Genesis 11:7 - Ang Pulong sa Dios

⁷ Busa dali, manaog kita ug libogon nato sila pinaagi sa paghatag kanilag lain-lain nga pinulongan aron dili sila magkasinabtanay.”

Ang Biblia 2011

⁷ Dali, manganaog kita ug libogon nato ang ilang mga pinulongan aron sila dili na magkasinabot sa ilang sinultihan ang usa ug usa.”

Maayong Balita Biblia

⁷ Busa manganaog kita ug libogon ta ang ilang pinulongan aron dili sila magkasinabtanay.”

Ang Bag-ong Maayong Balita Biblia

⁷ Busa manganaog kita ug libogon ta ang ilang pinulongan aron dili sila magkasinabtanay.”

Genesis 11:7 Cross References

Genesis 1:26

Unya miingon ang Dios, “Buhaton nato ang tawo sama sa atong dagway. Magmando sila sa mga isda sa dagat, mga langgam sa kalangitan, mga mananap sa tibuok kalibotan nga buhionon man ug ihalas man, ug ang tanang nagkamang sa yuta.”

Genesis 10:20

Mao kini sila ang mga kaliwat ni Ham. Ang matag pamilya nila nagpuyo sa ilang kaugalingong dapit nga sakop sa ilang nasod, ug aduna silay kaugalingon nga pinulongan.

Genesis 10:32

Mao kadto ang mga kaliwat sa mga anak ni Noe, nga anaa sa nagkalain-laing mga nasod. Pinaagi kanila natukod ang mga nasod sa tibuok kalibotan pagkahuman sa lunop.

Genesis 10:5

Mao kini sila ang mga kaliwat ni Jafet. Sila mao ang gigikanan sa mga tawo nga nagpuyo sa mga baybayon ug mga isla. Ang matag pamilya nila nagpuyo sa ilang kaugalingong dapit nga sakop sa ilang nasod, ug aduna silay kaugalingon nga pinulongan.

Genesis 11:5

Unya, gitan-aw sa Ginoo ang pagtukod sa siyudad ug sa tore sa mga tawo.

Genesis 3:22

Unya miingon ang Ginoong Dios, “Karon, ang tawo sama na kanato nga nahibalo kon unsa ang maayo ug ang daotan. Kinahanglan nga dili gayod siya tugotan nga makakaon sa bunga sa kahoy nga naghatag ug kinabuhi, kay kon mokaon siya, magpabilin siyang buhi hangtod sa kahangtoran.”

Genesis 42:23

Wala sila masayod nga nakasabot si Jose sa ilang gipanulti tungod kay aduna man siyay tighubad kon makigsulti siya kanila.

Job 12:20

Patak-omon niya ang baba niadtong masaligan nga mga magtatambag, ug kuhaan niya sa hustong panabot ang mga tigulang.

Salmo 2:4

Apan ang ilang mga plano gikataw-an ug gibiay-biay lang sa Ginoo nga naglingkod sa iyang trono didto sa langit.

Salmo 33:10

Babagan sa Ginoo ang mga plano sa mga nasod. Dili niya itugot nga magmalampuson ang ilang mga katuyoan.

Salmo 55:9

Ginoo, laglaga ang akong mga kaaway; himoa nga dili sila magkasinabtanay. Kay nakita ko ang pagpanghasi ug panag-away sa lungsod.

Exodo 4:11

Miingon ang Ginoo kaniya, “Kinsay naghimo sa baba sa tawo? Kinsay naghimo kaniyang bungol o amang? Kinsay nagbuot nga makakita siya o mabuta? Dili ba ako, ang Ginoo?

Isaias 33:19

Apan dili na ninyo makita pag-usab kadtong garbosong mga tawo ug mapahitas-on, kansang pinulongan dili ninyo masabtan.

Isaias 6:8

Unya nadungog ko ang tingog sa Ginoo nga nag-ingon, “Kinsa ang akong ipadala? Kinsa ang moadto alang kanamo?” Mitubag ako, “Ania ako. Ipadala ako!”

Jeremias 5:15

Miingon ang  Ginoo, “Mga katawhan sa Israel, magpadala akog mga tawo gikan sa layo nga nasod sa pagsulong kaninyo. Kini usa ka karaan na kaayo nga nasod, nga ang ilang sinultihan dili ninyo masabtan.

1 Mga Taga-Corinto 14:23

Busa kon magtigom kamong mga tumutuo ug tanan kamo magsulti sa mga pinulongan nga wala ninyo matun-i, ug adunay mga nanambong nga dili tumutuo nga wala masayod kon unsay inyong gipangbuhat, dili kaha sila makaingon nga nangabuang kamo?

Deuteronomio 28:49

“Ipasulong kamo sa Ginoo sa usa ka nasod nga gikan sa layong dapit, sa kinatumyang bahin sa kalibotan, kansang pinulongan dili ninyo masabtan. Sulongon nila kamo nga daw sama sa agila nga nagsakdap.