Genesis 1:3 - Ang Pulong sa Dios

³ Unya miingon ang Dios, “Mohayag!” Ug dayon mihayag.

Ang Biblia 2011

³ Ug ang Dios miingon, “Motungha ang kahayag,” ug diha ang kahayag.

Maayong Balita Biblia

³ Unya miingon ang Dios, “Motungha ang kahayag.” Ug mitungha ang kahayag.

Ang Bag-ong Maayong Balita Biblia

³ Unya miingon ang Dios, “Motungha ang kahayag.” Ug mitungha ang kahayag.

Genesis 1:3 Cross References

Genesis 2:4

Mao kini ang sugilanon mahitungod sa pagmugna sa kalangitan ug sa kalibotan. Sa dihang gimugna sa Ginoong Dios ang kalibotan ug ang kalangitan,

Job 36:30

Tan-awa kon unsaon niya pagpakilat sa iyang palibot, ug kon sa unsang paagi kini mokilab hangtod sa tumoy sa dagat.

Job 38:19

“Nahibalo ka ba kon diin gikan ang kahayag o ang kangitngit?

Salmo 104:2

Gitabonan mo ang imong kaugalingon sa kahayag nga daw sa bisti ug gibukhad mo ang langit nga daw sa tolda.

Salmo 118:27

Ang Ginoo, Dios; ug maayo kaayo siya kanato. Magdala kita ug mga sanga sa kahoy sa pagsaulog sa pista, ug molibot kita sa halaran.

Salmo 148:5

Modayeg silang tanan sa Ginoo! Kay sa iyang pagmando, nabuhat silang tanan.

Salmo 33:6

Pinaagi sa pulong sa Ginoo, nahimo ang kalangitan: ang adlaw, ang bulan, ug ang mga bitoon.

Salmo 33:9

Kay sa pagsulti niya, nabuhat ang kalibotan. Nagmando siya ug nahimo ang tanan.

Salmo 97:11

Ang kaayo sa Dios sama sa adlaw nga nagsidlak sa mga matarong ug naghatag ug kalipay kanila.

Isaias 45:7

Ako ang naghimo sa kahayag ug sa kangitngit. Ako ang nagdala sa kaayohan ug sa katalagman. Ako, ang  Ginoo, mao ang naghimo niining tanan.

Isaias 60:19

“Dili mo na kinahanglan ang kahayag sa adlaw ug sa bulan, kay ako, ang  Ginoo, mao na ang mahimo nimong kahayag hangtod sa kahangtoran. Ako nga imong Dios mao na ang imong himaya.

Mateo 8:3

Unya gihikap siya ni Jesus ug giingnan siya, “Oo, buot nako. Mahinlo ka!” Ug diha-diha naayo siya sa iyang sakit sa panit.

Juan 1:5

Kini nga suga mao ang iwag diha sa kangitngit, ug dili gayod kini malupig sa kangitngit.

Juan 1:9

Ang tinuod nga suga nga naghatag ug kahayag sa tanang tawo mianhi dinhi sa kalibotan.

Juan 11:43

Human niyag sulti niini, misinggit siya, “Lazaro, gawas ngari!”

Juan 3:19

Silotan sila tungod kay mianhi siya dinhi sa kalibotan isip suga, apan gipalabi pa sa mga tawo ang pagpabilin sa kangitngit kaysa moduol kaniya nga naghatag sa kahayag, tungod kay daotan ang ilang binuhatan.

2 Mga Taga-Corinto 4:6

Ang Dios nga nag-ingon, “Gikan sa kangitngit modan-ag ang kahayag,” mao usab ang naghatag ug kahayag sa among huna-huna aron masabtan namo kon unsa ang gahom nga iyang gipakita pinaagi kang Jesu-Cristo.

Mga Taga-Efeso 5:14

Kay mahayagan ang tanan kon madan-agan na sa kamatuoran. Busa adunay giingon: “Pagmata, ikaw nga natulog, bangon gikan sa mga patay, ug hayagan ka ni Cristo.”

Mga Taga-Efeso 5:8

Kaniadto ang inyong huna-huna anaa pa sa kangitngit, apan karon tungod kay anaa na kamo sa Ginoo, anaa na kamo sa kahayag. Busa ipakita ninyo sa inyong pagkinabuhi nga kamo anaa na sa kahayag.

1 Timoteo 6:16

Kaniya lang ang kinabuhi nga walay kamatayon. Didto siya nagpuyo sa masulaw nga kasanag nga dili maduolan. Wala gayoy tawo nga nakakita kaniya ug wala gayoy makakita. Dayegon ta ang Dios nga makagagahom sa walay kataposan. Amen!

1 Juan 1:5

Mao kini ang among nadunggan nga gitudlo ni Jesu-Cristo ug mao usab kini ang among gisangyaw kaninyo, nga ang Dios kahayag ug wala gayoy kangitngit diha kaniya.

1 Juan 2:8

Apan makaingon usab kita nga kini nga sugo bag-o, kay ang kangitngit nahanaw na ug ang tinuod nga kahayag nagsidlak na, ug ang kamatuoran mahitungod niini makita na diha sa kinabuhi ni Cristo ug diha usab kaninyo.