Genesis 2:18 - Ang Pulong sa Dios

¹⁸ Unya miingon ang Ginoong Dios, “Dili maayo nga mag-inusara ang tawo. Buhatan ko siya ug katabang nga angay kaniya.”

Ang Biblia 2011

¹⁸ Ug miingon ang Ginoong Dios, “Dili maayo nga ang tawo mag-inusara; buhatan nako siya ug kaabag nga angay kaniya.”

Maayong Balita Biblia

¹⁸ Unya miingon ang Ginoong Dios, “Dili maayo nga mag-inusara ang tawo. Himoan ko siyag kauban ug katabang nga angay kaniya.”

Ang Bag-ong Maayong Balita Biblia

¹⁸ Unya miingon ang Ginoong Dios, “Dili maayo nga mag-inusara ang tawo. Himoan ko siyag kauban ug katabang nga angay kaniya.”

Genesis 2:18 Cross References

Genesis 1:31

Gitan-aw sa Dios ang tanan niyang gibuhat ug nakita niya nga maayo gayod kini. Milabay ang kagabhion, ug unya miabot ang kabuntagon. Mao kadto ang ikaunom nga adlaw.

Genesis 2:20

Busa ginganlan sa tawo ang tanang mananap nga nagpuyo sa yuta apil ang mga mananap nga galupad. Apan walay usa niining mga mananap nga angay mahimong kaabag ni Adan.

Genesis 3:12

Mitubag ang lalaki, “Ang babaye nga gipauban mo kanako maoy naghatag sa bunga niadtong kahoy ug mikaon ako.”

Mga Panultihon 18:22

Kon nakapangasawa ka, nakaangkon kag kaayohan, ug nagpadayag kana nga maayo ang  Ginoo kanimo.

1 Mga Taga-Corinto 7:36

Karon, mahitungod sa mga managtrato: kon sa huna-huna sa lalaki nagbuhat siya sa dili angay ngadto sa iyang trato, ug dili na siya makapugong sa iyang pagbati, ug sa iyang huna-huna angay na nga magminyo sila, maayo pa nga magpakasal na lang sila. Dili kana sala.

1 Pedro 3:7

Kamo usab nga mga bana, sabta ninyo ang inyong mga asawa sumala sa inyong nasayran isip Cristohanon. Tahora ninyo sila isip mga babaye nga mas mahuyang kay kanato. Kay gihatagan usab sila sa Dios ug kinabuhi nga walay kataposan sama kanato. Kon dili kini ninyo buhaton, dili tubagon sa Dios ang inyong mga pag-ampo.

Ruth 3:1

Usa ka adlaw, miingon si Noemi kang Ruth, “Anak, gusto kong maminyo ka na alang sa imong kaayohan.