Genesis 39:3 - Ang Pulong sa Dios

³ Nakita ni Potifar nga nag-uban gayod ang Ginoo kang Jose ug gipalampos sa tanan niyang gihimo,

Ang Biblia 2011

³ Ug nakita sa iyang agalon nga ang Ginoo nag-uban kaniya ug gipauswag sa Ginoo ang tanan nga gibuhat sa iyang kamot.

Maayong Balita Biblia

³ Nakita ni Potifar nga nag-uban kang Jose ang Ginoo ug tungod niini nagmalampuson gayod si Jose sa tanan niyang gibuhat.

Ang Bag-ong Maayong Balita Biblia

³ Nakita ni Potifar nga nag-uban kang Jose ang Ginoo ug tungod niini nagmalampuson gayod si Jose sa tanan niyang gibuhat.

Genesis 39:3 Cross References

Genesis 21:20

Wala pasagdi sa Dios si Ishmael hangtod nga midako siya. Mipuyo siya didto sa kamingawan sa Paran ug nahimo siyang usa ka mamamana. Unya, gipaminyo siya sa iyang inahan ngadto sa usa ka Ehiptohanon.

Genesis 21:22

Niadtong panahona, miadto si Abimelec kang Abraham uban sa pangulo sa iyang mga sundalo nga si Picol. Miingon si Abimelec kang Abraham, “Gitabangan ka gayod sa Dios sa tanan mo nga gibuhat.

Genesis 21:23

Busa, panumpa dinhi sa ngalan sa Dios nga dili mo gayod ako budhian ingon man ang akong mga anak ug mga kaliwat. Ipakita ang imong kaayo kanako ug niini nga dapit diin ka nagpuyo ingon nga usa ka dumuduong, sama sa pagpakita ko sa akong kaayo kanimo.”

Genesis 26:24

Ug nianang gabii sa iyang pag-abot, nagpakita ang Ginoo kaniya ug miingon, “Ako ang Dios sa imong amahan nga si Abraham. Ayaw kahadlok kay kauban mo ako. Panalanginan ka nako ug hatagan ug daghang mga kaliwat tungod kang Abraham nga akong alagad.”

Genesis 26:28

Mitubag sila, “Nakita namo nga ang Ginoo nag-uban kanimo, busa nakahuna-huna kami nga maghimo kita ug kasabotan nga atong panumpaan. Isaad kanamo

Genesis 30:27

Mitubag si Laban, “Kon mahimo, pabilin lang una dinhi. Pinaagi sa panagna, nahibaloan ko nga gipanalanginan ako sa Ginoo tungod kanimo.

Genesis 30:30

Sa pag-abot ko dinhi gamay ra ang imong kahayopan, apan karon daghan na kaayo, kay gipanalanginan ka sa Ginoo tungod kanako. Karon angay na tingali akong maninguha alang sa akong kaugalingong panimalay.”

Genesis 39:2

Giubanan gayod sa Ginoo si Jose, busa nagmauswagon siya. Didto siya mipuyo sa balay sa iyang agalon nga Ehiptohanon nga si Potifar.

Genesis 39:21

nag-uban gihapon ang Ginoo kang Jose. Ug tungod sa kaayo sa Ginoo, gikahimut-an sa tigdumala sa prisohan si Jose.

Genesis 39:23

Wala na maghuna-huna pa ang tigdumala sa prisohan bahin sa mga butang nga gitugyan niya kang Jose, tungod kay uban ang Ginoo kang Jose ug gihatagan siya sa Ginoo ug kalamposan sa tanan niyang gihimo.

2 Mga Hari 18:7

Giubanan siya sa Ginoo, ug nagmalampuson siya sa tanan niyang gihimo. Nagrebelde siya batok sa hari sa Asiria ug wala moalagad kaniya.

1 Cronicas 22:13

Kay kon tumanon mo pag-ayo ang mga tulomanon ug mga lagda nga gihatag niya sa Israel pinaagi kang Moises, magmalampuson ka. Busa pagmalig-on ug pagmaisogon. Ayaw kahadlok ni magpakawala ug paglaom.

1 Cronicas 9:20

Kaniadto si Pinehas nga anak ni Eleazar mao ang nagdumala sa mga tigbalantay sa pultahan, ug giubanan siya sa Ginoo.

2 Cronicas 1:1

Milig-on ang paghari ni Solomon nga anak ni David sa iyang gingharian kay kauban niya ang Ginoo nga iyang Dios, ug gihimo siyang labihan ka gamhanan.

2 Cronicas 26:5

Midangop siya sa Dios sa panahon ni Zacarias, nga mao ang nagtudlo kaniya sa pagtahod sa Dios. Samtang nagpadayon siya sa pagdangop sa Ginoo, gipauswag usab siya sa Dios.

Nehemias 2:20

Gitubag ko sila, “Magmalampuson kami pinaagi sa tabang sa Dios sa langit. Kami nga iyang mga alagad magsugod sa pagpatukod sa paril sa Jerusalem. Apan kamo wala gayoy labot o katungod sa Jerusalem, ug wala usab kamoy bahin sa among kasaysayan.”

Salmo 1:3

Sama siya sa kahoy nga gitanom sa daplin sa sapa, nga mamunga sa panahon sa tingbunga, ug dili malaya ang mga dahon. Ug ang tanan niyang buhaton magmalampuson.

Zacarias 8:23

“Ug nianang panahona, napulo ka tawo nga gikan sa ubang mga nasod ug nagkalain-laing pinulongan ang moadto sa usa ka Judio ug moingon, ‘Gusto gayod kaming mouban kaninyo, tungod kay nadunggan namo nga ang Dios nag-uban kaninyo.’ ”

Mateo 5:16

Busa mao usab kini ang inyong buhaton. Pasigaha ninyo ang inyong suga ngadto sa mga tawo, aron makita nila ang inyong maayong mga binuhatan ug dayegon nila ang inyong Amahan sa langit.

1 Mga Taga-Corinto 16:2

Kada Dominggo, ang matag-usa kaninyo maggahin ug kantidad gikan sa inyong kinitaan. Tigoma ninyo kini aron sa pag-abot ko diha maandam na ang inyong hinabang.

Deuteronomio 2:7

Hinumdomi ninyo kon giunsa ko kamo pagpanalangin sa tanan ninyong gihimo. Ako, ang Ginoo nga inyong Dios, ang nagbantay kaninyo sa inyong paglakaw niining halapad nga kamingawan. Sulod sa 40 ka tuig nag-uban ako kaninyo, ug wala gayod kamo makulangi bisan unsa.

Josue 1:9

Hinumdomi kining akong gipahimangno kanimo: ‘Lig-ona ang imong kaugalingon ug pagmaisogon. Ayaw kahadlok o kaluya, kay ako, ang Ginoo nga imong Dios, mag-uban kanimo bisan asa ka moadto.’ ”

Gipadayag 3:9

Apan mahitungod niadtong mga tawo nga sakop ni Satanas, nga mga bakakon ug nagpakaaron-ingnon nga mga Judio, paludhon ko sila diha sa inyong atubangan, ug masayran nila nga gihigugma ko kamo.

1 Samuel 18:14

Nagmalampuson siya sa tanan nga iyang gihimo tungod kay nag-uban ang Ginoo kaniya.

1 Samuel 18:28

Sa dihang nakaamgo si Saulo nga ang Ginoo nag-uban gayod kang David ug nahigugma pag-ayo ang iyang anak nga si Mical kang David,

1 Samuel 3:19

Nagtubo si Samuel nga giniyahan sa Ginoo; ug natuman ang tanang gisulti ni Samuel.