Exodo 10:3 - Ang Pulong sa Dios

³ Busa miadto si Moises ug si Aaron sa hari ug miingon, “Mao kini ang giingon sa Ginoo, nga Dios sa mga Hebreo: ‘Hangtod kanus-a ka magdumili sa pagpaubos sa imong kaugalingon kanako? Palakwa ang akong katawhan aron makasimba sila kanako.

Ang Biblia 2011

³ Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako.

Maayong Balita Biblia

³ Busa si Moises ug si Aaron miadto sa hari ug miingon kaniya, “Mao kini ang gisulti sa Ginoo, ang Dios sa mga Hebreo, ‘Hangtod kanus-a ka magdumili sa pagtahod kanako? Palakta na ang akong katawhan aron mag-alagad sila kanako.

Ang Bag-ong Maayong Balita Biblia

³ Busa si Moises ug si Aaron miadto sa hari ug miingon kaniya, “Mao kini ang gisulti sa Ginoo, ang Dios sa mga Hebreo, ‘Hangtod kanus-a ka magdumili sa pagtahod kanako? Palakta na ang akong katawhan aron mag-alagad sila kanako.

Exodo 10:3 Cross References

1 Mga Hari 18:21

Miduol si Elias sa mga tawo ug miingon, “Hangtod kanus-a ba kamong magsunod sa duha ka tinuohan? Kon ang Ginoo mao ang Dios, sunda ninyo siya, apan kon si Baal mao ang Dios, sunda ninyo siya.” Apan wala motubag ang mga tawo.

1 Mga Hari 21:29

“Nakita mo ba kon giunsa pagpaubos ni Ahab sa iyang kaugalingon sa akong atubangan? Tungod kay nagpaubos siya, dili ko ipadala ang kalaglagan sa iyang panahon, ipadala ko kini sa iyang panimalay kon ang iya nang anak ang maghari.”

2 Mga Hari 22:19

Gidungog ko ang imong pag-ampo, kay naghinulsol ka ug nagpaubos sa imong kaugalingon sa akong atubangan sa dihang nadungog mo ang akong gisulti nga tunglohon ug laglagon ko kini nga lugar ug ang mga lumulupyo niini. Gigisi mo pa ang imong bisti ug mihilak sa akong atubangan sa pagpakita sa imong paghinulsol. Busa ako, ang Ginoo, nag-ingon nga

2 Cronicas 33:12

Sa diha na siya sa kalisod, nagpaubos gayod siya sa iyang kaugalingon ug nagpakiluoy sa Ginoo nga iyang Dios, nga Dios usab sa iyang mga katigulangan.

2 Cronicas 33:19

Ang pag-ampo ni Manases ug ang tubag sa Ginoo kaniya, apil na ang tanan niyang sala ug pagsupak sa Ginoo, nasulat sa Libro sa mga Propeta. Nalista usab didto ang mga dapit nga gipatukoran niyag mga simbahanan, mga poste nga simbolo sa diosa nga si Ashera, ug sa uban pa nga mga dios-dios, sa panahon nga wala pa siya magpaubos sa iyang kaugalingon ngadto sa Dios.

2 Cronicas 34:27

‘Tungod kay naghinulsol ka ug nagpaubos sa imong kaugalingon sa akong atubangan sa dihang nadungog mo ang akong giingon batok niini nga dapit ug sa mga lumulupyo niini, ug gigisi mo ang imong bisti ug mihilak ka sa akong atubangan, gidungog ko ang imong pag-ampo.

2 Cronicas 7:14

ug unya magpaubos sa ilang kaugalingon ang katawhan nga akong gipili, mag-ampo, modangop kanako, ug mobiya sa ilang daotang mga binuhatan, mamati ako sa langit ug pasayloon ko ang ilang sala, ug unya panalanginan ko pag-usab ang ilang yuta.

Job 42:6

Busa naulaw ako sa tanan kong gisulti bahin kanimo, ug gihinulsolan ko kini pinaagi sa paglingkod sa yuta ug sa abog.”

Exodo 10:4

Kon dili mo gani sila palakwon, ugma padad-an ko ug mga dulon ang imong nasod.

Exodo 16:28

Unya miingon ang Ginoo kang Moises, “Hangtod kanus-a ba kining mga tawhana magsupak-supak sa akong mga sugo ug mga balaod?

Exodo 4:23

busa gimandoan ka nako nga palakwon mo siya aron makasimba siya kanako, apan wala ka mosugot. Busa patyon ko ang kamagulangan mong anak nga lalaki!’ ”

Exodo 5:1

Unya, miadto si Moises ug si Aaron sa hari sa Ehipto ug miingon, “Mao kini ang giingon sa Ginoo, ang Dios sa Israel: ‘Palakwa ang akong katawhan aron makasaulog sila ug pista alang kanako didto sa kamingawan.’ ”

Exodo 9:17

Apan nagpasigarbo ka gihapon ug wala mo tugoti ang akong katawhan nga molakaw.

Mga Panultihon 1:22

“Kamong mga walay kahibalo, hangtod kanus-a kamo magpabiling ingon niana? Kamong mga bugal-bugalon, hangtod kanus-a ninyo ikalipay ang pagbugal-bugal? Kamong mga buang-buang, hangtod kanus-a kamo magdumili sa kaalam?

Mga Panultihon 1:24

Tungod kay wala kamo manumbaling sa akong pagtawag nga moduol kanako,

Mga Panultihon 18:12

Ang pagpanghambog makapalaglag sa tawo, apan ang pagpaubos makahatag ug kadungganan.

Isaias 1:5

Nganong nagpadayon man kamo sa pagkamasinupakon? Nganong gusto man ninyo nga masilotan? Sama kamo sa tawo kansang ulo pulos na samad ug kansang kasing-kasing napuno sa kasakit.

Isaias 2:11

Moabot ang adlaw nga ang  Ginoo lang gayod ang pagadayegon. Ipaubos niya ang mga mapasigarbohon ug mapahitas-on.

Jeremias 13:10

Kining mga tawong daotan dili motuman sa akong mga pulong. Ginasunod nila ang mga tinguha sa gahi nilang kasing-kasing, ug nag-alagad sila ug nagsimba sa ubang mga dios-dios. Busa mahisama sila sa bakos nga dili na gayod mapuslan.

Jeremias 13:18

Gisugo ako sa Ginoo nga ingnon ang hari ug ang iyang inahan nga manaog na gikan sa ilang trono kay kuhaon na gikan kanila ang ilang matahom nga mga korona.

Jeremias 50:29

“Ipasulong ninyo sa mga mamamana ang Babilonia. Paliboti ninyo kini aron walay makaikyas. Balosi ninyo siya sumala sa iyang gibuhat. Buhata ngadto kaniya ang iyang gibuhat ngadto sa uban, kay misukol siya sa Ginoo, ang Balaan nga Dios sa Israel.

Ezequiel 5:6

Apan gilapas niya ang akong mga sugo, ug mas labaw pa siya kadaotan kaysa uban nga mga nasod sa iyang palibot. Gisalikway niya ang akong mga sugo ug mga tulomanon.

Daniel 5:22

“Ug ikaw, Haring Belshazar nga iyang anak, bisan nasayod ka na niining tanan, wala ka gihapon magpaubos sa imong kaugalingon,

Numeros 14:27

“Hangtod kanus-a ba ang pagbagulbol niining daotang katawhan batok kanako? Nadungog ko ang mga bagulbol niining mga bagulbolan nga Israelinhon.

Mga Hebreo 12:25

Busa pagbantay kamo ug ayaw pagpabungol-bungol sa gisulti sa Dios kaninyo. Ang mga tawo kaniadto nga wala nagtuo sa nagsulti kanila dinhi sa yuta wala makalikay sa silot. Busa unsaon man nato paglikay sa silot kon dili kita motuo sa nagsulti nga gikan sa langit?

Santiago 4:10

Pagpaubos kamo diha sa Ginoo, ug iya kamong pasidunggan.

1 Pedro 5:6

Busa pagpasakop kamo sa gahom sa Dios, kay moabot ang adlaw nga pasidunggan niya kamo.