Genesis 12:4 - Ang Pulong sa Dios

^4-5 Busa mibiya si Abram sa Haran ug miadto sa Canaan, sumala sa giingon sa Ginoo kaniya. Nag-edad niadto si Abram ug 75 ka tuig. Miuban kaniya ang iyang pag-umangkon nga si Lot. Gidala usab niya ang iyang asawa nga si Sarai ug ang tanan nilang mga kabtangan ug mga sulugoon nga natigom nila sa Haran.

Ang Biblia 2011

⁴ Busa milakaw si Abram sumala sa gisulti sa Ginoo kaniya ug miuban kaniya si Lot. Si Abram nagpanuigon ug 75 ka tuig sa pagpahawa niya sa Haran.

Maayong Balita Biblia

⁴ Sa nagpanuigon nag 75 si Abram, mibiya siya sa Haran sumala sa gisugo kaniya sa Ginoo ug mikuyog si Lot kaniya.

Ang Bag-ong Maayong Balita Biblia

⁴ Sa nagpanuigon nag 75 si Abram, mibiya siya sa Haran sumala sa gisugo kaniya sa Ginoo ug mikuyog si Lot kaniya.

Genesis 12:4 Cross References

Genesis 11:27

Mao kini ang sugilanon mahitungod sa pamilya ni Tera. Si Tera amahan nila ni Abram, Nahor, ug Haran. Si Haran mao ang amahan ni Lot.

Genesis 11:31

Mibiya si Tera sa Ur nga sakop sa pagdumala sa mga Kaldeanhon. Kauban niya ang iyang anak nga si Abram, ang iyang umagad nga si Sarai, ug ang iyang apo nga si Lot nga anak ni Haran. Paingon unta sila sa Canaan, apan pag-abot nila sa Haran namuyo na sila didto.

Genesis 13:5

Si Lot nga mikuyog paglakaw kang Abram aduna usab siyay mga kahayopan ug tolda.

Genesis 16:16

Nag-edad si Abram ug 86 ka tuig sa dihang gipanganak ni Hagar si Ishmael.

Genesis 16:3

Busa gihatag ni Sarai si Hagar nga Ehiptohanon, kang Abram aron mahimong iyang asawa. (Nahitabo kini human nakapuyo si Abram sa Canaan ug napulo ka tuig.)

Genesis 25:7

Nagkinabuhi si Abraham ug 175 ka tuig.

Genesis 28:10

Mibiya si Jacob sa Beersheba ug milakaw paingon sa Haran.

Mga Buhat 7:4

“Busa mibiya si Abraham sa nasod sa Caldea ug mipuyo didto sa Haran. Sa pagkamatay sa iyang amahan gipaanhi siya sa Dios dinhi niining dapita nga ato karong gipuy-an.

Mga Hebreo 11:8

Tungod sa pagtuo, gituman ni Abraham ang gisulti sa Dios nga moadto siya sa lugar nga gisaad kaniya. Gibiyaan niya ang iyang lugar bisan wala siya makahibalo kon asa gayod ang lugar nga gisaad kaniya.

Mga Hebreo 6:15

Unya mapailubon nga naghulat si Abraham, busa nadawat niya ang gisaad sa Dios.