Filemon 1:16 - Ang Pulong sa Dios

¹⁶ Karon dili na siya ulipon lamang, kondili imo pang minahal nga igsoon sa pagtuo. Gimahal ko siya, apan mas labaw mo siyang mahalon tungod kay karon dili lang siya imong ulipon, kondili imo usab nga igsoon diha sa Ginoo.

Ang Biblia 2011

¹⁶ dili na ingon nga ulipon kondili labaw pa sa ulipon, igsoon nga minahal ilabina kanako, ug unsa pa kaha ka labaw gayod kanimo diha sa unod ug diha sa Ginoo.

Maayong Balita Biblia

¹⁶ Karon dili na siya ulipon lamang kondili minahal na nga igsoon diha kang Cristo. Gimahal ko siya ug labi pa siyang mahalon mo ingon nga ulipon ug igsoon diha sa Ginoo.

Ang Bag-ong Maayong Balita Biblia

¹⁶ Karon dili na siya ulipon lamang kondili minahal na nga igsoon diha kang Cristo. Gimahal ko siya ug labi pa siyang mahalon mo ingon nga ulipon ug igsoon diha sa Ginoo.

Filemon 1:16 Cross References

Mateo 23:8

“Apan kamo dili angay magpatawag nga ‘Magtutudlo,’ kay managsoon kamo ug usa ra ang inyong magtutudlo.

Mga Buhat 9:17

Busa giadtoan ni Ananias si Saulo sa balay ug misulod siya didto. Gipandong niya ang iyang kamot kang Saulo ug miingon siya, “Igsoon kong Saulo, gipaanhi ako dinhi ni Ginoong Jesus nga nagpakita kanimo sa dalan samtang nagpadulong ka dinhi. Gisugo niya ako dinhi aron makakita ka pag-usab ug aron gamhan ka sa Espiritu Santo.”

1 Mga Taga-Corinto 7:22

Kay ang tawo nga ulipon sa dihang gitawag siya diha sa Ginoo, nahimo na siya karong gawasnon sa mata sa Ginoo. Ug ang tawo nga dili ulipon sa dihang gitawag siya, ulipon na ni Cristo.

Mga Taga-Colosas 3:22

Kamong mga ulipon, tumana ninyo kanunay ang inyong mga agalon dinhi sa kalibotan, dili lang kon nagtan-aw sila kaninyo aron dayegon nila kamo, kondili sa kinasing-kasing tumanon ninyo sila tungod sa inyong pagtahod sa Ginoo.

1 Timoteo 6:2

Ug kon ang ilang mga agalon tumutuo usab ug managsoon na sila diha kang Cristo, angay gihapon silang motahod kanila. Angay pa gani nga moalagad silag maayo kay ang makapahimulos sa ilang kahago mga tumutuo usab nga gihigugma sa Dios. Itudlo kini kanila ug ingna sila nga tumanon gayod nila kini.

Mga Hebreo 3:1

Busa mga igsoon ko nga mga katawhan sa Dios, ug sama nakong mga tinawag sa Dios nga mahimong kauban niya sa langit, hinumdomi ninyo si Jesus. Siya ang apostol ug pangulong pari sa patuo nga atong ginakuptan.

1 Juan 5:1

Si bisan kinsa nga nagtuo nga si Jesus mao ang Cristo, anak sa Dios. Ug si bisan kinsa nga naghigugma sa ginikanan naghigugma usab sa iyang anak.