Genesis 26:2 - Ang Pulong sa Dios

² Nagpakita ang Ginoo kaniya ug miingon, “Ayaw pag-adto sa Ehipto; didto puyo sa dapit nga itudlo ko kanimo.

Ang Biblia 2011

² Ug ang Ginoo mipakita kaniya ug miingon, “Ayaw pag-adto sa Ehipto, pabilin sa yuta nga akong isulti kanimo.

Maayong Balita Biblia

² Unya ang Ginoo mipakita kang Isaac ug miingon, “Ayaw pag-adto sa Ehipto. Puyo sa dapit nga itudlo ko kanimo.

Ang Bag-ong Maayong Balita Biblia

² Unya ang Ginoo mipakita kang Isaac ug miingon, “Ayaw pag-adto sa Ehipto. Puyo sa dapit nga itudlo ko kanimo.

Genesis 26:2 Cross References

Genesis 12:1

Unya, miingon ang Ginoo kang Abram, “Biyai ang imong nasod, ang imong mga kaparyentehan, ug ang panimalay sa imong amahan, ug adto sa dapit nga ipakita ko kanimo.

Genesis 12:7

Unya nagpakita ang Ginoo kang Abram ug miingon kaniya, “Ihatag ko sa imong mga kaliwat kining yutaa.” Busa nagbuhat si Abram ug halaran alang sa Ginoo nga mipakita kaniya.

Genesis 17:1

Sa dihang nag-edad si Abram ug 99 ka tuig, nagpakita ang Ginoo kaniya ug miingon, “Ako ang Dios nga Makagagahom. Pagmatinumanon kanunay kanako ug pagkinabuhi nga matarong.

Genesis 17:19

Mitubag ang Dios, “Dili. Ang imong asawa nga si Sara manganak ug lalaki ug nganlan mo siya ug Isaac. Padayonon ko diha kaniya ang akong kasabotan kanimo, ug magpadayon kini nga kasabotan ngadto sa iyang mga kaliwat hangtod sa kahangtoran.

Genesis 18:1

Nagpakita ang Ginoo kang Abraham sa dihang didto pa siya nagpuyo duol sa kahoy nga tugas ni Mamre. Init kadto nga adlaw, ug si Abraham naglingkod-lingkod didto sa pultahan sa iyang tolda.

Genesis 26:24

Ug nianang gabii sa iyang pag-abot, nagpakita ang Ginoo kaniya ug miingon, “Ako ang Dios sa imong amahan nga si Abraham. Ayaw kahadlok kay kauban mo ako. Panalanginan ka nako ug hatagan ug daghang mga kaliwat tungod kang Abraham nga akong alagad.”

Salmo 25:12

Ang mga nagtahod kanimo, Ginoo, giyahan mo sa dalan nga angay nilang agian.

Salmo 37:3

Salig sa Ginoo ug himoa ang maayo. Ug magpuyo ka sa yuta sa Israel nga adunay kasigurohan ug walay kahadlokang katalagman.

Exodo 2:24

Nadungog sa Dios ang ilang mga pag-agulo, ug gihinumdoman niya ang iyang kasabotan kang Abraham, Isaac, ug kang Jacob.

Levitico 26:42

tumanon ko ang akong kasabotan sa inyong mga katigulangan nga si Abraham, Isaac, ug Jacob ug ibalik ko kamo sa inyong yuta.