Genesis 32:7 - Ang Pulong sa Dios

⁷ Gikulbaan pag-ayo si Jacob ug wala siya mahimutang, busa gibahin niya sa duha ka grupo ang iyang kauban nga mga tawo, apil ang iyang mga karnero, baka, kanding, ug kamelyo.

Ang Biblia 2011

⁷ Unya si Jacob nahadlok sa hilabihan gayod ug nabalisa siya. Ug iyang gibahin ang iyang mga tawo nga diha uban kaniya ug ang mga panon sa kahayopan ug ang mga baka ug ang mga kamilyo ngadto sa duha ka pundok.

Maayong Balita Biblia

⁷ Nahadlok ug nabalaka pag-ayo si Jacob. Busa gibahin niya sa duha ka panon ang iyang mga tawo ingon man ang iyang mga karnero, kanding, baka ug mga kamelyo.

Ang Bag-ong Maayong Balita Biblia

⁷ Nahadlok ug nabalaka pag-ayo si Jacob. Busa gibahin niya sa duha ka panon ang iyang mga tawo ingon man ang iyang mga karnero, kanding, baka ug mga kamelyo.

Genesis 32:7 Cross References

Genesis 32:11

Nanghangyo ako kanimo nga luwason mo ako gikan sa kamot sa akong igsoon nga si Esau. Nahadlok ako nga tingalig moanhi siya ug pamatyon kaming tanan, apil ang mga inahan ug ang ilang mga anak.

Genesis 32:3

Nagsugo si Jacob ug mga tawo nga mouna kaniya ngadto sa iyang igsoon nga si Esau didto sa yuta sa Seir, ang dapit nga gitawag usab ug Edom.

Genesis 32:8

Naghuna-huna siya nga kon pananglit moabot si Esau ug sulongon ang usa ka grupo, makaikyas pa ang usa ka grupo.

Genesis 33:1

Unya, pagtan-aw ni Jacob, nakita niya si Esau nga nagpadulong uban sa 400 ka mga lalaki. Busa gipauban niya ang iyang mga anak sa ilang tagsa-tagsa ka inahan.

Genesis 35:3

Motungas kita ngadto sa Betel, ug magbuhat ako didto ug halaran ngadto sa Dios nga mitabang kanako sa diha pa ako sa kalisod, ug nag-uban kanako bisan asa ako paingon.”

Salmo 107:6

Sa ilang kalisod, mitawag sila sa Ginoo, ug giluwas niya sila.

Salmo 112:5

Panalanginan ang tawo nga manggihatagon, nagpahulam sa uban, ug dili manglimbong.

Salmo 142:4

Tan-awa ang akong palibot, wala gayoy nagtabang kanako. Walay gapanalipod ug nabalaka kanako.

Salmo 31:13

Madungog ko ang hungihong sa daghang mga kaaway. Bisan asa ako moadto anaa ang kakuyaw, kay nagplano sila sa pagpatay kanako.

Salmo 61:2

Gikan dinhi sa layong dapit, nanawag ako kanimo tungod kay nawad-an na ako ug paglaom. Dad-a ako sa dapit diin luwas ako sa kakuyaw,

Exodo 14:10

Sa nagpadulong ang hari ug ang iyang mga sundalo, nakita sila sa mga Israelinhon. Busa nangahadlok sila pag-ayo ug nagpakitabang sila sa Ginoo.

Mga Panultihon 2:11

Kon aduna kay panabot ug kahibalo nga modesisyon ug ensakto, makasalbar kini kanimo

Isaias 28:26

Gitudloan sa Dios ang mag-uuma sa hustong buhaton.

Mateo 10:16

“Timan-i ninyo kini! Sama kamo sa mga karnero nga akong gipaadto sa mabangis nga mga mananap. Busa pagmaigmat kamo sama sa mga bitin, ug pagmalumo kamo sama sa mga salampati.

Mateo 8:26

Miingon si Jesus kanila, “Nganong nahadlok man kamo? Kulang ang inyong pagtuo.” Unya mibangon siya ug gimandoan niya ang hangin ug ang mga balod nga mohunong. Ug diha-diha milinaw.

Juan 16:33

“Gisulti ko kining mga butanga kaninyo aron aduna kamoy kalinaw tungod sa inyong pagtuo kanako. Paantuson kamo sa mga tawo sa kalibotan, apan ayaw kamo kahadlok tungod kay gidaog ko na ang gahom sa kalibotan.”

Mga Buhat 14:22

Gipalig-on nila ang mga magtutuo ug gidasig nga magpadayon gayod sa ilang pagtuo. Miingon usab sila sa mga magtutuo, “Daghang kalisdanan ang atong kinahanglan maagian sa pagsulod sa gingharian sa Dios.”

2 Mga Taga-Corinto 1:4

Gidasig niya kita sa tanan natong mga kalisdanan, aron nga pinaagi sa pagdasig niya kanato madasig usab nato ang uban nga anaa sa kalisdanan.

2 Timoteo 3:12

Ang tinuod, ang tanan nga gustong magkinabuhi nga diosnon isip sumusunod ni Cristo Jesus makasinati gayod sa mga paglutos.