Filemon 1:4 - Ang Pulong sa Dios

⁴ Mapasalamaton ako kanunay sa Dios sa matag ampo ko alang kanimo,

Ang Biblia 2011

⁴ Sa kanunay nagpasalamat ako sa akong Dios sa diha nga maghisgot ako kanimo sa akong mga pag-ampo,

Maayong Balita Biblia

⁴ Gilakip ko ikaw, igsoon, sa matag higayon nga ako mag-ampo ug nagpasalamat ako sa akong Dios tungod kanimo.

Ang Bag-ong Maayong Balita Biblia

⁴ Gilakip ko ikaw, igsoon, sa matag higayon nga ako mag-ampo ug nagpasalamat ako sa akong Dios tungod kanimo.

Filemon 1:4 Cross References

Roma 1:8

Una sa tanan nagpasalamat ako sa akong Dios pinaagi kang Jesu-Cristo alang kaninyong tanan, kay ang inyong pagtuo gipanugilon sa tibuok kalibotan.

Mga Taga-Efeso 1:16

dako gayod ang akong pagpasalamat sa Dios tungod kaninyo. Ug giampo ko kamo kanunay.

Mga Taga-Filipos 1:3

Nagpasalamat ako sa Dios sa matag higayon nga maghandom ako kaninyo.

Mga Taga-Colosas 1:3

Sa matag ampo namo alang kaninyo, kanunay kaming nagpasalamat sa Dios nga Amahan sa atong Ginoong Jesu-Cristo.

1 Mga Taga-Tesalonica 1:2

Kanunay kaming nagpasalamat sa Dios tungod kaninyong tanan ug kanunay usab namo kamong gihinumdoman sa among mga pag-ampo.

2 Mga Taga-Tesalonica 1:3

Mga igsoon kang Cristo, nagpasalamat kami kanunay sa Dios tungod kaninyo. Ug angay gayod nga magpasalamat kami kanunay kaniya, kay nagdugang ang inyong pagtuo kang Cristo ug ang inyong paghinigugmaay sa usag usa.

2 Timoteo 1:3

Nagpasalamat ako sa Dios nga gialagaran sa atong mga katigulangan ug mao usab ang akong gialagaran nga adunay limpyo nga konsensya. Nagpasalamat ako kaniya sa akong paghinumdom kanimo kanunay diha sa akong pag-ampo adlaw ug gabii.

Filemon 1:5

tungod kay nadungog ko nga lig-on ang imong pagtuo kang Ginoong Jesus ug mahigugmaon ka sa tanang katawhan sa Dios.