Genesis 3:16 - Ang Pulong sa Dios

¹⁶ Miingon usab siya sa babaye, “Tungod sa imong gibuhat, dugangan ko ang kalisod sa imong pagpanamkon ug ang kasakit sa pagpanganak. Ug bisan pa niana, mangandoy ka gihapon sa imong bana, ug siya ang mogahom kanimo.”

Ang Biblia 2011

¹⁶ Ngadto sa babaye miingon siya, “Padaghanon nako pag-ayo ang kasakit sa imong pagpanamkon ug sa kasakit ikaw magpahimugso ug mga anak, apan mangandoy gihapon ikaw sa imong bana ug siya magbuot kanimo.”

Maayong Balita Biblia

¹⁶ Ug miingon siya sa babaye, “Dugangan ko ang imong kalisdanan inigpanamkon mo ug ang kasakit nga imong bation inigpanganak nimo; apan bisan pa niini, mangandoy ka gihapon sa imong bana ug siya maoy magbuot kanimo.”

Ang Bag-ong Maayong Balita Biblia

¹⁶ Ug miingon siya sa babaye, “Dugangan ko ang imong kalisdanan inigpanamkon mo ug ang kasakit nga imong bation inigpanganak nimo; apan bisan pa niini, mangandoy ka gihapon sa imong bana ug siya maoy magbuot kanimo.”

Genesis 3:16 Cross References

Genesis 4:7

Kon maayo lang ang imong gibuhat, magmalipayon ka unta. Apan pagbantay! Kay kon dili maayo ang imong ginabuhat, ang sala mogahom kanimo. Kay ang sala daw sama sa mabangis nga mananap nga nag-atang kanimo aron tukbon ka. Busa kinahanglan duminahon mo kini.”

1 Cronicas 4:9

Adunay usa ka tawo nga ginganlag Jabez. Mas tinahod siya kaysa iyang mga igsoong lalaki. Ginganlan siya sa iyang inahan ug Jabez, kay ingon sa iyang inahan, “Naglisod gayod ako sa pagpanganak kaniya.”

Ester 1:20

Ug kon mahibaloan na kini sa tibuok mong gingharian nga labihan kadako, motahod na sa ilang mga bana ang tanang mga asawa, gikan sa labing dungganon hangtod sa pinakaubos.”

Salmo 48:6

Nangurog sila sa kahadlok daw sa babayeng nagbati.

Isaias 13:8

Magkurog sila sa kahadlok. Bation nila ang labihang kasakit ug maghigwaos sila sama sa babaye nga nagbati. Magtinan-away sila sa usag usa, ug ang ilang mga nawong mamula sa labihang kaulaw.

Isaias 21:3

Kining nakita ug nadunggan ko sa panan-awon, nakapakurog gayod kanako ug naghatag ug sakit sa akong kalawasan, sama sa sakit nga gibati sa babaye nga nagbati.

Isaias 53:11

Kon makita niya ang mga bunga sa iyang mga pag-antos, malipay siya. Miingon ang Ginoo, “Pinaagi sa iyang kaalam daghan ang pakamatarungon sa akong matarong nga alagad; mag-antos siya alang sa ilang mga sala.

Jeremias 13:21

Unsa kahay imong bation kon ang mga nasod nga imong gihimong kaabin maoy pagamhon sa Ginoo kanimo? Dili mo kaha bation ang kasakit nga sama sa bation sa babayeng nagbati?

Jeremias 22:23

Kamong nagpuyo sa palasyo nga hinimo sa mga kahoyng sedro nga gikan sa Lebanon, mag-agulo kamo kon moabot na ang mga kasakit kaninyo, sama sa pag-agulo sa usa ka babayeng nagbati.

Jeremias 4:31

Nakadungog akog tiyabaw ug agulo, sama sa usa ka babayeng nanganak nga primerisa. Tiyabaw kini sa mga lumulupyo sa Jerusalem nga daw makabsan sa ginhawa. Giisa nila ang ilang mga kamot ug nagkanayon, “Pagkamakaluluoy namo; daw mawad-an na kamig panimuot. Kay miabot na ang mopatay kanamo.”

Jeremias 49:24

Nawad-an sa kadasig ang mga taga-Damasco ug nangikyas tungod sa kahadlok. Nataranta, naguol, ug gibati silag kasakit sama sa babayeng nagbati.

Jeremias 6:24

Daghan ang among nadungog nga balita mahitungod kanila, ug namuypoy ang among mga bukton sa kahadlok. Sama sa babayeng nagbati, nag-antos kami sa kaguol ug kasakit.

Numeros 30:13

Busa ang iyang bana adunay katungod sa pagtugot o pagbali-wala sa bisan unsa nga iyang gipanaad o gipanumpa.

Juan 16:21

Sama sa babayeng nagbati tungod kay manganak na siya. Apan kon matawo na gani ang bata, malimot na siya sa kasakit tungod sa iyang kalipay nga natawo na ang iyang anak dinhi sa kalibotan.

1 Mga Taga-Corinto 11:3

Karon gusto ko nga masayran ninyo nga si Cristo mao ang ulo sa matag lalaki, ug ang lalaki mao ang ulo sa babaye, ug ang Dios mao ang ulo ni Cristo.

1 Mga Taga-Corinto 14:34

nga kon magtigom kamo, ang mga babaye kinahanglan maghilom tungod kay wala sila tugoti sa pagsulti. Kinahanglan magpasakop sila sa mga lalaki sumala sa giingon sa Kasugoan.

1 Mga Taga-Corinto 7:4

Kay ang lawas sa asawa iya na sa bana, ug ang lawas sa bana iya na usab sa asawa.

Mga Taga-Colosas 3:18

Kamong mga asawa, magpasakop kamo sa inyong bana, kay mao kini ang angay ninyong buhaton isip mga magtutuo sa Ginoo.

1 Mga Taga-Tesalonica 5:3

Mahitabo kini samtang ang mga wala motuo moingon, “Malinawon ang tanan ug walay katalagman.” Apan sa kalit lang moabot kanila ang kalaglagan, sama sa babayeng nagbati, ug wala gayoy makaikyas kanila.

1 Timoteo 2:13

Kay una nga gibuhat sa Dios si Adan ug sunod lang si Eba.

1 Timoteo 2:15

Apan ang mga babaye maluwas pinaagi sa pagpanganak, kon sila magpadayon sa pagtuo, sa paghigugma, sa pagkadiosnon, ug sa ilang maayo nga pamatasan.

Tito 2:5

ug kon unsaon nila pagtimbang-timbang kon unsa ang maayo o dili, ug aron sila makatuon sa pagkinabuhi nga putli, sa pag-atiman sa panimalay, sa pagbinuotan, ug sa pagpasakop sa ilang bana, aron nga walay makasulti ug daotan batok sa pulong sa Dios nga atong gitudlo.