Genesis 20:9 - Ang Pulong sa Dios

⁹ Unya gipatawag ni Abimelec si Abraham ug gipangutana, “Unsa kining gibuhat mo kanamo? Unsay akong sala kanimo nga gibutang mo man kanako ug sa tibuok kong gingharian kining labihan kadako nga sala? Dili maayo ang imong gibuhat.

Ang Biblia 2011

⁹ Unya si Abraham gitawag ni Abimelek ug giingnan siya, “Unsa ba kining gibuhat nimo kanamo? Ug unsa bay sala nako kanimo nga nagdala man ikaw kanako ug sa akong gingharian ug dako kaayong sala? Gibuhat nimo kanako ang dili angay nimong buhaton.”

Maayong Balita Biblia

⁹ Unya gipaatubang ni Abimelec si Abraham ug gipangutana, “Nganong gibuhat mo man kini kanamo? Unsay daotan nga akong nahimo kanimo aron ako ug ang akong gingharian dad-an mog dakong kadaot nga dili gayod angay mong buhaton kanako?

Ang Bag-ong Maayong Balita Biblia

⁹ Unya gipaatubang ni Abimelec si Abraham ug gipangutana, “Nganong gibuhat mo man kini kanamo? Unsay daotan nga akong nahimo kanimo aron ako ug ang akong gingharian dad-an mog dakong kadaot nga dili gayod angay mong buhaton kanako?

Genesis 20:9 Cross References

Genesis 12:18

Sa dihang nasayran sa Paraon ang hinungdan, gipatawag niya si Abram ug gipangutana, “Unsa kining gibuhat mo kanako? Nganong wala ka magsulti nga asawa mo diay siya?

Genesis 20:10

Nganong gibuhat mo man kini?”

Genesis 20:8

Sayo pa kaayo pagkasunod adlaw, gipatawag ni Abimelec ang tanan niyang mga opisyal ug gisuginlan mahitungod sa iyang damgo. Nahadlok sila pag-ayo.

Genesis 26:10

Miingon si Abimelec, “Dili maayo ang gibuhat mo kanamo. Kon nahitabo pa nga nakighilawas kaniya ang usa sa akong mga tawo, nakasala unta kami tungod kanimo.”

Genesis 29:25

Pagkabuntag, nahibaloan ni Jacob nga si Lea diay ang iyang gikadulog. Busa giadtoan niya si Laban ug giingnan, “Nganong gibuhat mo kini kanako? Nangalagad ako kanimo aron mapangasawa ko si Raquel. Nganong gilimbongan mo man ako?”

Genesis 34:7

Pagkadungog sa mga anak nga lalaki ni Jacob sa nahitabo, mipauli dayon sila gikan sa uma. Misurok ang ilang dugo ug napungot sila pag-ayo kang Sekem tungod kay gihimo niini ang dili gayod angay himuon, nga naghatag ug kaulawan sa pamilya ni Jacob.

Genesis 38:24

Paglabay sa tulo ka bulan, gisultihan si Juda nga ang iyang umagad nga si Tamar nagbaligya sa iyang dungog ug mabdos na gani. Busa miingon si Juda, “Dad-a ninyo siya sa gawas sa lungsod aron sunogon.”

Genesis 39:9

Gihatagan niya ako sa labawng katungod dinhi niini nga panimalay, ug gitugyan niya kanako ang tanan gawas lang kanimo tungod kay ikaw iyang asawa. Busa dili ko mahimong budhian ang akong agalon ug magpakasala sa Dios.”

2 Samuel 12:5

Nasuko pag-ayo si David sa tawo nga adunahan ug miingon siya kang Natan, “Ipanumpa ko sa buhi nga Ginoo nga angay gayong patyon ang tawo nga naghimo niana.

2 Samuel 13:12

Miingon si Tamar kaniya, “Ayaw, managsoon kita! Ayaw ako pakaulawi; dili kini angay mahitabo sa Israel. Ayaw buhata kining kabuang kanako!

Exodo 32:21

Miingon si Moises kang Aaron, “Unsa bay gihimo niining mga tawhana kanimo nga gitugotan mo man sila sa pagpakasala sa hilabihan?”

Exodo 32:35

Ug gipadad-an sa Ginoo ug katalagman ang mga Israelinhon tungod kay gisimba nila ang dios-dios nga baka nga gihimo ni Aaron.

Mga Panultihon 28:10

Ang tawo nga mosulsol sa tawong matarong ngadto sa pagpakasala mabiktima sa iyang kaugalingong laang. Apan ang tawo kansang kinabuhi walay ikasaway mouswag.

Levitico 20:10

“ ‘Kon ang usa ka lalaki makighilawas sa asawa sa uban, siya ug ang babaye kinahanglan nga patyon.

Roma 2:11

Kay ang Dios walay pinalabi.

Tito 1:11

Kinahanglan gayod nga santaon sila sa ilang gibuhat, kay gisamok nila ang mga panimalay pinaagi sa ilang mga pagtulon-an nga dili angayng itudlo, ug ang ilang katuyoan makauulaw tungod kay nanapi lamang sila.

Mga Hebreo 13:4

Ang kada usa kinahanglang maghatag ug bili sa kaminyoon. Busa dili gayod kamo manapaw tungod kay silotan sa Dios ang mga tawo nga nakighilawas gawas sa kaminyoon.

Josue 7:25

Miingon si Josue kang Acan, “Nganong gidad-an mo man kami ug kasamok? Nan, karon padalhan ka usab sa Ginoo ug kasamok.” Unya gibato sa mga Israelinhon si Acan hangtod nga namatay. Gibato usab nila ang iyang pamilya ug gisunog ang iyang mga kabtangan.