Genesis 26:7 - Ang Pulong sa Dios

⁷ Matahom si Rebeka, busa kon mangutana ang mga taga-Gerar kang Isaac bahin sa iyang asawa motubag siya nga igsoon niya kini. Nahadlok siyang moingon nga asawa niya si Rebeka kay basin ug patyon nila siya aron makuha kini.

Ang Biblia 2011

⁷ Sa diha nga ang mga tawo niadtong dapita nangutana kaniya mahitungod sa iyang asawa, siya miingon, “Siya akong igsoon.” Kay nahadlok siya sa pag-ingon, “Siya akong asawa,” kay naghunahuna siya, “tingali ug patyon ako sa mga tawo niining dapita tungod kang Rebecca,” kay maanyag siya nga tan-awon.

Maayong Balita Biblia

⁷ Unya sa dihang gipangutana siya sa mga lalaking molupyo sa maong dapit bahin sa iyang asawa, mitubag siya, “Igsoon ko siya.” Gihimo niya kini kay nahadlok man siya nga patyon tungod kang Rebecca kay guwapa man siya kaayo.

Ang Bag-ong Maayong Balita Biblia

⁷ Unya sa dihang gipangutana siya sa mga lalaking molupyo sa maong dapit bahin sa iyang asawa, mitubag siya, “Igsoon ko siya.” Gihimo niya kini kay nahadlok man siya nga patyon tungod kang Rebecca kay guwapa man siya kaayo.

Genesis 26:7 Cross References

Genesis 12:11

Sa nagkaduol na sila sa Ehipto, miingon si Abram sa iyang asawa, “Sarai, maanyag ka nga babaye.

Genesis 12:13

Busa ingna sila nga managsoon kita aron dili nila ako patyon ug hatagan nila akog maayong pagtagad tungod kanimo.”

Genesis 12:15

Ug sa dihang nakita siya sa mga opisyal sa Paraon, gisuginlan nila ang hari kon unsa siya katahom. Busa gidala si Sarai didto sa palasyo.

Genesis 20:11

Mitubag si Abraham, “Abi ko ug wala na gayoy nagtahod sa Dios niining dapita, ug nakahuna-huna ako nga basin ug patyon ninyo ako aron makuha ninyo ang akong asawa.

Genesis 20:2

Samtang didto sila, gipaila ni Abraham si Sara sa mga tawo ingon nga iyang igsoon. Busa gipakuha ni Abimelec nga hari sa Gerar si Sara.

Genesis 20:5

Miingon si Abraham nga igsoon niya si Sara ug si Sara miingon usab nga igsoon niya si Abraham. Inosente gayod ako niining mga butanga, busa nagtuo ako nga dili daotan ang akong gibuhat.”

Genesis 24:16

Hilabihan gayod katahom ni Rebeka ug putli pa. Nanaog siya ngadto sa atabay ug gisudlan niya ug tubig ang iyang tibod. Unya misaka siya.

Genesis 26:6

Busa mipuyo si Isaac sa Gerar.

Genesis 26:8

Sa dugay-dugay na nga nagpuyo sila si Isaac didto sa Gerar, nahitabo nga namintana si Abimelec nga hari sa mga Filistihanon ug nakita niya nga nagparayganay sila si Isaac ug si Rebeka.

Genesis 29:17

Nindot ug mata si Lea, apan matahom ug nindot ug lawas si Raquel.

Mga Panultihon 29:25

Makuyaw kon kita talawan. Apan kon mosalig lang kita sa Ginoo, wala gayoy daotang mahitabo kanato.

Mateo 10:28

Ayaw kamo kahadlok sa mga tawo nga makapatay sa inyong lawas apan dili makapatay sa inyong kalag. Ang Dios mao ang angay ninyong kahadlokan, tungod kay siya ang makahimo sa paglaglag sa inyong lawas ug kalag didto sa impiyerno.

Mga Taga-Efeso 5:25

Kamo nga mga bana, higugmaa ninyo ang inyong asawa sama usab sa paghigugma ni Cristo sa mga tumutuo. Tungod sa iyang paghigugma kanato gihalad niya ang iyang kinabuhi

Mga Taga-Colosas 3:9

Ayaw kamo pagbakak sa usag usa, tungod kay gisalikway na nato ang atong daan ug daotan nga kinaiya.