Exodo 27:3 - Ang Pulong sa Dios

³ Ang tanang kagamitan sa halaran kinahanglan hinimo usab ug bronsi, ang saloranan sa abo, mga pala, mga yahong, mga dagkong tinidor alang sa karne, ug mga butanganan ug baga.

Ang Biblia 2011

³ Paghimo ug mga kulon nga butangan sa abo niini ug mga pala ug mga dagkong panaksan ug mga kaw-it ug mga sangga sa kalayo. Ang tanan nga mga galamiton niini himoa gikan sa bronsi.

Maayong Balita Biblia

³ Paghimo usab alang sa halaran ug mga sudlanan sa abo, mga pala, mga panaksan, mga sab-onganan ug mga sangga sa kalayo. Kinahanglan nga bronsi ang tanang kahimanan sa halaran.

Ang Bag-ong Maayong Balita Biblia

³ Paghimo usab alang sa halaran ug mga sudlanan sa abo, mga pala, mga panaksan, mga sab-onganan ug mga sangga sa kalayo. Kinahanglan nga bronsi ang tanang kahimanan sa halaran.

Exodo 27:3 Cross References

1 Mga Hari 7:40

Naghimo usab siyag mga kolon, mga pala, ug mga yahong nga gamiton sa pagpangwisik. Nahuman ra gayod ni Huram ang tanang gipahimo ni Haring Solomon alang sa Templo sa Ginoo.

1 Mga Hari 7:45

ang mga kolon, mga pala, mga yahong nga gamiton sa pagpangwisik. Kining tanang mga butang nga alang sa Templo sa Ginoo, nga gihimo ni Huram alang kang Haring Solomon, pulos hinimo gikan sa bronsi nga gipasinaw.

1 Mga Hari 7:50

ang purong bulawan nga mga baso, mga pangkorte sa pabilo sa suga, mga yahong nga ginagamit sa pagpangwisik, mga luwag, ug mga sudlanan sa insenso; ang bulawan nga mga bisagra alang sa mga pultahan sa Labing Balaang Dapit ug sa Templo mismo.

2 Mga Hari 25:14

Gipangdala usab nila ang mga kalaha, mga pala, mga pangkorte sa pabilo, mga tasa, ug ang tanang mga kagamitan nga hinimo sa bronsi nga gigamit didto sa Templo.

2 Mga Hari 25:15

Gipanguha usab ni Nebuzaradan ang mga butanganan ug baga, ang mga yahong, ug ang uban pang mga kagamitan nga hinimo sa bulawan ug plata.

1 Cronicas 28:17

ang dagkong mga kaw-it nga bulawan; ang bulawan nga mga yahong ug mga petsil; ang bulawan ug plata nga mga plato;

2 Cronicas 4:11

Nagpahimo usab si Huram ug mga kolon, mga pala, ug mga yahong nga gamiton sa pagpangwisik. Nahuman ra gayod ni Huram Abi ang tanang gipahimo ni Haring Solomon alang sa Templo sa Dios. Mao kini ang iyang gipanghimo:

2 Cronicas 4:16

ang mga kolon, mga pala, mga dagkong tinidor alang sa karne, ug ang uban pang mga galamiton. Kining tanang mga butang alang sa Templo sa Ginoo nga gihimo ni Huram Abi alang kang Haring Solomon pulos hinimo gikan sa bronsi nga gipasinaw.

Exodo 24:6

Gikuha ni Moises ang katunga sa dugo ug gibutang kini sa mga palanggana, ug ang katunga gisablig niya sa halaran.

Exodo 27:19

Kinahanglan nga pulos bronsi ang tanang kagamitan sa Tolda nga Pagsimbahan, lakip ang tanang mga ugsok nga pangbanting sa tolda ug sa mga kurtina sa hawanan niini.

Exodo 27:2

Pabutangi kinig mga sungay-sungay nga unay diha sa upat ka eskina niini. Ug pahaklapi kini ug bronsi.

Exodo 27:4

Pagpahimo usab ug sugbahanan nga bronsi alang sa halaran, ug pabutangi kinig mga singsing nga bronsi sa kada eskina.

Exodo 38:3

Ang tanang kagamitan sa halaran hinimo usab gikan sa bronsi, ang mga butanganan sa abo, mga pala, mga yahong, mga dagkong tinidor alang sa karne, ug mga butanganan sa baga.

Levitico 16:12

Unya magkuha siyag butanganan sa insenso ug pun-on niya kini ug baga nga gikan sa halaran nga anaa sa presensya sa Ginoo. Ug magkuha usab siya ug duha ka kumkom sa humot ug pino nga insenso, ug dad-on niya kini sa Labing Balaang Dapit.

Numeros 4:14

Unya ibutang dayon nila diha sa halaran ang tanang kagamitan niini: ang mga butanganan sa baga, ang mga dagkong tinidor, ang mga pala, ug ang mga yahong. Tabonan kini nila ug maayong klasi sa panit, ug itaod nila ang mga pangdayong niini.