Exodo 2:23 - Ang Pulong sa Dios

²³ Human sa daghang katuigan, namatay ang hari sa Ehipto. Apan nagpadayon pa gihapon ang pag-antos sa mga Israelinhon sa ilang pagkaulipon. Nangayo sila ug tabang, ug miabot kini sa Dios.

Ang Biblia 2011

²³ Human sa taas nga panahon, namatay ang hari sa Ehipto. Ug ang katawhan sa Israel nag-agulo tungod sa pagkaulipon ug nagpakitabang. Ug midangat sa Dios ang ilang pagtuaw tungod sa ilang pagkaulipon.

Maayong Balita Biblia

²³ Human sa taas nga panahon, namatay ang hari sa Ehipto. Ang mga Israelita nag-agulo pa gihapon tungod sa kapait sa ilang pagkaulipon ug nagpakitabang sila. Miabot sa Dios ang ilang mga hangyo

Ang Bag-ong Maayong Balita Biblia

²³ Human sa taas nga panahon, namatay ang hari sa Ehipto. Ang mga Israelita nag-agulo pa gihapon tungod sa kapait sa ilang pagkaulipon ug nagpakitabang sila. Miabot sa Dios ang ilang mga hangyo

Exodo 2:23 Cross References

Genesis 16:11

Ug miingon pag-usab ang anghel sa Ginoo: “Mabdos ka ug sa dili madugay manganak ka ug usa ka batang lalaki. Nganli siya ug Ishmael, kay gidungog sa Ginoo ang imong pagpakitabang tungod sa imong pag-antos.

Genesis 4:10

Unya miingon ang Ginoo kang Cain, “Unsay imong gibuhat? Ang dugo sa imong igsoon diha sa yuta daw sa tingog nga nagpakiluoy kanako.

Nehemias 9:9

“Nakita mo ang pag-antos sa among mga katigulangan sa Ehipto. Nadungog mo ang pagpangayo nilag tabang kanimo didto sa Pulang Dagat.

Job 35:9

“Nagpakitabang ang mga tawo tungod sa pagpangdaog-daog. Naghangyo sila nga luwason gikan sa kamot sa mga tawong gamhanan.

Salmo 102:1

Ginoo, pamatia ang akong pag-ampo. Pamatia ang akong pagpangayo ug tabang kanimo.

Salmo 102:2

Ayaw pagtago kanako sa panahon sa akong kalisod. Pamatia ako kon motawag ako kanimo, ug tubaga dayon ako.

Salmo 12:5

Miingon ang  Ginoo, “Tabangan ko ang mga kabos tungod kay gidaog-daog sila ug nag-agulo sa kalisod. Panalipdan ko sila kay mao kini ang ilang ginahandom.”

Salmo 18:6

Busa sa akong kalisdanan nagpakitabang ako kanimo, Ginoo, nga akong Dios, ug gikan sa imong templo gidungog mo ang akong pag-ampo.

Exodo 1:14

Wala gayod silay kaluoy sa mga Israelinhon. Gilisod-lisod gayod nila sila pinaagi sa pagpahimo kanila ug mga tisa ug pangpilit niini. Gipatrabaho pa gayod nila sila ug grabe sa uma.

Exodo 4:19

Sa wala pa mogikan si Moises sa Midian miingon ang Ginoo kaniya, “Sige, balik na sa Ehipto kay nangamatay na ang tanang gustong mopatay kanimo.”

Exodo 6:5

Nadungog ko ang pag-agulo sa mga Israelinhon nga giulipon sa mga Ehiptohanon, ug gihinumdoman ko ang akong kasabotan kanila.

Exodo 6:9

Gisulti kini ni Moises sa mga Israelinhon, apan wala sila motuo kaniya kay nawad-an na silag paglaom tungod sa hilabihan nilang pag-antos ingon nga mga ulipon.

Exodo 7:7

Nag-edad si Moises ug 80 ka tuig ug si Aaron 83 sa dihang nakigsulti sila sa hari sa Ehipto.

Isaias 19:20

Mahimo kining timailhan ug pagpamatuod sa presensya sa Ginoo nga Makagagahom sa yuta sa Ehipto. Kon mangayo ug tabang ang mga Ehiptohanon sa Ginoo tungod kay gipaantos sila sa mga nagdaog-daog kanila, padad-an niya silag magluwas ug manalipod kanila.

Isaias 5:7

Ang ubasan sa Ginoo nga Makagagahom nga iyang giatiman ug kalipay mao ang Israel ug Juda. Nagpaabot siya nga patunhayon nila ang hustisya, apan nagpinatyanay hinuon sila. Nagpaabot siya nga himuon nila ang matarong, apan nangdaog-daog hinuon sila.

Numeros 20:16

apan nangayo kami ug tabang sa Ginoo ug gipatalinghogan niya kami. Gipadad-an niya kami ug anghel nga maoy nagpagawas kanamo gikan sa Ehipto. “Karon, ania kami dinhi sa Kadesh, ang lungsod nga duol sa imong teritoryo.

Mga Buhat 7:30

“Paglabay sa 40 ka tuig adunay usa ka anghel nga nagpakita kang Moises samtang didto siya sa kamingawan nga duol sa Bukid sa Sinai. Nakita ni Moises ang anghel diha sa nagdilaab nga sampinit.

Deuteronomio 24:15

Bayri siya sa iyang inadlawan nga sweldo sa dili pa mosalop ang adlaw tungod kay kabos siya ug nagsalig siya niini. Kay kon dili, basig modangop siya sa Ginoo ug isipon kini nga sala batok kanimo.

Santiago 5:4

Pamatia ninyo ang mga reklamo sa mga tawo nga inyong gipatrabaho sa inyong kaumahan apan wala ninyo suholi. Angay ninyong masayran nga ang mga paghilak sa inyong mga mag-aani nadunggan sa Dios nga Makagagahom.

Mga Maghuhukom 4:3

Si Jabin adunay 900 ka mga karwahi nga puthaw. Gidaog-daog niya pag-ayo ang mga Israelinhon sulod sa 20 ka tuig. Busa nagpakitabang sa Ginoo ang mga Israelinhon.

1 Samuel 12:8

“Sa dihang didto ang mga kaliwat ni Jacob sa Ehipto, nangayo sila ug tabang gikan sa Ginoo. Ug gipadala sa Ginoo si Moises ug si Aaron nga mao ang nagpagawas kanila gikan sa Ehipto ug nagdala kanila dinhi niini nga yuta.

1 Samuel 9:16

“Ugma, sa sama niining orasa, paanhaon ko kanimo ang usa ka tawo nga gikan sa dapit sa Benjamin. Dihogi ug lana ang iyang ulo sa pagpaila nga siya ang pangulo sa akong katawhan nga mga Israelinhon. Luwason niya ang akong katawhan gikan sa mga Filistihanon, kay nakita ko ang mga pag-antos sa akong katawhan, ug nadungog ko ang ilang pagpangayo ug tabang.”