Exodo 3:4 - Ang Pulong sa Dios

⁴ Pagkakita sa Ginoo nga miduol si Moises aron sa pagtan-aw, miingon Dios gikan sa taliwala sa tanom, “Moises, Moises!” Mitubag si Moises, “Unsa man.”

Ang Biblia 2011

⁴ Sa dihang nakita sa Ginoo nga si Moises miadto aron sa pagtan-aw niini, ang Dios mitawag kaniya gikan sa sampinit, “Moises, Moises!” Ug siya miingon, “Ania ako.”

Maayong Balita Biblia

⁴ Sa pagkakita sa Ginoo nga miduol siya, miingon ang Ginoo gikan sa taliwala sa kasampinitan, “Moises, Moises!” Mitubag siya, “Unsa man?”

Ang Bag-ong Maayong Balita Biblia

⁴ Sa pagkakita sa Ginoo nga miduol siya, miingon ang Ginoo gikan sa taliwala sa kasampinitan, “Moises, Moises!” Mitubag siya, “Unsa man?”

Exodo 3:4 Cross References

Genesis 22:1

Unya, gisulayan sa Dios si Abraham. Gitawag niya si Abraham, ug mitubag kini, “Ania ko!”

Genesis 22:11

gitawag siya sa anghel sa Ginoo gikan sa langit, “Abraham! Abraham!” Mitubag si Abraham, “Ania ko.”

Genesis 28:16

Unya nakamata si Jacob ug miingon sa iyang kaugalingon, “Wala ako makahibalo nga ania diay ang Ginoo niining dapita.”

Genesis 46:2

Nianang pagkagabii, nakigsulti ang Dios kaniya pinaagi sa usa ka panan-awon. Gitawag sa Dios si Jacob, ug mitubag siya.

Salmo 62:11

Makadaghan ko na madungog nga miingon ang Dios nga iya ang gahom

Exodo 19:3

Mitungas si Moises sa bukid aron makigkita sa Dios. Mitawag ang Ginoo kaniya gikan sa bukid ug miingon, “Mao kini ang imong isulti sa mga Israelinhon nga kaliwat ni Jacob:

Exodo 3:2

Nagpakita kaniya didto ang anghel sa Ginoo sa dagway sa nagdilaab nga kalayo diha sa sampinit. Nakita ni Moises nga nagdilaab ang sampinit apan wala kini masunog.

Exodo 33:12

Miingon si Moises sa Ginoo, “Kanunay mo akong gisultihan nga pangulohan ko kini nga katawhan, apan wala mo pa ako pahibaloa kon kinsay imong paubanon kanako. Miingon pa ikaw nga nakaila ka gayod kanako ug nalipay ka kanako.

Exodo 4:5

Miingon ang Ginoo, “Himoa kini nga milagro aron motuo sila nga ako, ang Ginoo, nga Dios sa ilang mga katigulangan nga si Abraham, Isaac, ug Jacob, nagpakita kanimo.”

Levitico 1:1

Gitawag sa Ginoo si Moises didto sa Tolda nga Tagboanan miingon kaniya,

Mga Buhat 10:13

Ug aduna siyay tingog nga nadungog nga nag-ingon, “Tindog, Pedro! Pag-ihaw ug kaon!”

Mga Buhat 10:3

Usa niana ka adlaw, mga alas tres ang takna sa hapon, adunay nagpakita kaniya nga anghel sa Dios. Klaro kaayo ang iyang pagkakita sa anghel nga misulod sa iyang balay ug mitawag kaniya, “Cornelio!”

Mga Buhat 9:4

Unya natumba siya sa yuta ug aduna siya tingog nga nadungog nga nag-ingon, “Saulo, Saulo! Nganong gilutos mo ako?”

Deuteronomio 33:16

Hinaut pa nga ang ilang yuta mag-ani sa labing maayong mga abot sa kaayo sa Dios nga nagpadayag diha sa nagdilaab nga sampinit. Hinaut pa nga kining mga panalangin magpabilin sa tribo ni Jose kay labaw siya kaysa iyang mga igsoon.

1 Samuel 3:10

Miadto ang Ginoo kang Samuel, ug sama sa iyang gihimo, gitawag niya kini, “Samuel! Samuel!” Unya mitubag si Samuel, “Sulti, Ginoo, kay ako nga imong alagad namati.”

1 Samuel 3:4

gitawag sa Ginoo si Samuel. Mitubag si Samuel, “Unsa man, sir!”

1 Samuel 3:6

Gitawag siya pag-usab sa Ginoo, “Samuel!” Mibangon si Samuel ug miadto kang Eli, ug miingon, “Ania na ako, sir! Nganong gitawag mo man ako?” Mitubag si Eli, “Anak, wala ako magtawag kanimo. Balik ug higda.”

1 Samuel 3:8

Gitawag pag-usab sa Ginoo si Samuel sa ikatulo nga higayon. Mibangon si Samuel ug miadto kang Eli ug miingon, “Ania na ako, sir! Nganong gitawag mo man ako?” Unya nasabtan ni Eli nga ang Ginoo mao ang nagtawag kang Samuel.