Genesis 27:1 - Ang Pulong sa Dios

¹ Sa natigulang na si Isaac ug halos dili na makakita, gitawag niya ang kamagulangan niyang anak nga si Esau. Miingon siya, “Anak.” Mitubag si Esau, “Ania ako.”

Ang Biblia 2011

¹ Sa diha nga tigulang na si Isaac ug ang iyang mga mata halap na, nga tungod niana dili na siya makakita, gitawag niya si Esau, ang iyang anak nga magulang ug siya miingon kaniya, “Anak ko,” ug siya mitubag, “Ania ako.”

Maayong Balita Biblia

¹ Tigulang na si Isaac ug dili na makakita. Gipatawag niya si Esau, ang magulang niyang anak, ug giingnan, “Anak!” Ug mitubag si Esau, “Unsa man, Tay?”

Ang Bag-ong Maayong Balita Biblia

¹ Tigulang na si Isaac ug dili na makakita. Gipatawag niya si Esau, ang magulang niyang anak, ug giingnan, “Anak!” Ug mitubag si Esau, “Unsa man, Tay?”

Genesis 27:1 Cross References

Genesis 25:33

Mitubag si Jacob, “Kon mao kana, panumpa una kanako.” Busa nanumpa si Esau nga kang Jacob na ang katungod sa pagkamagulang.

Genesis 48:10

Halap na si Israel tungod sa iyang katigulangon, busa gipaduol ni Jose ang iyang mga anak kang Israel. Gigakos sila ni Israel ug gihagkan.

1 Mga Hari 14:4

Busa miadto ang asawa ni Jeroboam sa balay ni Ahia sa Silo. Tigulang na si Ahia ug dili na siya makakita.

Ecclesiastes 12:3

Moabot ang adlaw nga ang imong mga bukton mangurog ug ang imong mga tiil mangaluya. Ang imong mga ngipon dili na makausap tungod kay pipila na lang kini kabuok, ug ang imong mga mata halap na.

Juan 9:3

Miingon si Jesus, “Nabuta siya dili tungod sa iyang sala o sa sala sa iyang mga ginikanan, kondili aron makita sa mga tawo ang gahom sa Dios pinaagi sa pag-ayo kaniya.

Deuteronomio 34:7

Nagpanuigon si Moises ug 120 ka tuig sa dihang namatay siya, apan kusgan pa gihapon siya, ug maayo pa ang iyang panan-aw.

1 Samuel 3:2

Usa ka gabii niana, natulog si Eli sa iyang kuwarto. Dili na kaayo makakita si Eli.