Genesis 2:7 - Ang Pulong sa Dios

⁷ Unya gibuhat sa Ginoong Dios ang tawo gikan sa yuta. Gihuypan niya ang ilong sa tawo sa gininhawa nga naghatag ug kinabuhi, ug ang tawo nahimo nga buhing binuhat.

Ang Biblia 2011

⁷ Ug giumol sa Ginoong Dios ang tawo nahimo nga gikan sa abog sa yuta ug gihuyop niya ngadto sa ilong niini ang gininhawa sa kinabuhi, ug ang tawo nahimo nga buhing binuhat.

Maayong Balita Biblia

⁷ Unya mikuha ang Ginoong Dios ug yuta ug nagbuhat siyag tawo gikan niini. Gihuypan niya ang buho sa ilong sa tawo sa gininhawa nga naghatag ug kinabuhi ug ang tawo nakabaton ug kinabuhi.

Ang Bag-ong Maayong Balita Biblia

⁷ Unya mikuha ang Ginoong Dios ug yuta ug nagbuhat siyag tawo gikan niini. Gihuypan niya ang buho sa ilong sa tawo sa gininhawa nga naghatag ug kinabuhi ug ang tawo nakabaton ug kinabuhi.

Genesis 2:7 Cross References

Genesis 1:27

Busa gimugna sa Dios ang tawo, lalaki ug babaye, nga sama sa iyang dagway.

Genesis 2:6

Apan bisan walay ulan, adunay mga tubod nga nagpabasa sa yuta.

Genesis 3:19

Kinahanglan nga maghago ka ug maayo sa dugay nga panahon una ka makakaon, hangtod nga mobalik ka sa yuta nga mao ang imong gigikanan. Kay sa abog ka gikan, sa abog ka usab mobalik.”

Genesis 3:23

Busa gipapahawa sa Ginoong Dios gikan sa tanaman sa Eden ang tawo aron sa pagpanguma sa yuta nga mao ang iyang gigikanan.

Genesis 7:22

Nangamatay ang tanang adunay gininhawa.

Job 27:3

Samtang nagginhawa pa ako, ug gitugotan pa ako sa Dios nga mabuhi,

Job 33:4

Ang espiritu sa Makagagahom nga Dios maoy naghimo kanako ug naghatag kanakog kinabuhi.

Job 33:6

Sama ra ako kanimo atubangan sa Dios. Giumol usab ako gikan sa yuta.

Job 4:19

unsa pa kaha ang mga tawo nga hinimo lang gikan sa yuta, ug sama ra kasayon dugmokon sama sa insekto!

Salmo 100:3

Ilha ninyo nga ang  Ginoo, Dios! Siya ang naghimo kanato ug iya kita. Iya kitang katawhan nga giatiman niya sama sa mga karnero.

Salmo 103:14

Kay nasayod siya kon giunsa niya kita paghimo. Gihinumdoman niya nga gihimo kita gikan sa abog.

Mga Panultihon 20:27

Ang atong konsensya o huna-huna gamiton sa Ginoo sa paglamdag sa atong kinabuhi aron masusi nato ang atong pagkatawo.

Ecclesiastes 12:7

Unya mobalik ang imong lawas sa yuta nga gigikanan niini, ug ang imong espiritu mobalik sa Dios nga mao ang naghatag niini.

Ecclesiastes 3:7

adunay panahon sa paggisi ug adunay panahon sa pagtahi, adunay panahon sa paghilom ug adunay panahon sa pagsulti,

Isaias 2:22

Ayaw na kamo pagsalig sa tawo kay mamatay ra siya. Unsa ba gayod ang iyang matabang?

Isaias 64:8

Apan sa gihapon ikaw ang among Amahan, Ginoo. Sama ikaw sa magkukolon, ug kami sama sa lapok. Ikaw ang naghimo kanamong tanan.

Mga Pagbangotan 4:20

Nadakpan nila pinaagi sa ilang mga bangag ang hari nga pinili sa Ginoo, nga maoy among gisaligan nga manalipod kanamo batok sa mga kaaway nga nasod.

Ezequiel 37:5

Kay ako, ang Ginoong Dios, nag-ingon kanila: Hatagan ko kamo ug gininhawa, ug mabuhi kamo.

Ezequiel 37:6

Butangan ko kamo ug mga ugat ug mga unod, ug puston ko kamo sa panit. Hatagan ko kamo ug gininhawa, ug mabuhi kamo. Unya mahibaloan ninyo nga ako mao ang  Ginoo.”

Zacarias 12:1

Mao kini ang mensahe sa Ginoo mahitungod sa Israel: “Ako ang  Ginoo nga naghimo sa kalangitan ug sa kalibotan, ug naghatag sa kinabuhi sa tawo.

Numeros 16:22

Apan mihapa si Moises ug si Aaron ug miingon, “O Dios nga tinubdan sa kinabuhi sa tanang katawhan, masuko ka ba diay sa tibuok katilingban nga usa man lang ka tawo ang nakasala?”

Numeros 27:16

“Ginoo, Dios nga tinubdan sa kinabuhi sa tanang mga tawo, hinaut nga magpili ka ug usa ka tawong mangulo niining katawhan

Juan 20:22

Gihuypan dayon niya sila ug miingon, “Dawata ninyo ang Espiritu Santo.

Mga Buhat 17:25

Wala usab siya magkinahanglan ug tabang gikan sa mga tawo tungod kay siya mismo ang naghatag ug kinabuhi kanato, ug sa tanang gikinahanglan nato.

Roma 9:20

Apan kinsa ka ba nga molalis sa Dios? Kita mga binuhat lang sa Dios, busa dili kita makareklamo kaniya kon nganong gihimo niya kita nga sama niini.

1 Mga Taga-Corinto 15:45

Kay ang Kasulatan nag-ingon, “Ang una nga tawo nga si Adan gihatagan ug kinabuhi.” Apan ang ulahi nga Adan nga mao si Cristo gihatagan sa espiritu nga naghatag ug kinabuhi.

1 Mga Taga-Corinto 15:47

Ang unang tawo nga si Adan yutan-on. Gibuhat siya gikan sa yuta. Apan ang ikaduhang tawo nga mao si Cristo gikan sa langit.

2 Mga Taga-Corinto 4:7

Ania kanamo ang mahalon nga butang nga gikan sa Dios apan sama lang kami sa kolon nga gisudlan niini aron masayran sa mga tawo nga ang gahom nga dili matupngan gikan sa Dios, ug dili gikan kanamo.

2 Mga Taga-Corinto 5:1

Kining atong lawas karon nahisama sa balay nga atong ginapuy-an samtang ania pa kita sa kalibotan. Dili nato igsapayan kon mamatay ang atong lawas. Kay nasayran nato nga adunay ihatag ang Dios kanato nga bag-ong lawas nga atong kapuy-an didto sa langit. Kini dili binuhat sa tawo kondili sa Dios, ug dili na gayod mamatay bisan kanus-a.

1 Timoteo 2:13

Kay una nga gibuhat sa Dios si Adan ug sunod lang si Eba.

Mga Hebreo 12:9

Dili ba gidisiplina kita sa atong mga tawhanon nga amahan? Ug niana gitahod nato sila? Nan, labaw pang dawaton nato ang pagdisiplina kanato sa atong espirituhanon nga Amahan aron makabaton kita ug kinabuhi.