Exodo 4:9 - Ang Pulong sa Dios

⁹ Apan kon dili pa gayod sila motuo kanimo human niining duha ka milagro, pagkuha ug tubig sa Suba sa Nilo ug ibubo kini sa malang yuta, ug mahimo kining dugo.”

Ang Biblia 2011

⁹ Kon dili pa gayod sila motuo niining duha ka ilhanan o mamati sa imong tingog, pagkuha ug tubig sa suba sa Nilo ug ibubo kini sa yuta. Ug ang tubig nga imong kuhaon sa suba mahimong dugo ibabaw sa yuta.”

Maayong Balita Biblia

⁹ Kon dili pa gayod sila motuo bisan pa niining duha ka mga timailhan ug dili magtagad sa imong isulti, pagkuhag tubig sa Suba sa Nilo ug ibubo kini sa yuta ug kanang tubiga mahimong dugo.”

Ang Bag-ong Maayong Balita Biblia

⁹ Kon dili pa gayod sila motuo bisan pa niining duha ka mga timailhan ug dili magtagad sa imong isulti, pagkuhag tubig sa Suba sa Nilo ug ibubo kini sa yuta ug kanang tubiga mahimong dugo.”

Exodo 4:9 Cross References

Exodo 1:22

Unya nagmando ang hari sa Ehipto sa tanan niyang katawhan, “Ilabay ninyo sa Suba sa Nilo ang tanang batang lalaki sa mga Israelinhon nga bag-ong natawo, apan pasagdi lang nga mabuhi ang mga batang babaye.”

Exodo 4:8

Unya miingon ang Ginoo, “Kon dili sila motuo sa unang milagro, motuo na sila sa ikaduha.

Exodo 7:17

Mao kini ang giingon sa Ginoo: Pinaagi sa akong himoon mahibaloan mo nga ako mao ang Ginoo.’ Busa tan-awa! Pinaagi niining baston hapakon ko ang tubig sa Nilo ug mahimong dugo ang tubig.

Mateo 7:2

Kay hukman kamo sama sa paghukom ninyo sa uban. Ang basihanan nga inyong gamiton sa paghukom sa uban mao usab ang basihanan nga gamiton kaninyo.