Genesis 26:12 - Ang Pulong sa Dios

¹² Nananom si Isaac niadtong dapita ug nakaani siya ug 100 ka pilo niadtong tuiga, tungod kay gipanalanginan siya sa Ginoo.

Ang Biblia 2011

¹² Ug nagpugas si Isaac niadtong yutaa ug nakaani niadtong maong tuig ug usa ka gatos ka pilo kay siya gipanalanginan sa Ginoo.

Maayong Balita Biblia

¹² Unya nag-uma si Isaac sa maong dapit ug niadtong tuiga usa ka gatos ka pilo ang iyang naani sa iyang pinugas kay gipanalanginan man siya sa Ginoo.

Ang Bag-ong Maayong Balita Biblia

¹² Unya nag-uma si Isaac sa maong dapit ug niadtong tuiga usa ka gatos ka pilo ang iyang naani sa iyang pinugas kay gipanalanginan man siya sa Ginoo.

Genesis 26:12 Cross References

Genesis 24:1

Tigulang na kaayo si Abraham ug gipanalanginan siya sa Ginoo sa tanang butang.

Genesis 24:35

Gipanalanginan sa Ginoo ang akong agalon ug adunahan na kaayo siya karon. Gihatagan siya sa Ginoo ug daghang mga karnero, kanding, baka, kamelyo, asno, pilak, bulawan, ug mga sulugoon nga lalaki ug babaye.

Genesis 25:11

Human mamatay si Abraham, gipanalanginan sa Dios si Isaac ug didto siya nagpuyo sa Beer Lahai Roi.

Genesis 26:29

nga dili ka mohimo ug daotan kanamo sama nga wala kami manghilabot kanimo sa didto ka pa sa among dapit. Giayo ka namo pagtagad ug gipapahawa sa maayong kabubut-on. Ug karon, gipanalanginan ka pa gayod sa Ginoo.”

Genesis 26:3

Puyo lang una dinhi kay ubanan ka nako ug panalanginan. Ihatag ko kanimo ug sa imong mga kaliwat kining tibuok yuta. Tumanon ko ang akong gisaad sa imong amahan nga si Abraham.

Genesis 30:30

Sa pag-abot ko dinhi gamay ra ang imong kahayopan, apan karon daghan na kaayo, kay gipanalanginan ka sa Ginoo tungod kanako. Karon angay na tingali akong maninguha alang sa akong kaugalingong panimalay.”

Job 42:12

Busa gipanalanginan sa Ginoo ang misunod nga mga bahin sa kinabuhi ni Job labaw pa kaysa kaniadto. Gihatagan niya si Job ug 14,000 ka karnero, 6,000 ka kamelyo, 1,000 ka parisan nga baka, ug 1,000 ka bayeng asno.

Salmo 67:6

Hinaut nga mohatag ug abot ang yuta. Hinaut nga panalanginan kita sa atong Dios. Ug hinaut nga ang tanang mga tawo sa tibuok kalibotan motahod kaniya.

Salmo 72:16

Hinaut pa nga modaghan ang mga abot sa yuta, bisan sa kinatumyan sa mga bukid. Hinaut pa nga mahimo kining sama kamabungahon sa bukid sa Lebanon. Hinaut pa nga modaghan ang mga lumulupyo sa mga lungsod sama sa mga sagbot sa mga kaumahan.

Mga Panultihon 10:22

Maadunahan ang tawo tungod sa pagpanalangin sa Ginoo, ug wala naghatag ang  Ginoo ug kalisod sa iyang pagkabahandianon.

Ecclesiastes 11:6

Padayon lang sa pagpananom, kay wala ka masayod hain niini ang motubo pag-ayo, o kon maayo ba hinuon ang pagtubo sa tanan.

Zacarias 8:12

“Magtanom kamo nga adunay kalinaw. Mamunga ang mga ubas, mohatag ug daghang abot ang yuta, ug aduna nay yamog. Ihatag ko kining tanan kaninyong mga nahibilin.

Mateo 13:23

Apan ang maayo nga yuta nga nasabwagan ug binhi mao ang tawo nga naminaw gayod ug nakasabot sa pulong sa Dios. Namunga gayod ang pulong sa Dios sa iyang kinabuhi. Ang uban 30, ang uban 60, ang uban 100.”

Mateo 13:8

Ang uban usab nga binhi nasabwag sa maayo nga yuta, mitubo ug namunga. Ang uban 30, ang uban 60, ang uban 100.

Marcos 4:8

Ang uban usab nga binhi nasabwag sa maayo nga yuta, ug kini mitubo ug namunga. Ang uban igo-igo lang ang bunga, ang uban daghan, ug ang uban daghan kaayo.”

1 Mga Taga-Corinto 3:6

Ako ang nagtanom, ug si Apolos ang nagbisbis, apan ang Dios mao ang nagpatubo.