Genesis 13:2 - Ang Pulong sa Dios

² Adunahan na kaayo si Abram; daghan siyag mga hayop, pilak, ug bulawan.

Ang Biblia 2011

² Niadtong panahona si Abram dato kaayo sa kahayopan, sa plata ug sa bulawan.

Maayong Balita Biblia

² Dato na kaayo si Abram. May mga karnero siya, mga kanding, mga baka ug mga plata ug bulawan.

Ang Bag-ong Maayong Balita Biblia

² Dato na kaayo si Abram. May mga karnero siya, mga kanding, mga baka ug mga plata ug bulawan.

Genesis 13:2 Cross References

Genesis 12:16

Tungod kang Sarai, maayo gayod ang pagtagad sa hari kang Abram ug gihatagan pa siya ug mga karnero, kanding, baka, laki ug bayeng asno, kamelyo, ug mga sulugoon nga lalaki ug babaye.

Genesis 13:6

Ug tungod kay daghan na ang ilang mga kahayopan ug uban pang mga kabtangan, dili sila mahimo nga mag-usa sa pagpuyo sa usa ka dapit. Ang sabsabanan dili paigo kanila.

Genesis 24:1

Tigulang na kaayo si Abraham ug gipanalanginan siya sa Ginoo sa tanang butang.

Genesis 24:35

Gipanalanginan sa Ginoo ang akong agalon ug adunahan na kaayo siya karon. Gihatagan siya sa Ginoo ug daghang mga karnero, kanding, baka, kamelyo, asno, pilak, bulawan, ug mga sulugoon nga lalaki ug babaye.

Genesis 26:14

Nasina kaniya ang mga Filistihanon tungod kay daghan na ang iyang mga karnero, kanding, baka, ug mga sulugoon.

Genesis 30:43

Niining paagiha, naadunahan pag-ayo si Jacob. Midaghan ang iyang mga kahayopan apil na ang mga kamelyo ug mga asno. Midaghan usab ang iyang mga sulugoon nga lalaki ug babaye.

Job 1:10

Gipanalipdan mo siya ug ang iyang panimalay, apil ang tanan niyang kabtangan. Gipanalanginan mo ang tanan niyang gibuhat, busa midaghan ang iyang kahayopan sa tibuok kayutaan.

Job 1:3

Aduna siyay 7,000 ka mga karnero, 3,000 ka mga kamelyo, 500 ka parisan nga mga baka, ug 500 ka mga bayeng asno. Aduna usab siyay daghang mga sulugoon. Siya ang pinakaadunahan sa tanang mga tawo dapit sa sidlakan.

Mga Panultihon 10:22

Maadunahan ang tawo tungod sa pagpanalangin sa Ginoo, ug wala naghatag ang  Ginoo ug kalisod sa iyang pagkabahandianon.

Mateo 6:33

Busa unaha ninyo ang pagpasakop sa paghari sa Dios ug ang pagtuman sa iyang kabubut-on, ug ihatag gayod niya ang tanan ninyo nga mga gikinahanglan.

Deuteronomio 8:18

Apan hinumdomi gayod ninyo nga ang Ginoo nga inyong Dios mao ang naghatag kaninyo sa katakos nga mahimong adunahan, ug gihimo niya kini aron matuman niya ang iyang kasabotan nga iyang gisaad sa inyong mga katigulangan, nga nagpadayon hangtod karon.

1 Timoteo 4:8

Adunay kapuslanan ang pagpaugnat sa kusog, apan mas mahinungdanon gayod nga bansayon nato ang atong kaugalingon diha sa espirituhanon nga mga butang, tungod kay kon mao kini ang atong buhaton, magmapuslanon gayod ang atong kinabuhi karon ug sa umaabot.

1 Samuel 2:7

Gihimo sa Ginoo nga kabos ang uban, ug ang uban gihimong adunahan. Gipaubos niya ang uban, ug ang uban iyang gipasidunggan.