Exodo 3:1 - Ang Pulong sa Dios

¹ Usa ka adlaw, nagbantay si Moises sa kahayopan sa iyang ugangan nga si Jetro nga pari sa Midian. Gidala ni Moises ang kahayopan unahan sa kamingawan ug nakaabot siya sa Horeb, ang bukid sa Dios.

Ang Biblia 2011

¹ Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

Maayong Balita Biblia

¹ Si Moises maoy nag-atiman sa mga karnero ug mga kanding sa iyang ugangan nga si Jetro, ang pari sa Midian. Usa niana ka adlaw gidala niya ang mga hayop latas sa dapit nga awaaw ug miabot siya sa Sinai, ang balaang bukid.

Ang Bag-ong Maayong Balita Biblia

¹ Si Moises maoy nag-atiman sa mga karnero ug mga kanding sa iyang ugangan nga si Jetro, ang pari sa Midian. Usa niana ka adlaw gidala niya ang mga hayop latas sa dapit nga awaaw ug miabot siya sa Sinai, ang balaang bukid.

Exodo 3:1 Cross References

1 Mga Hari 19:19

Mibiya didto si Elias ug nakita niya si Eliseo nga anak ni Shafat nga nagdaro. Adunay 11 ka parisan sa mga baka nga gigamit sa pagdaro, ug siya ang migamit sa ika-12 nga parisan. Milabay si Elias kang Eliseo, ug gibutang ang iyang kupo kaniya.

1 Mga Hari 19:8

Busa mibangon si Elias ug mikaon ug miinom. Nabaskog siya tungod sa iyang gikaon, ug mibaklay siya sulod sa 40 ka adlaw ug 40 ka gabii, hangtod nga nakaabot siya sa Horeb, ang bukid sa Dios.

Salmo 106:19

Didto sa Horeb, naghimo ang mga Israelinhon ug bulawan nga baka ug gisimba nila kini nga dios-dios.

Exodo 17:6

Maghulat ako kanimo didto sa bato sa Horeb. Bunali ang bato, ug mogawas ang tubig aron makainom ang mga tawo.” Busa gihimo kini ni Moises atubangan sa mga tigdumala sa Israel.

Exodo 18:12

Unya naghalad si Jetro ug mga halad nga sinunog ug uban pa nga mga halad ngadto sa Dios. Ug samtang ginahimo niya kini, miabot si Aaron ug ang tanang tigdumala sa Israel. Nakig-uban sila kang Jetro sa pagpangaon diha sa presensya sa Dios.

Exodo 19:11

Siguroha nga andam sila sa ikatulong adlaw, kay nianang adlawa, ako, ang Ginoo, mokunsad sa Bukid sa Sinai ug makita ako sa tanang mga tawo.

Exodo 19:3

Mitungas si Moises sa bukid aron makigkita sa Dios. Mitawag ang Ginoo kaniya gikan sa bukid ug miingon, “Mao kini ang imong isulti sa mga Israelinhon nga kaliwat ni Jacob:

Exodo 2:16

Naatol nga ang pito ka mga anak nga babaye sa pari sa Midian nagsag-ob aron paimnon ang kahayopan sa ilang amahan.

Exodo 2:18

Pag-uli sa mga babaye didto sa ilang amahan nga si Reuel, gipangutana niya sila, “Nganong sayo man kamo nakauli?”

Exodo 2:21

Misugot si Moises nga didto mopuyo sa ila ni Reuel, ug unya, gipaasawa ni Reuel kaniya ang iyang anak nga si Zipora.

Exodo 24:13

Busa nanglakaw si Moises ug ang iyang personal nga katabang nga si Josue ug mitungas si Moises sa bukid sa Dios.

Exodo 3:12

Miingon ang Dios, “Mag-uban ako kanimo, ug mao kini ang mahimong timailhan nga ako ang nagpadala kanimo: Kon mapagawas mo na ang mga Israelinhon gikan sa Ehipto, magsimba kamo kanako dinhi niining bukira.”

Exodo 3:5

Miingon ang Dios, “Ayaw na pagduol pa. Huboa ang imong sandalyas, kay balaan ang dapit nga imong gitindogan.

Exodo 33:6

Busa gitangtang sa mga Israelinhon ang ilang mga alahas didto sa Bukid sa Horeb.

Exodo 4:18

Mibalik si Moises kang Jetro nga iyang ugangan ug miingon kaniya, “Tugoti ako nga mobalik sa akong mga kadugo didto sa Ehipto sa pagtan-aw kon buhi pa ba sila.” Miingon si Jetro, “Sige, ug maayong paglakaw.”

Exodo 4:27

Unya, miingon ang Ginoo kang Aaron, “Lakaw ug tagboa si Moises sa kamingawan.” Busa gitagbo niya si Moises sa Bukid sa Dios ug gihagkan agig paghangop.

Amos 1:1

Mao kini ang mensahe ni Amos, nga usa ka magbalantay sa mga karnero nga taga-Tekoa, mahitungod sa Israel. Gipadayag kini kaniya sa Dios duha ka tuig sa wala pa mahitabo ang linog, ug sa panahon nga si Uzias mao ang hari sa Juda ug si Jeroboam nga anak ni Joas mao ang hari sa Israel.

Malaquias 4:4

“Tumana ninyo ang Kasugoan sa akong alagad nga si Moises. Kana nga mga lagda ug mga tulomanon gihatag ko kaniya didto sa Bukid sa Sinai aron ipatuman sa tanang mga katawhan sa Israel.

Numeros 10:29

Unya, miingon si Moises kang Hobab nga iyang bayaw nga anak ni Reuel nga Midianhon, “Moadto na kami sa dapit nga giingon sa Ginoo nga ihatag niya kanamo. Busa uban kanamo ug dili ka namo pasagdan, kay misaad ang Ginoo nga panalanginan niya ang Israel.”

Numeros 10:33

Busa namiya sila sa bukid sa Ginoo ug nanglakaw ug tulo ka adlaw. Gauna kanunay kanila ang Sudlanan sa Kasabotan sa pagpangita ug dapit nga ilang kapahulayan.

Lucas 2:8

Duol sa lungsod sa Betlehem adunay mga magbalantay sa mga karnero nga nagtukaw sa pagbantay sa ilang panon sa mga karnero didto sa sabsabanan.

Mga Buhat 7:30

“Paglabay sa 40 ka tuig adunay usa ka anghel nga nagpakita kang Moises samtang didto siya sa kamingawan nga duol sa Bukid sa Sinai. Nakita ni Moises ang anghel diha sa nagdilaab nga sampinit.

Deuteronomio 1:2

(Onse ka adlaw ang ilang paglakaw gikan sa Bukid sa Sinai paingon sa Kadesh Barnea sa Bukid sa Seir.)

Deuteronomio 1:6

Sa didto kita sa Horeb nag-ingon kanato ang Ginoo nga atong Dios, “Dugay na kamong nagpuyo niini nga bukid,

Deuteronomio 4:10

Hinumdomi ninyo ang adlaw nga nagtindog kamo atubangan sa Ginoo nga inyong Dios didto sa Bukid sa Sinai diin miingon siya kanako, “Tigoma ang mga katawhan sa akong atubangan sa pagpamati sa akong mga pulong aron makahibalo sila sa pagtahod kanako samtang nagkinabuhi sila, ug aron ikatudlo nila kini sa ilang mga kabataan.”

Mga Maghuhukom 4:11

Niadtong higayona, si Eber nga usa ka Kenihanon nagtukod sa iyang tolda duol sa kahoy nga tugas sa Zaananim duol sa Kedesh. Mibulag siya sa iyang mga kaubang Kenihanon nga mga kaliwat ni Hobab nga bayaw ni Moises.

1 Samuel 16:11

Unya nangutana si Samuel kang Jesse, “Sila lang ba ang imong mga anak?” Mitubag si Jesse, “Anaa pa ang kamanghoran, apan nagbantay siya sa mga karnero.” Miingon si Samuel, “Paanhia siya dinhi, kay dili kita mopadayon hangtod dili siya moabot.”