Filemon 1:1 - Ang Pulong sa Dios

¹ Gikan kang Pablo nga binilanggo tungod kang Cristo Jesus. Ako ug si Timoteo nga atong igsoon diha kang Cristo nangumusta kanimo Filemon isip pinalangga namo nga igsoon ug kauban sa pagpangalagad.

Ang Biblia 2011

¹ Si Pablo, binilanggo tungod kang Cristo Jesus, ug si Timoteo nga atong igsoon, Alang kang Filemon nga among hinigugma ug kauban nga magbubuhat,

Maayong Balita Biblia

¹ Gikan ni Pablo nga gibilanggo tungod kang Cristo Jesus ug gikan ni Timoteo nga atong igsoon— Alang kanimo Filemon, nga among higala ug kauban sa buhat

Ang Bag-ong Maayong Balita Biblia

¹ Gikan ni Pablo nga gibilanggo tungod kang Cristo Jesus ug gikan ni Timoteo nga atong igsoon— Alang kanimo Filemon, nga among higala ug kauban sa buhat

Filemon 1:1 Cross References

Mga Buhat 16:1

Mipadayon sila si Pablo ngadto sa Derbe ug sa Listra. Adunay magtutuo didto sa Listra nga si Timoteo. Ang iyang inahan Judio ug magtutuo sab, apan ang iyang amahan Griego.

1 Mga Taga-Corinto 3:9

Ako ug si Apolos nagtinabangay sa buluhaton alang sa Dios. Sama kamo sa uma nga gipauma kanamo sa Dios. Sama usab kamo sa usa ka balay nga iyang gipatukod.

2 Mga Taga-Corinto 1:1

Gikan kang Pablo nga nahimong apostol ni Cristo Jesus tungod sa kabubut-on sa Dios. Ako ug ang atong igsoon nga si Timoteo nangumusta kaninyo nga mga tumutuo sa Dios diha sa Corinto, ug sa tanang mga katawhan sa Dios diha sa tibuok probinsya sa Acaya.

Mga Taga-Galacia 3:26

Kamong tanan mga anak na sa Dios tungod sa inyong pagtuo kang Cristo Jesus.

Mga Taga-Efeso 3:1

Ako, si Pablo, gibilanggo tungod kay nag-alagad ako kang Cristo Jesus pinaagi sa pagsangyaw nga kamong mga dili Judio nahiapil usab sa pagpanalangin sa Dios.

Mga Taga-Efeso 4:1

Isip binilanggo tungod sa akong pag-alagad sa Ginoo, nanghangyo ako kaninyo sa pagkinabuhi nga angay sa mga tinawag sa Dios.

Mga Taga-Efeso 6:20

Kay gipadala ako sa Dios aron magsangyaw niining Maayong Balita. Ug tungod sa akong pagsangyaw ania ako dinhi karon sa bilanggoan. Busa kon mahimo, i-ampo ninyo ako nga aduna akoy kaisog sa pagsulti sumala sa angay kong buhaton.

Mga Taga-Filipos 1:1

Gikan kang Pablo, kauban si Timoteo nga mga alagad ni Cristo Jesus. Nangumusta kami kaninyo diha sa Filipos, kamong mga katawhan sa Dios nga anaa kang Cristo Jesus, uban usab sa mga nagdumala kaninyo ug sa ilang mga katabang sa buluhaton sa Dios.

Mga Taga-Filipos 2:25

Nahuna-huna ko nga kinahanglan pabalikon ko diha sa inyo ang atong igsoon nga si Epafrodito nga inyong gisugo aron sa pagtabang kanako. Sama siya kanako nga alagad ug kauban nga sundalo sa Dios.

Mga Taga-Filipos 4:3

Gihangyo ko usab ikaw, ingon nga masaligan ko nga kauban sa pagpangalagad, nga tabangan mo kini nga mga babaye, tungod kay kauban ko sila nga nangalagad ug maayo sa pagpakaylap sa Maayong Balita, uban ni Clemente ug sa uban pang mga kauban ko nga nangalagad kansang mga ngalan nasulat na sa libro sa kinabuhi.

Mga Taga-Colosas 1:1

Gikan kang Pablo nga nahimong apostol ni Cristo Jesus tungod sa kabubut-on sa Dios. Ako ug si Timoteo nga atong igsoon kang Cristo.

Mga Taga-Colosas 4:11

Si Jesus nga gitawag usab ug Justo nangumusta usab kaninyo. Kini silang tulo mao na lang ang mga Judio nga kauban ko dinhi nga nangalagad alang sa gingharian sa Dios. Nakadasig sila kanako.

1 Mga Taga-Tesalonica 3:2

ug si Timoteo ang paanhaon namo diha kaninyo. Ato siyang igsoon ug kauban namo nga nag-alagad sa Dios pinaagi sa pagpanudlo sa Maayong Balita mahitungod kang Cristo. Gipaanha namo siya kaninyo aron madasig kamo ug malig-on ang inyong pagtuo,

2 Mga Taga-Tesalonica 1:1

Gikan kang Pablo, uban ni Silas ug ni Timoteo. Nangumusta kaninyo nga mga tumutuo diha sa Tesalonica, kamo nga nahiusa sa atong Dios nga Amahan ug kang Ginoong Jesu-Cristo.

2 Timoteo 1:8

Busa ayawg kaulaw sa pagsugilon sa uban mahitungod sa atong Ginoo. Ug ayaw usab ikaulaw nga napriso ako dinhi tungod sa pagpamatuod ko mahitungod kaniya. Hinuon pakig-ambit sa mga pag-antos tungod sa Maayong Balita pinaagi sa tabang sa gahom sa Dios.

Filemon 1:23

Ang akong kauban nga si Epafras nga nabilanggo usab tungod kang Cristo Jesus nangumusta kanimo.

Filemon 1:24

Nangumusta usab ang akong mga kauban sa pagpangalagad nga sila si Marcos, Aristarco, Demas, ug Lucas.