Genesis 13:7 - Ang Pulong sa Dios

⁷ Tungod niini, nagkaaway ang mga magbalantay sa ilang mga hayop. (Niadtong panahona ang mga Canaanhon ug mga Perisihanon nagpuyo pa usab niadtong dapita.)

Ang Biblia 2011

⁷ Ug dihay panagbingkil sa mga tigbantay sa kahayopan ni Abram ug sa mga tigbantay sa kahayopan ni Lot. Niadtong panahona, ang mga Canaanhon ug ang mga Perisihanon nagpuyo niadtong yutaa.

Maayong Balita Biblia

⁷ Busa nagkaaway ang mga magbalantay sa kahayopan ni Abram ug ang mga magbalantay sa kahayopan ni Lot. Niadtong panahona ang mga Canaanhon ug mga Perisihanon nagpuyo pa sa maong yuta.

Ang Bag-ong Maayong Balita Biblia

⁷ Busa nagkaaway ang mga magbalantay sa kahayopan ni Abram ug ang mga magbalantay sa kahayopan ni Lot. Niadtong panahona ang mga Canaanhon ug mga Perisihanon nagpuyo pa sa maong yuta.

Genesis 13:7 Cross References

Genesis 10:19

Ang utlanan sa ilang kayutaan naggikan sa Sidon paingon sa Gerar hangtod sa Gaza, ug paingon sa Sodoma, Gomora, Adma, Zeboyim hangtod sa Lasha.

Genesis 12:6

Pag-abot nila sa Canaan, mipadayon sila hangtod nga nakaabot sila sa kahoy nga tugas sa More didto sa Sekem. (Niadtong panahona didto pa nagpuyo ang mga Canaanhon.)

Genesis 21:25

Apan mireklamo si Abraham kang Abimelec mahitungod sa atabay nga giilog sa mga sulugoon ni Abimelec.

Genesis 26:20

Apan nakiglalis ang mga bakero nga taga-Gerar sa mga bakero ni Isaac kay ila kuno kadtong atabay. Busa ginganlan ni Isaac ang atabay ug Esek, kay nakiglalis man ang mga taga-Gerar kaniya.

Genesis 34:30

Unya, miingon si Jacob kang Simeon ug kang Levi, “Gihatagan ninyo ako ug dakong problema. Dumtan na kita karon sa mga Canaanhon ug mga Perisihanon niining dapita. Gamay ra kita kaayo. Mamatay gayod kitang tanan kon maghiusa sila sa pagsulong kanato.”

Genesis 46:34

ingna siya nga sama sa inyong mga ginikanan, magbalantay usab kamo sa kahayopan sukad pa niadtong gagmay pa kamo, aron sa ingon papuy-on niya kamo sa Goshen. Kay ubos ang pagtan-aw sa mga taga-Ehipto sa mga magbalantay ug kahayopan.”

Nehemias 5:9

Nagpadayon ako sa pagsulti, “Dili maayo ang inyong gihimo. Angay unta nga magkinabuhi kamo nga adunay kahadlok sa Dios aron dili kita tamayon sa ubang mga nasod nga atong kaaway.

Exodo 2:17

Adunay miabot usab didto nga mga magbalantay sa kahayopan ug gipapahawa ang mga babaye ug ang ilang kahayopan. Apan gitabangan ni Moises ang mga babaye ug gipainom niya ang ilang kahayopan.

Mga Panultihon 20:3

Dalaygon ang tawo nga maglikay sa kasamok; ang buang-buang lang ang gustog gubot.

Marcos 3:25

Mao usab ang mahitabo kung mag-unay pag-away ang usa ka panimalay, magkabahin-bahin kini.

1 Mga Taga-Corinto 3:3

Kay hangtod karon, nagkinabuhi pa kamo sa inyong tawhanon nga kinaiya tungod kay gasinahay kamo ug nanggiaway. Kining inyong gibuhat nagpamatuod lang nga sama pa gihapon kamo sa mga tawo niining kalibotana.

Mga Taga-Galacia 5:20

nagsimba sila sa mga dios-dios, mga mambabarang, madinumtanon, palaaway, abughoan, masuk-anon, hakog, hinungdan sa pagbahin-bahin ug pagpundok-pundok,

Mga Taga-Colosas 4:5

Pagmatngon kamo sa inyong mga paggawi taliwala sa mga dili tumutuo. Ug pahimusli ninyo ang tanang kahigayonan nga kamo makasugilon mahitungod sa inyong pagtuo.

1 Mga Taga-Tesalonica 4:12

Kon mao kini ang inyong buhaton, dili na kinahanglan nga magsalig pa kamo sa uban alang sa inyong panginabuhian, ug tahoron kamo sa mga dili tumutuo.

Tito 3:3

Kay kaniadto, wala man kita masayod sa kamatuoran mahitungod sa Dios ug dili kita matinumanon. Gipahisalaag kita ug nahimong ulipon sa mga kailibgon ug tanang matang sa kahilayan. Naghari kanato ang daotan nga mga tinguha ug kasina. Gidumtan kita sa uban ug kita usab nagdumot kanila.

Santiago 3:16

Kay kon asa gani ang kasina ug pagkahakog atua usab ang kaguliyang ug ang tanang matang sa kadaotan.

Santiago 4:1

Unsa ba ang hinungdan sa inyong mga away ug mga kasamok? Dili ba tungod man sa inyong daotan nga mga tinguha nga nagsamok sa inyong huna-huna?

1 Pedro 2:12

Ipakita ninyo kanunay sa mga tawo nga wala motuo sa Dios ang inyong maayo nga paggawi. Kay kon nag-ingon sila nga naghimo kamo ug daotan, apan makita nila sa kaulahian nga maayo diay ang inyong gihimo, dayegon nila ang Dios sa adlaw sa iyang pag-anhi.