagay ang tanang mga tubod sa tubig gikan sa kahiladman sa yuta ug nangaabli ang mga bintana sa langit

Ang Bag-ong Maayong Balita Biblia

¹¹ Si Noe nagpanuigon nag 600 ug sa ika-17 nga adlaw sa ikaduhang bulan, mibuhagay ang tanang mga tubod sa tubig gikan sa kahiladman sa yuta ug nangaabli ang mga bintana sa langit

Genesis 7:11 Cross References

Genesis 1:7

Ug gihimo sa Dios ang wanang nga nagbulag sa tubig sa ibabaw ug sa tubig sa ubos.

Genesis 6:17

Palunopan ko ang kalibotan aron malaglag ang tanan nga adunay kinabuhi. Mamatay ang tanan nga anaa sa kalibotan.

Genesis 7:6

Nag-edad si Noe ug 600 ka tuig sa dihang miabot ang lunop sa kalibotan.

Genesis 8:14

Sa ika-27 nga adlaw sa ikaduha nga bulan mala na gayod ang yuta sa tibuok kalibotan.

Genesis 8:2

Gisampongan niya ang mga tuboran ug gipaundang ang ulan.

2 Mga Hari 7:19

Mitubag kadto nga opisyal sa hari, “Bisan pag ablihan sa Ginoo ang mga bintana sa langit dili kana mahitabo.” Ug miingon si Eliseo, ang tawo sa Dios, “Makita mo nga mahitabo kini, apan dili ka makakaon niini.”

2 Mga Hari 7:2

Miingon ang opisyal nga sinaligan sa hari, “Bisan pag ablihan sa Ginoo ang mga bintana sa langit dili kana mahitabo.” Mitubag si Eliseo, ang tawo sa Dios, “Makita mo nga mahitabo kini, apan dili ka makakaon niini.”

Job 12:15

Kon pugngan niya ang ulan, moabot ang hulaw; ug kon buhian niya kini, daoton sa baha ang yuta.

Job 28:4

Nagkutkot silag agianan sa minahan, sa lugar nga walay namuyo o dili agian sa mga tawo. Manaog sila didto ginamit ang pisi nga maglabyog-labyog.

Job 38:16

“Nakaadto ka na ba sa mga tuboran sa kinahiladman sa dagat o sa pinakalawom nga bahin sa dagat?

Job 38:37

Kinsa bay maalamon nga makaihap sa mga panganod? Kinsay makahimo sa pagyabo sa mga pundohanan ug tubig sa langit

Salmo 33:7

Gitigom niya ang tubig sa dagat nga daw gisulod kini sa usa ka dakong pundohanan.

Salmo 74:15

Ikaw ang nagpatubod sa mga tuboran ug mga sapa. Ikaw ang nagpahubas sa mga suba.

Isaias 24:18

Ang mokalagiw tungod sa kalisang mahulog sa bangag, ug ang mogawas gikan sa bangag malit-agan. Magbunok ang ulan, ug matay-og ang pundasyon sa kalibotan.

Isaias 24:19

Mangliki ang yuta, ug matunga kini.

Jeremias 5:22

Ako, ang  Ginoo, nag-ingon: Wala ba kamo mahadlok kanako? Nganong wala kamo magkurog sa akong atubangan? Ako ang naghimo sa baybayon nga utlanan sa dagat. Kini permanente nga utlanan ug dili malapas. Hampakon kini sa mga balod apan dili kini makalapas niini.

Jeremias 51:16

Sa iyang pagmando, nagdahunog ang mga tubig nga anaa sa kalangitan. Ginapatungha niya ang mga panganod. Ginapakilat niya kon mag-ulan, ug nagpadala siyag hangin gikan sa iyang mga tipiganan.

Ezequiel 26:19

Nag-ingon pa gayod ang Ginoong Dios, “Tiro, himuon ka nako nga awaaw nga lungsod; usa ka lungsod nga walay nagpuyo. Palapawan ka nako sa lawom nga tubig.

Malaquias 3:10

Karon, aghaton ko kamo nga sulayan ninyo ako,” miingon ang  Ginoo nga Makagagahom. Dad-a ninyo ang tibuok ninyong ikapulo sa bodega sa templo aron adunay pagkaon diha sa akong templo. Kon himuon ninyo kini, padad-an ko kamo ug ulan ug hatagan ug naghinobrang panalangin.

Mateo 24:38

Kay sa wala pa molunop wala silay laing gibuhat kondili ang pagpalabig kaon, inom, ug pagminyoay hangtod sa adlaw nga si Noe misulod sa arka.

1 Mga Taga-Tesalonica 5:3

Mahitabo kini samtang ang mga wala motuo moingon, “Malinawon ang tanan ug walay katalagman.” Apan sa kalit lang moabot kanila ang kalaglagan, sama sa babayeng nagbati, ug wala gayoy makaikyas kanila.

2 Pedro 3:6

Ug pinaagi usab sa tubig gipalunopan niya ug gilaglag ang daan nga kalibotan.