Genesis 6:7 - Ang Pulong sa Dios

⁷ Busa miingon ang Ginoo, “Laglagon ko ang tanang mga tawo nga akong gibuhat, apil ang tanang mga mananap sa yuta ug ang mga mananap nga galupad, kay naguol ako nga gibuhat ko sila.”

Ang Biblia 2011

⁷ Ug miingon ang Ginoo, “Akong laglagon gikan sa nawong sa yuta ang tawo nga akong gibuhat, tawo ug mananap ug ang mga nagkamang sa yuta ug mga langgam sa kalangitan kay nagbasol ako nga gibuhat ko sila.”

Maayong Balita Biblia

⁷ Busa miingon siya, “Laglagon ko ang tanang tawo nga akong gibuhat. Laglagon ko usab ang tanang mananap ug mga langgam kay nagbasol ako nga gibuhat ko sila.”

Ang Bag-ong Maayong Balita Biblia

⁷ Busa miingon siya, “Laglagon ko ang tanang tawo nga akong gibuhat. Laglagon ko usab ang tanang mananap ug mga langgam kay nagbasol ako nga gibuhat ko sila.”

Genesis 6:7 Cross References

Genesis 6:6

Naguol ang Ginoo nga gibuhat niya ang tawo ug nasubo siya pag-ayo.

Genesis 7:21

Busa nangamatay ang tanan nga adunay kinabuhi: mananap nga tigpanon sa ibabaw sa yuta, mga langgam, mga mananap, ug ang nagkamang sa yuta, ug ang tanang mga tawo.

Genesis 7:4

Kay pito ka adlaw gikan karon, paulanan ko ang tibuok kalibotan sulod sa 40 ka adlaw ug 40 ka gabii, aron papason gikan sa kalibotan ang tanan kong gibuhat nga adunay kinabuhi.”

Genesis 8:21

Sa dihang napanimahoan sa Ginoo ang kahumot niini, miingon siya sa iyang kaugalingon, “Dili ko na gayod tunglohon pag-usab ang yuta tungod sa binuhatan sa tawo. Bisan pa ug daotan siya sukad pa sa iyang pagkabata, dili ko na gayod laglagon pag-usab ang tanang adunay kinabuhi sama sa akong gibuhat.

Salmo 37:20

Apan ang mga daotan mangalaglag. Ang mga kaaway sa Ginoo mahisama sa mga bulak nga mangamatay lang. Mangawala sila nga daw aso.

Mga Panultihon 10:27

Ang nagtahod sa Ginoo taas ug kinabuhi, apan ang tawong daotan mubo rag kinabuhi.

Mga Panultihon 16:4

Tanang gihimo sa Ginoo adunay katuyoan, bisan ang mga daotan nga gitakda niya nga malaglag.

Isaias 27:11

Ug sa dihang nangalaya ug nangabali ang mga sanga, gitigom kini sa mga babaye aron isugnod. Tungod kay ang mga katawhan niini walay pagtagad, dili sila kaloy-an sa Dios nga nagbuhat kanila.

Oseas 4:3

Tungod niini nagmala ang inyong yuta ug nangamatay ang tanang nagpuyo niini, apil ang tanang klasi sa mga mananap nga naglakaw, naglupad, ug naglangoy.

Amos 7:3

Busa nausab ang plano sa Ginoo ug miingon siya, “Dili na mahitabo ang imong nakita.”

Amos 7:6

Busa nausab ang plano sa Ginoo ug miingon siya, “Dili na mahitabo ang imong nakita.”

Sofonias 1:18

Dili makaluwas kanila ang ilang mga pilak o mga bulawan gikan sa adlaw nga ipakita ko ang akong kapungot nga sama sa kalayo nga lamyon ang tibuok kalibotan. Tungod kay laglagon ko ang tanang nagpuyo sa kalibotan.”

Sofonias 1:2

“Silhigon ko pahilayo ang tanang mga butang gikan sa ibabaw sa kalibotan,” nag-ingon ang  Ginoo.

Sofonias 1:3

“Silhigon ko pahilayo ang tawo ug ang kahayopan akong silhigon ang mga langgam sa kalangitan ug ang mga isda sa kadagatan, ang mga dios-dios nga maoy hinungdan nga mapandol ang mga daotan. Sa dihang laglagon ko ang tanang katawhan sa ibabaw sa kalibotan,” nag-ingon ang  Ginoo.

Deuteronomio 28:63

Maingon nga gikalipay sa Ginoo ang pagpauswag ug pagpadaghan kaninyo, ikalipay usab niya ang paglaglag ug pagpamatay kaninyo, hangtod nga mangawala kamo sa yuta nga inyong sudlon ug panag-iyahan.

Deuteronomio 29:20

Dili gayod siya pasayloon sa Ginoo. Mosilaob ang hilabihang kasuko sa Ginoo kaniya sama sa kalayo, ug mahitabo kaniya ang tanang tunglo nga nasulat niini nga libro, ug papason sa Ginoo ang iyang ngalan sa kalibotan.

1 Samuel 15:11

“Nagbasol ako nga akong gihimo si Saulo nga hari, tungod kay mitalikod siya kanako ug wala niya tumana ang akong mga sugo.” Pagkadungog ni Samuel niini, naglagot siya. Busa nag-ampo siya sa Ginoo sa tibuok gabii.