Genesis 10:4 - Ang Pulong sa Dios

⁴ Ang mga anak ni Javan sila si Elisha, Tarshish, Kitim, ug Dodanim.

Ang Biblia 2011

⁴ Ang mga anak nga lalaki ni Javan: si Eliseo, si Tarsis, si Kitim, ug si Dodanim.

Maayong Balita Biblia

⁴ Ang mga anak ni Jaban mao sila si Elisa, Tarsis, Kitim ug Dodanim.

Ang Bag-ong Maayong Balita Biblia

⁴ Ang mga anak ni Jaban mao sila si Elisa, Tarsis, Kitim ug Dodanim.

Genesis 10:4 Cross References

Genesis 10:5

Mao kini sila ang mga kaliwat ni Jafet. Sila mao ang gigikanan sa mga tawo nga nagpuyo sa mga baybayon ug mga isla. Ang matag pamilya nila nagpuyo sa ilang kaugalingong dapit nga sakop sa ilang nasod, ug aduna silay kaugalingon nga pinulongan.

1 Cronicas 1:7

Ang mga anak ni Javan sila si Elisha, Tarshish, Kitim, ug Rodanim.

Isaias 23:1

Mao kini ang mensahe bahin sa Tiro: Panghilak kamong mga naglawig sa Tarshish kay naguba na ang inyong pantalan sa Tiro! Gisugilon na kini kaninyo sa mga naggikan sa Cipro.

Isaias 23:12

Miingon ang  Ginoo, “Mga lumulupyo sa Sidon, human na ang inyong paglipay. Nalaglag na kamo! Bisan magpahilayo kamo ngadto sa Cipro, wala gihapon kamoy kapahulayan didto.”

Ezequiel 27:12

“ ‘Nakignegosyo ang mga taga-Tarshish kanimo kay daghan kag bahandi. Gibayloan nila ang imo nga mga baligya ug plata, puthaw, lata, ug tingga.

Ezequiel 27:25

“ ‘Ang mga barko sa Tarshish mao ang tigkarga sa imo nga mga baligya. Nahisama ka sa usa ka barko nga puno sa mga kargamento samtang naglawig sa kadagatan.

Ezequiel 27:6

Ang imo nga mga bugsay hinimo gikan sa mga kahoy nga terebinto nga gikan sa Basan. Ug ang imo nga salog hinimo sa mga kahoy nga gikan sa mga isla sa Kitim, ug gihaklapan kini sa materyales nga gikan sa bangkil sa elepante.

Ezequiel 27:7

Ang imo nga layag binordahan nga lino nga gikan sa Ehipto, ug daw sa bandera kini nga tan-awon. Ang imo nga trapal kolor asul ug ube nga gikan sa mga isla sa Elisha.

Daniel 11:30

Sakay sa mga barko, sulongon sa mga taga-Kitim ang hari sa Siria. Tungod sa kalisang, moatras ang hari sa Siria, ug pahimungtan niya ang mga katawhan nga nagtuman sa balaan nga kasabotan. Pagkahuman mopauli siya, ug hatagan niyag pabor kadtong mga nagsalikway sa balaan nga kasabotan.

Numeros 24:24

Mangabot ang mga barko nga gikan sa Kitim, ug sakopon nila ang mga katawhan sa Asiria ug Eber, apan ang Kitim malaglag usab.”