Genesis 16:2 - Ang Pulong sa Dios

² Miingon si Sarai kang Abram, “Wala man motugot ang Ginoo nga makaanak ako, maayo pa tingali nga makighilawas ka sa akong sulugoon nga babaye kay basin pa ug makabaton ako ug anak pinaagi kaniya.” Misugot si Abram sa giingon sa iyang asawa.

Ang Biblia 2011

² Busa si Sarai miingon kang Abram, “Tan-awa, gipugngan sa Ginoo nga ako makaanak; sulod ngadto sa akong ulipon nga babaye, basin ug makaangkon ako ug mga anak pinaagi kaniya.” Ug gipatalinghogan ni Abram ang tingog ni Sarai.

Maayong Balita Biblia

² Miingon si Sarai kang Abram, “Nakita mo nga ang Ginoo wala motugot nga manganak ako busa adtoa ang akong ulipon ug pakighilawas kaniya basin pag makabaton akog anak pinaagi kaniya.” Busa miuyon si Abram sa gisulti ni Sarai kaniya.

Ang Bag-ong Maayong Balita Biblia

² Miingon si Sarai kang Abram, “Nakita mo nga ang Ginoo wala motugot nga manganak ako busa adtoa ang akong ulipon ug pakighilawas kaniya basin pag makabaton akog anak pinaagi kaniya.” Busa miuyon si Abram sa gisulti ni Sarai kaniya.

Genesis 16:2 Cross References

Genesis 11:30

Si Sarai walay anak kay baog siya.

Genesis 17:16

Panalanginan ko siya ug hatagan ka nako ug anak pinaagi kaniya. Mahimo siyang inahan sa daghang mga nasod, ug ang uban niya nga mga kaliwat mahimong hari.”

Genesis 18:10

Ang usa sa mga bisita miingon, “Ipaniguro ko nga mobalik ako dinhi sa sunod nga tuig, sa sama gihapon nga panahon, ug ang imong asawa nga si Sara aduna nay anak nga lalaki.” Naminaw diay si Sara didto sa entrada sa tolda sa likod ni Abraham.

Genesis 19:31

Usa niana ka adlaw, miingon ang magulang nga anak ngadto sa iyang manghod, “Tigulang na ang atong amahan ug wala gayoy lalaki dinhi nga mangasawa kanato aron makabaton kitag anak sama sa ginahimo bisan diin.

Genesis 25:21

Tungod kay baog si Rebeka, nag-ampo si Isaac sa Ginoo nga makaanak siya. Gitubag sa Ginoo ang iyang pag-ampo, busa namabdos si Rebeka.

Genesis 3:12

Mitubag ang lalaki, “Ang babaye nga gipauban mo kanako maoy naghatag sa bunga niadtong kahoy ug mikaon ako.”

Genesis 3:17

Miingon usab siya kang Adan, “Tungod kay naminaw ka sa imong asawa ug mikaon sa bunga sa kahoy nga gidili ko kanimo: “Tunglohon ko ang yuta tungod kanimo. Sa tibuok mong kinabuhi, maghago ka ug maayo aron ka makakaon.

Genesis 30:22

Gihinumdoman sa Dios si Raquel. Gitubag niya ang pag-ampo niini ug gitugotan nga makaanak.

Genesis 30:6

Miingon si Raquel, “Gikuha na sa Dios ang akong kaulawan. Gitubag niya ang akong pag-ampo ug gihatagan niya ako ug usa ka anak nga lalaki.” Busa ginganlan niya ang bata ug Dan.

Salmo 127:3

Ang mga anak gasa ug panalangin gikan sa Ginoo.

Exodo 21:4

Kon gipaminyo siya sa iyang agalon ug nakaanak sila sa iyang asawa, gawasnon siya sa ikapitong tuig, apan ang iyang asawa ug mga anak magpabilin sa iyang agalon.

Ruth 4:11

Mitubag ang mga tigdumala sa lungsod ug ang tanang mga tawo didto sa pultahan, “Oo, mga saksi kami. Hinaut pa nga ang imong pangasaw-onon himuon sa Ginoo nga sama kang Raquel ug kang Lea nga nanganak ug daghan, nga maoy nahimong mga katawhan sa Israel. Hinaut nga maadunahan ka sa Efrata ug mahimong bantogan sa Betlehem.