Genesis 10:9 - Ang Pulong sa Dios

⁹ Bantogan siya nga mangangayam atubangan sa Ginoo, busa adunay panultihon nga nag-ingon, “Sama ikaw kang Nimrod nga bantogan nga mangangayam atubangan sa Ginoo.”

Ang Biblia 2011

⁹ Siya mao ang bantogan nga mangangayam sa atubangan sa Ginoo nga tungod niana kini giingon, “Sama kang Nimrod nga bantogang mangangayam sa atubangan sa Ginoo.”

Maayong Balita Biblia

⁹ Pinaagi sa tabang sa Ginoo nahimo siyang labing maayong mangangayam sa tibuok kalibotan busa ang mga tawo moingon, “Himoon ka unta sa Ginoo nga sama ka maayong mangangayam ni Nimrod.”

Ang Bag-ong Maayong Balita Biblia

⁹ Pinaagi sa tabang sa Ginoo nahimo siyang labing maayong mangangayam sa tibuok kalibotan busa ang mga tawo moingon, “Himoon ka unta sa Ginoo nga sama ka maayong mangangayam ni Nimrod.”

Genesis 10:9 Cross References

Genesis 10:10

Ang una nga gingharian nga gidumalahan ni Nimrod mao ang Babilonia, Erek, Acad, ug Calne. Kini silang tanan anaa sa yuta sa Shinar.

Genesis 10:8

Adunay usa pa ka anak si Cush nga ginganlan ug Nimrod. Kini si Nimrod nahimong bantogan nga tawo sa kalibotan.

Genesis 13:13

Ang mga tawo sa Sodoma labihan gayod kadaotan ug makasasala atubangan sa Ginoo.

Genesis 25:27

Sa dihang nanagko na sila, nahimong hanas nga mangangayam si Esau ug kanunay siyang atua sa uma, samtang si Jacob hilomon ug gustong anaa ra sa mga tolda.

Genesis 27:30

Bag-o pa lang gayong nakabiya si Jacob human siya panalangini ni Isaac sa dihang miabot si Esau gikan sa pagpangayam.

Genesis 6:11

Sa panan-aw sa Dios, daotan gayod ang mga tawo ug nalukop ang kalibotan sa ilang kadaotan.

Genesis 6:4

Niadtong panahona, ug bisan sa misunod pa nga mga panahon, adunay mga Nefilim sa kalibotan. Mga kaliwat sila sa mga anak sa Dios nga nakighilawas sa maanyag nga mga babaye. Gamhanan ug bantogan sila.

2 Cronicas 28:22

Sa panahon sa iyang kalisod, misamot hinuon kamasinupakon sa Ginoo si Haring Ahaz.

Salmo 52:7

“Tan-awa ninyo ang mga tawo nga wala mosalig sa Dios ingon nga ilang tigpanalipod. Misalig hinuon sila sa ilang daghang bahandi ug nahimo silang labaw pa kagamhanan pinaagi sa pagpanglaglag sa uban.”

Isaias 18:2

Gikan niining dapita, adunay mga mensahero nga gisugo nga nagsakay sa sakayan nga hinimo sa tanom nga pafiros, agi sa Suba sa Nilo. Lakaw kamo, tulin nga mga mensahero! Pamalik kamo sa inyong yuta nga nabahin sa mga suba, ngadto sa inyong mga katawhan nga tag-as ug barog ug nindot ug mga panit. Mga katawhan nga gamhanan ug gikahadlokan bisan asa.

Jeremias 16:16

“Apan sa pagkakaron, padad-an ko una silag daghang kaaway nga daw mga mangingisda nga modakop kanila. Human niana, magpadala akog mga kaaway nga daw mga mangangayam nga mangita kanila sa mga bukid, mga bungtod, ug mga kabatoan.

Ezequiel 13:18

Ingna sila nga ako, ang Ginoong Dios, nag-ingon, ‘Alaot kamo nga mga babaye nga gapangbiktima sa akong katawhan, bata man o tigulang, pinaagi sa mga anting-anting. Ginabutangan ninyo silag bugkos sa mga bukton ug belo sa mga ulo isip mga anting-anting. Buot ninyong biktimahon ang akong katawhan alang sa inyong kaugalingong kaayohan.

Miqueas 7:2

Ang buot kong ipasabot, wala na akoy nakitang tawo sa Israel nga matinud-anon sa Dios. Wala nay nabiling matarong nga tawo. Ang matag-usa naghulat ug higayon sa pagpatay sa iyang katagilungsod; giandaman nila ug lit-ag ang ilang isigka-tawo.