Exodo 19:9 - Ang Pulong sa Dios

⁹ Miingon ang Ginoo kang Moises, “Moanha ako kanimo pinaagi sa bagang panganod aron makadungog ang mga tawo samtang makigsulti ako kanimo. Ug unya kanunay silang motuo kanimo.” Gisulti ni Moises sa Ginoo ang tubag sa mga tawo,

Ang Biblia 2011

⁹ Unya ang Ginoo miingon kang Moises, “Moanha ako kanimo pinaagi sa usa ka baga nga panganod aron ang katawhan makadungog sa diha nga makigsulti ako kanimo ug motuo usab sila kanimo hangtod sa kahangtoran.” Unya gisugilon ni Moises ang mga pulong sa katawhan ngadto sa Ginoo.

Maayong Balita Biblia

⁹ Ang Ginoo miingon kang Moises, “Moanha ako kanimo pinaagi sa bagang panganod aron makadungog ang mga tawo kanako nga makigsulti kanimo ug motuo sila kanimo kanunay.” Ug gisuginlan ni Moises ang Ginoo sa tubag sa mga tawo.

Ang Bag-ong Maayong Balita Biblia

⁹ Ang Ginoo miingon kang Moises, “Moanha ako kanimo pinaagi sa bagang panganod aron makadungog ang mga tawo kanako nga makigsulti kanimo ug motuo sila kanimo kanunay.” Ug gisuginlan ni Moises ang Ginoo sa tubag sa mga tawo.

Exodo 19:9 Cross References

1 Mga Hari 8:12

Unya nag-ampo si Solomon, “Ginoo nag-ingon ka nga mopuyo ka sa mabagang panganod.

2 Cronicas 20:20

Sayo pa kaayo pagkasunod adlaw, nangadto sila si Jehosafat sa kamingawan sa Tekoa. Samtang naglakaw sila, mihunong si Jehosafat ug miingon, “Pamatia ninyo ako, mga taga-Juda ug taga-Jerusalem! Tuo kamo sa Ginoo nga inyong Dios, ug malig-on kamo. Tuo kamo sa iyang mga propeta, ug magmadaogon kamo.”

2 Cronicas 6:1

Unya nag-ampo si Solomon, “Ginoo nag-ingon ka nga mopuyo ka sa mabagang dag-om.

Salmo 97:2

Gilibotan siya sa mabagang dag-om, ug naghari siya sa katarong ug kaangayan.

Salmo 99:7

Nakigsulti siya kanila gikan sa panganod nga daw haligi; gituman nila ang mga pagtulon-an ug mga tulomanon nga gihatag niya kanila.

Exodo 14:31

Nakita sa mga Israelinhon ang katingalahang gahom sa Ginoo nga iyang gigamit batok sa mga Ehiptohanon. Tungod niini, mitahod ug misalig sila sa Ginoo ug sa iyang alagad nga si Moises.

Exodo 19:16

Pagkabuntag sa ikatulong adlaw, nagdalogdog ug nagpangilat, ug adunay bagang panganod nga mitabon sa bukid, ug madungog ang makusog kaayo nga tingog sa budyong. Nangurog sa kahadlok ang tanang mga tawo nga didto sa kampo.

Exodo 20:21

Sa gihapon nagpabilin ang mga tawo sa pagtindog sa layo-layo samtang si Moises miduol sa bagang panganod diin atua ang Dios.

Exodo 34:5

Unya mikunsad ang Ginoo diha sa panganod ug gilitok niya ang iyang ngalan nga Ginoo samtang nagtindog si Moises diha sa iyang presensya.

Exodo 4:31

ug mituo sila. Ug sa dihang nahibaloan nila nga nahangawa ang Ginoo kanila ug nga nakita niya ang ilang pag-antos, mihapa sila ug misimba kaniya.

Exodo 4:5

Miingon ang Ginoo, “Himoa kini nga milagro aron motuo sila nga ako, ang Ginoo, nga Dios sa ilang mga katigulangan nga si Abraham, Isaac, ug Jacob, nagpakita kanimo.”

Isaias 19:1

Kini nga mensahe bahin sa Ehipto: Pamati! Nagsakay ang  Ginoo sa tulin nga panganod padulong sa Ehipto. Sa iyang pag-abot, mangurog sa kahadlok ang mga dios-dios sa Ehipto, ug malisang ang mga Ehiptohanon.

Numeros 12:5

Unya mikunsad ang Ginoo pinaagi sa panganod nga daw haligi ug mitindog sa pultahan sa Tolda nga Tagboanan ug gitawag si Aaron ug si Miriam. Pagduol sa duha,

Mateo 17:5

Sa wala pa siya makahuman ug sulti natabonan sila sa masulaw nga panganod ug unya nadunggan nila ang tingog gikan didto nga nag-ingon, “Mao kini ang akong hinigugma nga Anak. Nahimuot gayod ako kaniya. Paminawa ninyo siya!”

Marcos 9:7

Unya adunay mitungha nga panganod nga mitabon kanila. Gikan sa panganod adunay tingog silang nadungog nga nag-ingon, “Mao kini ang akong hinigugma nga Anak. Paminawa ninyo siya!”

Lucas 10:16

Unya miingon si Jesus sa iyang mga tinun-an, “Ang maminaw kaninyo maminaw usab kanako, ug ang mosalikway kaninyo mosalikway usab kanako, ug ang mosalikway kanako mosalikway usab sa nagpadala kanako.”

Deuteronomio 4:10

Hinumdomi ninyo ang adlaw nga nagtindog kamo atubangan sa Ginoo nga inyong Dios didto sa Bukid sa Sinai diin miingon siya kanako, “Tigoma ang mga katawhan sa akong atubangan sa pagpamati sa akong mga pulong aron makahibalo sila sa pagtahod kanako samtang nagkinabuhi sila, ug aron ikatudlo nila kini sa ilang mga kabataan.”

Deuteronomio 4:36

Gipadungog niya kamo sa iyang tingog gikan sa langit aron pagdisiplina kaninyo. Gipakita niya kaninyo ang iyang gamhanang kalayo dinhi sa yuta aron makapakigsulti siya kaninyo gikan sa taliwala niining kalayo.

Gipadayag 1:7

Tan-awa ninyo! Moanhi si Jesu-Cristo uban sa mga panganod. Ang tanang mga tawo makakita kaniya ingon man ang mga tawo nga mipatay kaniya. Ug ang mga tawo sa tanang nasod sa kalibotan manghilak tungod sa ilang kahadlok nga silotan na niya sila. Tinuod gayod kini! Amen!