Exodo 11:10 - Ang Pulong sa Dios

¹⁰ Kini nga mga milagro gihimo ni Moises ug ni Aaron atubangan sa hari, apan gipagahi sa Ginoo ang kasing-kasing sa hari, ug wala tugoti sa hari nga mobiya ang mga Israelinhon sa iyang nasod.

Ang Biblia 2011

¹⁰ Si Moises ug si Aaron mibuhat niining tanang mga kahibulongan sa atubangan sa Paraon. Ug gipagahi sa Ginoo ang kasingkasing sa Paraon ug wala siya motugot sa pagpalakaw sa katawhan sa Israel gawas sa iyang yuta.

Maayong Balita Biblia

¹⁰ Gihimo ni Moises ug ni Aaron kining tanang milagro sa atubangan sa hari apan gipagahi gihapon ni Yahweh ang kasingkasing sa hari ug wala niya tugoti ang mga Israelita pagbiya sa iyang nasod.

Ang Bag-ong Maayong Balita Biblia

¹⁰ Gihimo ni Moises ug ni Aaron kining tanang milagro sa atubangan sa hari apan gipagahi gihapon ni Yahweh ang kasingkasing sa hari ug wala niya tugoti ang mga Israelita pagbiya sa iyang nasod.

Exodo 11:10 Cross References

Job 9:4

Maalam ug gamhanan gayod ang Dios. Kinsa bay mibatok kaniya nga nagmadaogon?

Exodo 10:20

Apan gipagahi gihapon sa Ginoo ang kasing-kasing sa hari, ug wala niya palakwa ang mga Israelinhon.

Exodo 10:27

Apan gipagahi gihapon sa Ginoo ang kasing-kasing sa hari, ug wala niya sila palakwa.

Exodo 12:1

Unya miingon ang Ginoo kang Moises ug kang Aaron didto sa Ehipto,

Exodo 3:19

Apan nasayod ako nga dili kamo tugotan sa hari sa Ehipto gawas lang kon adunay magpugos kaniya.

Exodo 4:21

Miingon ang Ginoo kang Moises, “Pag-abot mo sa Ehipto, buhata gayod atubangan sa hari sa Ehipto ang tanang milagro nga gipakita ko kanimo. Gihatagan ka nako ug gahom sa paghimo niana. Apan pagahion ko ang kasing-kasing sa hari aron dili niya tugotan nga mobiya ang mga Israelinhon.

Exodo 7:3

Apan pagahion ko ang kasing-kasing sa hari, ug bisan pag maghimo akog daghang mga milagro ug kahibulongang mga butang sa Ehipto,

Exodo 9:12

Apan gipagahi pa gayod sa Ginoo ang kasing-kasing sa hari ug wala siya maminaw kang Moises ug kang Aaron, sumala sa giingon sa Ginoo kang Moises.

Isaias 63:17

Ginoo, nganong gitugot mo man nga makalapas kami sa imong mga pamaagi? Nganong gipagahi mo man ang among mga kasing-kasing, ug tungod niini nawala ang among pagtahod kanimo? Tagda kami pag-usab kay mga alagad mo kami, ug imo kaming gipanag-iyahan.

Roma 9:18

Busa gikaloy-an sa Dios ang buot niyang kaloy-an, ug gipagahi niya ang ulo sa mga tawo nga buot niya nga pagahion.

Roma 9:22

Ingon niana ang gibuhat sa Dios. Buot niyang ipakita ang iyang gahom ug ang iyang kasuko sa mga tawo nga angayan nang silotan. Apan magbuot siya kon magpailob una siya niining mga tawhana nga iya unyang laglagon.

Deuteronomio 2:30

Apan wala mosugot si Sihon nga hari sa Hesbon nga moagi kita didto. Kay gipagahi sa Ginoo nga inyong Dios ang kasing-kasing ni Sihon aron itugyan niya siya sa atong mga kamot, sama sa iyang gihimo karong adlawa.

Josue 11:20

Kay gipagahi sa Ginoo ang ilang kasing-kasing aron makig-away sila sa mga Israelinhon. Niining paagiha gipamatay sila sa walay kaluoy ug nalaglag sila sa hingpit sumala sa gisugo sa Ginoo kang Moises.

1 Samuel 6:6

Ayaw na kamo pagpagahi sa inyong ulo sama sa gihimo sa mga Ehiptohanon ug sa ilang hari. Gitugotan lang nila nga makalakaw ang mga Israelinhon sa dihang labihan na gayod ang pagpaantos kanila sa Dios.