Genesis 2:22 - Ang Pulong sa Dios

²² Ang gusok nga gikuha gikan sa lalaki gibuhat sa Ginoong Dios nga usa ka babaye, ug gidala niya kini sa lalaki.

Ang Biblia 2011

²² Ug ang gusok nga gikuha sa Ginoong Dios gikan sa tawo gibuhat niya nga usa ka babaye, ug iyang gidala siya ngadto sa lalaki.

Maayong Balita Biblia

²² Ang maong gusok gihimo niya nga usa ka babaye, ug gidala niya ang babaye ngadto sa lalaki.

Ang Bag-ong Maayong Balita Biblia

²² Ang maong gusok gihimo niya nga usa ka babaye, ug gidala niya ang babaye ngadto sa lalaki.

Genesis 2:22 Cross References

Genesis 2:19

Gibuhat sa Ginoong Dios gikan sa yuta ang tanang matang sa mga mananap nga nagpuyo sa yuta ug ang tanang matang sa mga mananap nga galupad. Unya gidala niya sila ngadto sa tawo aron panganlan kini. Kon unsay gipangalan sa tawo kanila mao nay tawag kanila.

Salmo 127:1

Kon wala ang tabang sa Ginoo sa pagtukod ug balay, walay kapuslanan ang kahago sa nagtukod niini. Kon dili panalipdan sa Ginoo ang siyudad, walay kapuslanan ang pagtukaw sa tigbalantay.

Mga Panultihon 18:22

Kon nakapangasawa ka, nakaangkon kag kaayohan, ug nagpadayag kana nga maayo ang  Ginoo kanimo.

Mga Panultihon 19:14

Mapanunod gikan sa ginikanan ang balay ug ang uban pang kabtangan, apan ang  Ginoo lang ang makahatag ug maalamon nga asawa.

1 Timoteo 2:13

Kay una nga gibuhat sa Dios si Adan ug sunod lang si Eba.

Mga Hebreo 13:4

Ang kada usa kinahanglang maghatag ug bili sa kaminyoon. Busa dili gayod kamo manapaw tungod kay silotan sa Dios ang mga tawo nga nakighilawas gawas sa kaminyoon.