Exodo 27:1 - Ang Pulong sa Dios

¹ “Pagpahimo ug kuwadradong halaran nga akasya nga adunay gitas-on ug gilapdon nga pito ug tunga ka piye, ug gihabugon nga upat ug tunga ka piye.

Ang Biblia 2011

¹ “Kinahanglan nga magbuhat ikaw ug halaran gikan sa kahoy nga akasya nga lima ka maniko ang gitas-on ug lima ka maniko ang gilapdon. Ang halaran kinahanglan nga kwadrado ug ang gihabogon niini tulo ka maniko.

Maayong Balita Biblia

¹ “Unya paghimog halaran nga acasia. Himoa kining kwadrado, 2.2 ka metros ang gitas-on ug gilapdon ug 1.3 ka metros ang gihabugon.

Ang Bag-ong Maayong Balita Biblia

¹ “Unya paghimog halaran nga acasia. Himoa kining kwadrado, 2.2 ka metros ang gitas-on ug gilapdon ug 1.3 ka metros ang gihabugon.

Exodo 27:1 Cross References

2 Samuel 24:18

Niadtong adlawa miadto si Gad kang David ug miingon kaniya, “Tungas ngadto sa giokanan ni Arauna nga Jebusihanon ug paghimo didto ug halaran alang sa Ginoo.”

2 Mga Hari 16:14

Unya gipakuha niya ang daang halaran nga bronsi nga didto atubangan sa Ginoo, taliwala sa bag-ong halaran ug sa Templo sa Ginoo, ug gipabutang niya kini dapit sa amihan sa bag-ong halaran.

1 Cronicas 6:49

Apan si Aaron ug ang iyang mga kaliwat mao ang gahalad sa mga halad nga sinunog ug sa insenso. Sila usab ang nagbuhat sa tanang buluhaton nga adunay kalabotan sa Labing Balaang Dapit, ug sa paghalad alang sa kapasayloan sa sala sa Israel. Gihimo nila kini sumala sa tanang gisugo ni Moises nga alagad sa Dios.

2 Cronicas 4:1

Nagpahimo si Solomon ug bronsi nga halaran nga 30 ka piye kuwadrado, ug 15 ka piye ang gihabugon.

Esdras 3:2

Unya gipatukod pag-usab ang halaran sa Dios sa Israel aron mahalaran kini sa mga halad nga sinunog, sumala sa nasulat sa Kasugoan sa Dios nga gihatag kang Moises nga iyang alagad. Ang nagtukod niini mao sila si Jeshua nga anak ni Jozadak ug ang iyang mga kauban nga sama niyang pari, ug si Zerubabel nga anak ni Sealtiel ug ang iyang mga paryente.

Exodo 17:15

Naghimo si Moises ug halaran ug gitawag kini nga, “Ang Ginoo mao ang akong Bandera sa Pagdaog.”

Exodo 24:4

Unya gisulat ni Moises ang tanan nga giingon sa Ginoo. Sayo pa kaayo pagkasunod adlaw, mibangon si Moises ug nagtukod ug halaran sa tiilan sa bukid ug nagbutang siyag 12 ka handomanan nga bato nga nagrepresentar sa 12 ka tribo sa Israel.

Exodo 31:9

ang halaran nga sunoganan sa halad nga sinunog ug ang tanang kagamitan niini, ang palanggana ug ang tungtonganan niini,

Exodo 35:16

ang halaran nga sunoganan sa halad nga sinunog ug ang sugbahanan nga bronsi, ang mga pangdayong niini, ug ang tanan nga kagamitan niini; ang bronsi nga palanggana ug ang tungtonganan niini;

Exodo 39:39

ang halaran nga bronsi ug ang sugbahanan niini nga bronsi, ang iyang mga pangdayong, ug ang tanang kagamitan niini, ang palanggana ug ang tungtonganan niini,

Exodo 40:10

Dihogi usab ang halaran nga sunoganan sa halad nga sinunog ug ang tanang kagamitan niini sa pagdedikar niini kanako, ug mahimo kining labing sagrado.

Exodo 40:29

Ug gibutang niya didto duol sa pultahan ang halaran nga sunoganan sa halad nga sinunog. Unya naghalad siya sa maong halaran ug mga halad nga sinunog ug mga halad sa pagpasidungog sa Ginoo. Gihimo niya kining tanan sumala sa gisugo kaniya sa Ginoo.

Exodo 40:6

“Ibutang ang halaran nga sunoganan sa halad nga sinunog diha sa atubangan sa pultahan sa Tolda nga Pagsimbahan.

Numeros 3:31

Sila ang gitugyanan sa pag-atiman sa Sudlanan sa Kasabotan, sa lamisa, sa butanganan sa suga, sa mga halaran, sa mga kagamitan nga ginagamit sa mga pari sa pag-alagad, ug sa kurtina. Sila ang responsable sa tanang buluhaton nga adunay kalabotan niini nga mga kagamitan.

Numeros 4:13

“Kinahanglan nga kuhaon nila ang abo gikan sa halaran, ug unya tabonan ang halaran ug panapton nga kolor ube.

Numeros 4:14

Unya ibutang dayon nila diha sa halaran ang tanang kagamitan niini: ang mga butanganan sa baga, ang mga dagkong tinidor, ang mga pala, ug ang mga yahong. Tabonan kini nila ug maayong klasi sa panit, ug itaod nila ang mga pangdayong niini.

Mga Hebreo 13:10

Kita nga mga tumutuo adunay halaran, ug ang mga Judio nga gahalad diha sa ilang pagsimbahan dili mahimo nga mokaon diha sa atong halaran.