Filemon 1:19 - Ang Pulong sa Dios

¹⁹ Ako si Pablo ang nangunay sa pagsulat niini. Ako ang mobayad kon aduna siyay utang kanimo. Hinuon nasayod ka man nga aduna ka usab dako nga utang kanako, kay pinaagi kanako nadawat mo ang kaluwasan.

Ang Biblia 2011

¹⁹ Ako si Pablo, nagsulat pinaagi sa akong kamot. Ako mobayad sa walay paghisgot kanimo nga ikaw nakautang kanako bisan gani ang imong kaugalingon.

Maayong Balita Biblia

¹⁹ Ako gayod ang nangunay sa pagsulat niining mosunod: Ako, si Pablo, mobayad gayod kanimo. Dili ako buot nga magpahinumdom kanimo nga utang mo kanako ang imong kinabuhi diha kang Cristo.

Ang Bag-ong Maayong Balita Biblia

¹⁹ Ako gayod ang nangunay sa pagsulat niining mosunod: Ako, si Pablo, mobayad gayod kanimo. Dili ako buot nga magpahinumdom kanimo nga utang mo kanako ang imong kinabuhi diha kang Cristo.

Filemon 1:19 Cross References

Genesis 43:9

Igarantiya ko ang akong kinabuhi alang kang Benjamin. Ako ang manubag kon unsa unya ang mahitabo kaniya. Kon dili ko siya madala pagbalik kanimo nga buhi, akoy basola sa tibuok kong kinabuhi.

Roma 16:22

(Ako, si Tercio nga anaa usab sa Ginoo, nangumusta usab kaninyo. Ako ang nagsulat niining sulat nga gidikta ni Pablo.)

1 Mga Taga-Corinto 4:15

Kay bisan liboan ang naggiya kaninyo sa inyong pagkinabuhi diha kang Cristo, usa lang ang inyong amahan sa pagtuo. Ako lang ang nahimong inyong amahan sa pagtuo kang Cristo Jesus pinaagi sa Maayong Balita nga akong giwali kaninyo.

2 Mga Taga-Corinto 10:1

Aduna kuno kaninyoy nag-ingon nga ako, si Pablo, talawan kon anaa diha kaninyo, apan kon wala gani diha, ug nagsulat lang, isog. Apan nanghangyo ako kaninyo uban sa kalumo nga sama kang Cristo, nga dili ninyo ako pugson sa pagpakita sa akong kaisog kon moabot na ako diha. Kay adunay mga tawo diha nga nag-ingon nga ang among pagkinabuhi sama ra kuno sa mga tawo dinhi sa kalibotan. Kon mao gihapon kana ang ilang ikasulti sa akong pag-abot diha, ipakita ko gayod ang akong kaisog kanila.

2 Mga Taga-Corinto 3:2

Wala kami magkinahanglan ug mga sulat sa pagpaila, kay kamo mismo ang among sulat nga napatik sa among kasing-kasing, tungod kay ang inyong pagkinabuhi sama sa sulat nga makita ug mabasa sa tanan.

2 Mga Taga-Corinto 9:4

Kay basin kon adunay mga taga-Macedonia nga mouban sa akong pag-anha diha ug makita nila nga wala pa man diay kamo makaandam sa inyong ihatag. Kon mao kini ang mahitabo maulawan kami, kay gipasigarbo namo kamo tungod kay dako ang among pagsalig kaninyo. Ug labaw pa kamong maulawan.

Mga Taga-Galacia 5:2

Hinumdomi ninyo kini, ug ako mismo, si Pablo, ang nagsulti niini kaninyo. Kon magpatuli pa kamo isip pagtuman sa Kasugoan, gibaliwala ninyo ang gibuhat ni Cristo aron maluwas kamo.

Mga Taga-Galacia 6:11

Sa kataposan nga bahin niining akong sulat, ako na mismo si Pablo ang nagsulat. Tan-awa ninyo kon unsa kadagko ang mga litra.

1 Timoteo 1:2

Nagsulat ako kanimo, Timoteo, isip akong tinuod nga anak sa pagtuo. Hinaut nga madawat mo ang grasya, kaluoy ug kalinaw gikan sa Dios nga Amahan ug kang Cristo Jesus nga atong Ginoo.

Tito 1:4

Hinigugma kong Tito nga giisip kong akong anak sa pagtuo nga atong gibatonan. Hinaut nga madawat mo ang grasya ug kalinaw gikan sa Dios nga Amahan ug kang Cristo Jesus nga atong Manluluwas.

Filemon 1:18

Kon nakasala siya o nakautang kanimo ako ang mobayad niana.