Genesis 48:2 - Ang Pulong sa Dios

² Sa dihang gisultihan si Jacob nga miabot ang iyang anak nga si Jose, naningkamot siya nga makalingkod sa iyang gihigdaan.

Ang Biblia 2011

² Ug kini gisugilon kang Jacob, “Ang imong anak nga si Jose mianhi kanimo.” Ug nanglimbasog si Israel sa iyang kaugalingon ug milingkod sa higdaanan.

Maayong Balita Biblia

² Sa dihang gisultihan si Jacob nga ang iyang anak nga si Jose miabot aron pagduaw kaniya, nanglimbasog siya pagbangon ug milingkod sa iyang higdaanan.

Ang Bag-ong Maayong Balita Biblia

² Sa dihang gisultihan si Jacob nga ang iyang anak nga si Jose miabot aron pagduaw kaniya, nanglimbasog siya pagbangon ug milingkod sa iyang higdaanan.

Genesis 48:2 Cross References

Genesis 48:1

Wala madugay adunay misulti kang Jose nga nagsakit ang iyang amahan nga si Jacob. Busa gidala niya ang iyang duha ka anak nga si Manases ug si Efraim ug miadto kaniya.

Genesis 48:3

Miingon si Jacob kang Jose, “Sa didto pa ako sa Luz, sa yuta sa Canaan, nagpakita kanako ang Makagagahom nga Dios ug gipanalanginan niya ako.

Nehemias 2:18

Giingnan ko usab sila kon unsa kamaayo ang Dios kanako ug kon unsa ang giingon sa hari kanako. Mitubag sila, “Sige, tukoron nato pag-usab ang paril.” Busa nangandam sila aron sugdan kining maayong buluhaton.

Salmo 41:3

Tabangan siya sa Ginoo kon siya magsakit; ayohon niya siya sa iyang sakit ug ibalik ang iyang kahimsog.

Mga Panultihon 23:15

Anak, malipay gayod ako kon magmaalamon ka ug kon husto ang imong ginapamulong.

Mga Taga-Efeso 6:10

Agig panapos, ipahimangno ko kaninyo nga magmalig-on kamo diha sa Ginoo pinaagi sa iyang gahom.

Deuteronomio 3:28

Apan tudloi si Josue sa iyang himuon. Dasiga siya kay siya ang mangulo niini nga katawhan sa pagtabok sa Jordan. Ihatag niya kanila ang yuta nga imong makita!”

1 Samuel 23:16

Miadto si Jonatan kang David didto sa Horesh aron sa pagdasig kaniya sa pagsalig sa Dios.