Exodo 5:2 - Ang Pulong sa Dios

² Miingon ang hari, “Kinsa ba nang Ginoo nga motuo man ako kaniya ug motugot ako nga palakwon ang mga Israelinhon? Wala ako makaila niana nga Ginoo ug dili ko usab tugotan ang mga Israelinhon sa paglakaw.”

Ang Biblia 2011

² Apan ang Paraon mitubag, “Kinsa ba si Yahweh nga kinahanglang mamati ako sa iyang tingog ug magtugot sa pagpalakaw sa Israel? Wala ako makaila kang Yahweh, dili usab ako motugot sa pagpalakaw sa Israel.”

Maayong Balita Biblia

² Ang hari mitubag, “Kinsa man kana si Yahweh? Nganong paminawon ko man siya ug palakton ko ang mga Israelita? Wala ako makaila kaniya ug dili ko gayod palakton ang mga Israelita.”

Ang Bag-ong Maayong Balita Biblia

² Ang hari mitubag, “Kinsa man kana si Yahweh? Nganong paminawon ko man siya ug palakton ko ang mga Israelita? Wala ako makaila kaniya ug dili ko gayod palakton ang mga Israelita.”

Exodo 5:2 Cross References

2 Mga Hari 18:35

Kinsa ba sa mga dios niining mga nasora ang nakaluwas sa ilang nasod gikan kanako? Busa unsaon sa Ginoo pagluwas ang Jerusalem gikan sa akong mga kamot?”

2 Cronicas 32:14

Kinsa sa mga dios niining mga nasod nga gipanglaglag sa hingpit sa akong mga katigulangan ang nakaluwas sa iyang katawhan gikan sa akong mga kamot? Makaluwas ba ang inyong dios kaninyo gikan kanako?

2 Cronicas 32:15

Ayaw kamo pagpalingla o pagpatunto kang Ezequias. Ayaw kamo pagtuo kaniya. Wala gayoy dios sa bisan unsa nga nasod o gingharian nga nakaluwas sa iyang katawhan gikan sa akong mga kamot o sa kamot sa akong mga katigulangan. Ang inyong Dios pa kaha?”

2 Cronicas 32:19

Sa ilang paghisgot bahin sa Dios sa Jerusalem, daw gipakasama lang nila siya sa mga dios sa ubang nasod nga hinimo lang sa tawo.

Nehemias 9:10

Naghimo ka ug mga milagro ug mga katingalahang butang batok sa Paraon, ug sa tanan niyang mga opisyal ug katawhan, kay nahibaloan mo kon giunsa nila pagdaog-daog ang among mga katigulangan. Ug ang imong ngalan bantogan hangtod karon.

Job 15:25

Nahitabo kini kaniya, kay nagrebelde siya ug misukol sa Dios nga Makagagahom.

Job 15:26

Daw sa nagbitbit siyag lig-on nga taming ug gusto gayod nga makigbatok sa Dios.

Job 21:15

Kinsa ka ba nga gitawag Makagagahom? Nganong angay ka namong alagaron? Ug unsay makuha namo kon moampo kami kanimo?’

Salmo 10:4

Tungod sa pagkamapahitas-on sa mga daotan, dili sila modangop kanimo. Wala man gani sila maghuna-huna mahitungod kanimo.

Salmo 12:4

nga nag-ingon, “Makuha namo ang tanan namong gusto pinaagi sa maayong pagpamabà. Isulti namo ang buot namong isulti, ug walay makabuot kanamo.”

Salmo 12:5

Miingon ang  Ginoo, “Tabangan ko ang mga kabos tungod kay gidaog-daog sila ug nag-agulo sa kalisod. Panalipdan ko sila kay mao kini ang ilang ginahandom.”

Salmo 14:1

Nag-ingon ang mga buang-buang sa ilang kaugalingon, “Walay Dios!” Daotan silang tanan ug ngil-ad ang ilang ginahimo. Walay bisan usa kanila nga naghimo ug maayo.

Exodo 3:19

Apan nasayod ako nga dili kamo tugotan sa hari sa Ehipto gawas lang kon adunay magpugos kaniya.

Exodo 7:17

Mao kini ang giingon sa Ginoo: Pinaagi sa akong himoon mahibaloan mo nga ako mao ang Ginoo.’ Busa tan-awa! Pinaagi niining baston hapakon ko ang tubig sa Nilo ug mahimong dugo ang tubig.

Mga Panultihon 30:9

Kay kon maadunahan ako, basig dili ko na ikaw ilhon; ug kon kabos ako, basig mangawat ako ug maulawan ka tungod kanako.

Jeremias 42:13

“Apan kon dili kamo motuman sa Ginoo nga inyong Dios ug moingon kamo, ‘Dili kami magpabilin niining yutaa.

Jeremias 48:26

“Huboga ang Moab, kay naghuna-huna siya nga labaw siya kanako. Moligid siya sa iyang kaugalingong suka ug mahimong kataw-anan.

Daniel 3:15

Karon, pangandam kamo sa pagsimba sa estatuwa inigkadungog ninyo sa tingog sa mga instrumento. Kay kon dili, diha-diha ilabay kamo sa nagdilaab nga hudno. Tan-awon ta kon aduna bay dios nga makaluwas kaninyo.”

Juan 16:3

Buhaton nila kini kaninyo tungod kay wala sila makaila sa Amahan o kanako.

Roma 1:28

Tungod kay dili sila moila sa Dios, gipasagdan niya sila sa ilang kaugalingong huna-huna nga dili makapili sa husto. Busa gibuhat nila ang mga butang nga dili angayng buhaton.

2 Mga Taga-Tesalonica 1:8

Sa iyang palibot adunay nagdilaab nga kalayo, ug silotan niya ang mga tawo nga wala moila sa Dios ug wala motuman sa Maayong Balita mahitungod sa atong Ginoong Jesus.

Mga Maghuhukom 2:10

Sa dihang nangamatay na ang mga tawo niadto nga henerasyon, ang nagsunod nga henerasyon wala na makaila sa Ginoo ug walay nasayran sa gipanghimo sa Ginoo alang sa Israel.

1 Samuel 2:12

Ang duha ka anak ni Eli mga daotang tawo. Wala silay pagtahod sa Ginoo

1 Samuel 25:10

Miingon si Nabal sa mga tawo ni David, “Si kinsa ba kini si David nga anak ni Jesse? Karong mga panahona daghang mga sulugoon nga manglayas gikan sa ilang mga agalon.