Genesis 13:5 - Ang Pulong sa Dios

⁵ Si Lot nga mikuyog paglakaw kang Abram aduna usab siyay mga kahayopan ug tolda.

Ang Biblia 2011

⁵ Ug si Lot nga miuban kang Abram, may mga panon usab sa karnero ug baka ug mga tolda.

Maayong Balita Biblia

⁵ Si Lot nga mikuyog kang Abram may mga karnero usab, mga kanding ug mga baka ug may mga tawo nga uban kaniya sa iyang pagkampo.

Ang Bag-ong Maayong Balita Biblia

⁵ Si Lot nga mikuyog kang Abram may mga karnero usab, mga kanding ug mga baka ug may mga tawo nga uban kaniya sa iyang pagkampo.

Genesis 13:5 Cross References

Genesis 12:4

Busa mibiya si Abram sa Haran ug miadto sa Canaan, sumala sa giingon sa Ginoo kaniya. Nag-edad niadto si Abram ug 75 ka tuig. Miuban kaniya ang iyang pag-umangkon nga si Lot. Gidala usab niya ang iyang asawa nga si Sarai ug ang tanan nilang mga kabtangan ug mga sulugoon nga natigom nila sa Haran.

Genesis 13:6

Ug tungod kay daghan na ang ilang mga kahayopan ug uban pang mga kabtangan, dili sila mahimo nga mag-usa sa pagpuyo sa usa ka dapit. Ang sabsabanan dili paigo kanila.

Genesis 25:27

Sa dihang nanagko na sila, nahimong hanas nga mangangayam si Esau ug kanunay siyang atua sa uma, samtang si Jacob hilomon ug gustong anaa ra sa mga tolda.

Genesis 4:20

Si Ada nanganak kang Jabal nga mao ang katigulangan niadtong mga tawo nga nagpuyo sa mga tolda ug nag-atiman ug mga kahayopan.

Jeremias 49:29

Iloga ang ilang mga tolda, mga kabtangan, ug mga kahayopan, apil mga kamelyo. Maninggit sila, ‘Gilibotan kita sa atong makalilisang nga mga kaaway.’