Exodo 11:5 - Ang Pulong sa Dios

⁵ ug mangamatay ang tanang kamagulangang anak nga lalaki sa Ehipto, gikan sa kamagulangan sa hari, nga mao ang mopuli sa iyang trono, hangtod ngadto sa kamagulangang sa pinakaubos nga ulipong babaye. Lakip ang tanang unang laki nga anak sa kahayopan mangamatay usab.

Ang Biblia 2011

⁵ Ug ang tanang kamagulangan sa yuta sa Ehipto mangamatay, gikan sa kamagulangan sa Paraon nga naglingkod sa iyang trono hangtod sa kamagulangan sa ulipon nga babaye nga anaa sa galingan ug ang tanang kamagulangan sa kahayopan.

Maayong Balita Biblia

⁵ ug mangamatay ang tanang kamagulangang anak dinhi sa Ehipto gikan sa kamagulangang anak sa hari nga maoy manununod sa trono ngadto sa kamagulangang anak sa babayeng ulipon nga naggaling ug trigo. Ang panganay sa tanang baka mamatay usab.

Ang Bag-ong Maayong Balita Biblia

⁵ ug mangamatay ang tanang kamagulangang anak dinhi sa Ehipto gikan sa kamagulangang anak sa hari nga maoy manununod sa trono ngadto sa kamagulangang anak sa babayeng ulipon nga naggaling ug trigo. Ang panganay sa tanang baka mamatay usab.

Exodo 11:5 Cross References

Salmo 105:36

Gipamatay sa Dios ang tanan nilang mga kamagulangang anak nga lalaki.

Salmo 135:8

Gipamatay niya ang mga kamagulangang anak nga lalaki sa mga Ehiptohanon, ingon man ang unang anak sa ilang mga mananap.

Salmo 136:10

Gipamatay niya ang mga kamagulangang anak nga lalaki sa mga Ehiptohanon. Ang iyang gugma walay kataposan.

Salmo 78:51

Gipamatay niya ang tanang kamagulangang anak nga lalaki sa Ehipto nga lugar sa mga kaliwat ni Ham.

Exodo 12:12

“Niana gayong gabhiona molabay ako sa Ehipto ug pamatyon ko ang tanang kamagulangang anak nga mga lalaki sa mga Ehiptohanon, lakip ang tanang unang laki nga anak sa ilang mga kahayopan. Silotan ko ang tanang dios sa Ehipto. Ako mao ang Ginoo.

Exodo 12:29

Sa pagkatungang gabii, gipamatay sa Ginoo ang tanang mga kamagulangang anak nga lalaki sa Ehipto, gikan sa kamagulangan sa hari, nga mao ang mopuli sa trono, hangtod sa kamagulangan sa mga piniriso. Ug gipamatay usab niya ang tanang unang laki nga anak sa mga kahayopan.

Exodo 13:15

Tungod kay sa dihang wala kami tugoti sa hari nga molakaw, gipamatay sa Ginoo ang tanang kamagulangang anak nga lalaki sa Ehipto, tawo man o kahayopan. Mao kana nga ginahalad namo sa Ginoo ang tanang unang laki nga anak sa among kahayopan ug ginatubos namo ang among mga kamagulangang anak nga lalaki.’

Exodo 4:23

busa gimandoan ka nako nga palakwon mo siya aron makasimba siya kanako, apan wala ka mosugot. Busa patyon ko ang kamagulangan mong anak nga lalaki!’ ”

Isaias 47:2

Ulipon ka na karon, busa pagkuhag galingan ug paggaling ug trigo. Hukasa ang imong belo, ug isaha ang imong bisti aron makita ang imong mga paa samtang gatabok ka sa suba.

Mga Pagbangotan 5:13

Ang among mga batan-ong lalaki gipugos nga maggaling nga daw mga ulipon. Ang mga kabataan nagsusapinday sa kabug-at sa mga kahoy nga ilang gipas-an.

Mateo 24:41

Ug posible usab nga adunay duha ka babaye nga maggaling; ang usa kuhaon ug ang usa mabilin.

Mga Hebreo 11:28

Tungod sa iyang pagtuo, gisugdan niya ang pagsaulog sa “Pista sa Paglabay sa Anghel.” Giingnan niya ang tanan nga Israelinhon nga wisikan nila ug dugo sa karnero ang ilang mga pultahan, aron nga kon moagi ang anghel sa Dios nga mopatay sa mga kamagulangan, molabay lang kini ug dili niya ilakip ang ilang mga kamagulangan.

Mga Maghuhukom 16:21

Gidakop siya sa mga Filistihanon ug gilugit ang iyang mga mata. Unya gidala nila siya sa Gaza, gikadenahan ug bronsi, ug gipatrabaho sa galingan sa prisohan.