Ester 7:3 - Ang Pulong sa Dios

³ Mitubag si Rayna Ester, “Kon tinuod nga nalipay ka kanako ug ikahimuot mo ang paghatag sa akong pangayoon, Mahal nga Hari, luwasa ako ug ang akong katawhan. Mao kini ang akong hangyo kanimo.

Ang Biblia 2011

³ Unya si Rayna Ester mitubag, “Kon ako nakakaplag ug kahimuot diha kanimo sa imong panan-aw, O hari, ug kon kini nakapahimuot sa hari, ihatag kanako ang akong kinabuhi sa akong paghangyo ug ang akong katawhan sa akong pagpangayo.

Maayong Balita Biblia

³ Mitubag ang rayna, “Kon gikahimut-an mo ako, O kamahalan, lugwayi ang akong kinabuhi ug ang kinabuhi sa akong katawhan

Ang Bag-ong Maayong Balita Biblia

³ Mitubag ang rayna, “Kon gikahimut-an mo ako, O kamahalan, lugwayi ang akong kinabuhi ug ang kinabuhi sa akong katawhan

Ester 7:3 Cross References

1 Mga Hari 20:31

Miingon ang iyang mga opisyal kaniya, “Nakadungog kami nga maluloy-on kuno ang mga hari sa Israel. Busa moadto kami sa hari sa Israel ug magpakita sa among pagpaubos pinaagi sa pagtapis ug sako ug paghigot ug pisi sa among ulo. Basin pa ug dili ka niya patyon.”

2 Mga Hari 1:13

Nagpadala ang hari ug ikatulong opisyal uban sa iyang 50 ka mga tawo. Pag-abot sa opisyal kang Elias miluhod siya kang Elias agig pagtahod, ug nagpakiluoy, “Alagad sa Dios, maluoy ka kanako ug sa akong mga tawo. Ayaw ako pagpatya, lakip na kining 50 nimo ka mga alagad.

Ester 4:8

Gihatagan siya ni Mordecai ug kopya sa mando sa hari nga gimantala sa Susa, aron ipakita kang Ester. Gisultihan usab siya ni Mordecai nga isaysay ang tanan nga nahitabo kang Ester ug hangyoon si Ester nga moadto sa hari sa pagpakiluoy alang sa iyang mga katawhan.

Ester 5:8

Kon tinuod nga nalipay ka kanako ug ikahimuot mo ang paghatag sa akong pangayoon, dapiton ko kamo pag-usab ni Haman sa panihapon nga andamon ko alang kaninyo ugma. Ug unya isulti ko ang akong hangyo kanimo.”

Ester 7:7

Unya mitindog ang hari sa labihang kasuko. Gibiyaan niya ang iyang ilimnon ug miadto sa hardin sa palasyo. Apan nagpabilin si Haman ug nagpakiluoy kang Rayna Ester tungod kay nasayod siya nga silotan gayod siya sa hari.

Ester 8:5

“Kon tinuod nga nalipay ka kanako, Mahal nga Hari, ug ikahimuot mo ang pagtabang kanako, ug kon mouyon ka, pagpasulat ug usa ka sugo sa pagbakwi sa mando ni Haman nga anak ni Hamedata nga Agagnon nga pamatyon ang mga Judio sa tibuok gingharian.

Job 2:4

Mitubag si Satanas, “Dawaton sa tawo nga mawala ang tanan kaniya basta buhi lang siya.

Jeremias 38:26

Ingna sila, ‘Nagpakiluoy ako sa hari nga dili na ako ibalik sa balay ni Jonatan, kay basin mamatay ako didto.’ ”