Exodo 12:7 - Ang Pulong sa Dios

⁷ Unya magkuha kamo ug dugo niini ug ipahid ninyo sa ibabaw ug sa isigka-kilid sa pultahan sa mga balay nga kan-an ninyo sa mga karnero.

Ang Biblia 2011

⁷ Unya magkuha sila ug dugo ug ipahid nila kini diha sa duha ka haligi sa pultahan ug sa ibabaw sa pultahan sa mga balay diin sila magkaon niini.

Maayong Balita Biblia

⁷ Unya magkuha silag dugo ug ipahid diha sa duha ka haligi sa pultahan ug sa ibabaw sa pultahan sa mga balay diin kan-on ang mga mananap.

Ang Bag-ong Maayong Balita Biblia

⁷ Unya magkuha silag dugo ug ipahid diha sa duha ka haligi sa pultahan ug sa ibabaw sa pultahan sa mga balay diin kan-on ang mga mananap.

Exodo 12:7 Cross References

1 Mga Hari 6:31

Ang agianan paingon sa Labing Balaang Dapit gipahimoan niyag duha ka sira nga hinimo sa kahoyng olibo, ug aduna kini mga haligi nga adunay lima ka eskina.

Exodo 12:13

Ang dugo nga gipahid ninyo sa isigka-kilid sa inyong mga pultahan mao ang akong ilhanan kon asa nga mga balay ang inyong ginapuy-an. Kon makita ko ang dugo, labyan ko lang kamo, ug dili kamo maunsa inigsilot ko sa Ehipto.

Ezequiel 9:4

ug giingnan, “Libota ang Jerusalem ug markahi ang agtang niadtong mga nagsubo tungod sa tanang mangil-ad nga mga butang nga ginahimo sulod sa siyudad.”

Mga Taga-Efeso 1:7

Kay pinaagi sa dugo ni Cristo gitubos kita, nga sa ato pa, gipasaylo na ang atong mga sala. Pagkadako sa grasya sa Dios kanato. Gihatagan niya kitag kaalam ug kahibalo

Deuteronomio 11:20

Isulat ninyo kini sa kilid sa mga pultahan sa inyong mga balay ug sa mga ganghaan paingon sa inyong mga lungsod,

Mga Hebreo 10:14

Busa pinaagi sa usa ka halad, gihingpit niya sa walay kataposan kadtong gihinloan sa sala.

Mga Hebreo 10:29

Kon mao kana, sigurado gayod nga mas grabe pa ang silot ngadto sa tawo nga nagtamay sa Anak sa Dios ug wala mohatag ug bili sa dugo nga nagpalig-on sa kasabotan sa Dios, nga mao ang naghinlo sa iyang mga sala. Mas grabe pa ang buhaton ngadto sa tawo nga sama niana, kay giinsulto niya ang maluloy-on nga Espiritu.

Mga Hebreo 11:28

Tungod sa iyang pagtuo, gisugdan niya ang pagsaulog sa “Pista sa Paglabay sa Anghel.” Giingnan niya ang tanan nga Israelinhon nga wisikan nila ug dugo sa karnero ang ilang mga pultahan, aron nga kon moagi ang anghel sa Dios nga mopatay sa mga kamagulangan, molabay lang kini ug dili niya ilakip ang ilang mga kamagulangan.

Mga Hebreo 9:22

Sumala sa Kasugoan, halos tanan hinloan pinaagi sa dugo. Ug kon walay dugo nga giula isip halad ngadto sa Dios walay kapasayloan ang sala.

1 Pedro 1:2

Gipili kamo sa Dios nga amahan gikan pa kaniadto sa katuyoan nga himuon niya kamo nga iyang mga anak pinaagi sa Espiritu, aron magmasinugtanon kamo kang Jesu-Cristo ug mahinloan sa inyong mga sala pinaagi sa iyang dugo. Hinaut nga madawat ninyo ang dugang pa nga grasya ug kalinaw.