Exodo 22:1 - Ang Pulong sa Dios

¹ “Kon ang usa ka tawo nasakpan nga nangawat ug baka o karnero, unya giihaw niya kini o gibaligya, kinahanglan nga magbayad siya. Sa usa ka baka nga iyang gikawat, magbayad siyag lima ka baka. Ug sa usa ka karnero nga iyang gikawat, magbayad siyag upat ka karnero.

Ang Biblia 2011

¹ “Kon ang usa ka tawo mangawat ug baka o karnero ug ihawon niya kini o ibaligya, kinahanglan nga mobayad siya ug lima ka baka alang sa usa ka baka, ug upat ka karnero alang sa usa ka karnero. Ang kawatan mag-uli sa hingpit gayod, kon wala gayod siyay mahimo, ibaligya siya alang sa iyang nakawat.

Maayong Balita Biblia

¹ “Kon ang usa ka tawo mangawat ug baka o karnero ug patyon o ibaligya niya kini, kinahanglan nga ilisan niyag lima ka baka ang usa ka baka ug upat ka karnero ang iilis sa usa ka karnero.

Ang Bag-ong Maayong Balita Biblia

¹ “Kon ang usa ka tawo mangawat ug baka o karnero ug patyon o ibaligya niya kini, kinahanglan nga ilisan niyag lima ka baka ang usa ka baka ug upat ka karnero ang iilis sa usa ka karnero.

Exodo 22:1 Cross References

2 Samuel 12:6

Ug tungod kay wala siyay kaluoy sa kabos, angay niyang bayran ug upat ka karnero ang usa ka karnero nga iyang gikuha.”

Exodo 21:36

Apan kon ang baka nga nakapatay daan na nga gapanungag ug gipasagdan lang kini sa tag-iya, kinahanglang magbayad ang tag-iya niini ug usa ka baka ilis sa namatay, ug iyahon na ang patay nga baka.

Mga Panultihon 14:4

Kon wala kay mananap nga igdadaro wala kay maani, apan kon aduna kay mananap, ug kusgan pa, daghan kag maani.

Mga Panultihon 6:31

apan kon madakpan siya, pabayron siyag pito ka pilo sa kantidad nga iyang gikawat, bisan pag mahurot ang tanan niyang butang.

Jeremias 2:34

Anaa sa inyong mga bisti ang mantsa sa dugo sa mga inosente ug kabos. Gipamatay ninyo sila bisan ug wala ninyo sila masakpi nga misulod sa inyong balay sa pagpangawat. Apan bisan pa niining tanan ninyong gihimo,

Ezequiel 33:15

pananglitan, giuli niya ang gigarantiya kaniya o ang iyang gikawat, gisunod niya ang mga tulomanon nga naghatag ug kinabuhi, ug wala siya naghimog daotan, kana nga tawhana sigurado nga mabuhi ug dili siya mamatay.

Numeros 5:7

Kinahanglan nga isulti niya ang iyang sala nga nahimo, ug ulian niya o bayran sa ensaktong kantidad ang tawo nga iyang nabuhatan ug daotan, ug dugangan niya kini ug 20 porsyento sa kantidad.

Lucas 19:8

Didto sa iyang balay mitindog si Zaqueo ug miingon, “Ginoo, ihatag ko ngadto sa mga kabos ang katunga sa akong kabtangan. Ug kon aduna akoy gilimbongan, ibalik ko kaniya sa upat ka pilo.”