Ester 5:1 - Ang Pulong sa Dios

¹ Sa ikatulo nga adlaw, gisul-ob ni Ester ang iyang bisti nga pangrayna ug mitindog sa sulod nga hawanan sa palasyo, atbang sa nahimutangan sa trono sa hari. Naglingkod niadto ang hari sa iyang trono nga nag-atubang sa pultahan.

Ang Biblia 2011

¹ Sa ikatulo nga adlaw, si Ester nagsul-ob sa iyang harianong bisti, ug mitindog sa sulod nga hawanan sa balay sa hari atbang sa hawanan sa hari. Ang hari naglingkod sa iyang harianang trono sulod sa balay atbang sa pultahan sa balay.

Maayong Balita Biblia

¹ Sa ikatulong adlaw sa iyang pagpuasa gisul-ob ni Ester ang iyang bisti ingon nga rayna ug mitindog siya sa hawanan sa palasyo nga nag-atubang sa nahimutangan sa hari. Niadtong panahona naglingkod ang hari sa trono nga diha atbang sa ganghaan sa palasyo.

Ang Bag-ong Maayong Balita Biblia

¹ Sa ikatulong adlaw sa iyang pagpuasa gisul-ob ni Ester ang iyang bisti ingon nga rayna ug mitindog siya sa hawanan sa palasyo nga nag-atubang sa nahimutangan sa hari. Niadtong panahona naglingkod ang hari sa trono nga diha atbang sa ganghaan sa palasyo.

Ester 5:1 Cross References

Ester 1:11

nga dad-on kaniya si Rayna Vasti nga magsul-ob ug korona aron ipakita ang iyang katahom sa mga opisyal ug sa tanan nga bisita, kay labihan siya katahom.

Ester 2:5

Adunay usa ka Judio nga nagpuyo sa pinarilan nga lungsod sa Susa nga ginganlag Mordecai. Ang iyang amahan mao si Jair, ug apo siya ni Shimei nga anak ni Kish nga gikan sa tribo ni Benjamin.

Ester 4:11

“Nahibalo ang tanang mga tawo sa tibuok gingharian sa balaod nga moduol sa hari sa sulod nga hawanan nga wala ipatawag, patyon gawas lang kon itunol sa hari ang iyang bulawan nga septer nganha kaniya. Ug mga usa na ka bulan nga wala ako ipatawag sa hari.”

Ester 4:16

“Lakaw, ug tigoma ang tanang Judio dinhi sa Susa ug pagpuasa kamo alang kanako. Ayaw kamo pagkaon o pag-inom adlaw ug gabii sulod sa tulo ka adlaw. Magpuasa usab ako ug ang akong mga sulugoong babaye. Pagkahuman, moadto ako sa hari bisan pa ug nahisupak kini sa balaod. Bahala na kon patyon ako.”

Ester 4:17

Busa milakaw si Mordecai ug gituman niya ang tanang giingon ni Ester.

Ester 6:4

Nianang higayona nagpadulong si Haman sa sulod nga hawanan sa palasyo aron paghangyo sa hari nga bitayon si Mordecai sa bitayanan nga iyang gipahimo. Nangutana ang hari, “Kinsa kanang nagtindog sa hawanan?”

Ester 8:15

Migawas si Mordecai sa palasyo nga nagsul-ob ug harianong bisti nga asul ug puti, ug kupo nga lino nga kolor ube. Adunay dako usab siyang korona nga bulawan sa iyang ulo. Nanghugyaw sa kalipay ang katawhan sa Susa.

Mateo 10:16

“Timan-i ninyo kini! Sama kamo sa mga karnero nga akong gipaadto sa mabangis nga mga mananap. Busa pagmaigmat kamo sama sa mga bitin, ug pagmalumo kamo sama sa mga salampati.

Mateo 11:8

O miadto kamo didto aron makita ang usa ka tawo nga nagsul-ob ug mahalon nga bisti? Ang mga tawong nagsul-ob ug mahalon nga bisti atua lang sa mga palasyo.

Mateo 27:64

Busa maayo tingali nga imong pabantayan ang iyang lubnganan sulod sa tulo ka adlaw, kay basin kon kawaton sa iyang mga tinun-an ang iyang patayng lawas ug unya ipanugilon nila sa mga tawo nga nabanhaw siya. Ug kon mahitabo kini, ang ilang pagpanglimbong mahimong mas daotan pa kaysa una.”

Lucas 22:30

Makauban ko kamo sa pagpangaon ug pag-inom didto sa akong lamisa kon maghari na ako. Magdumala ug maghukom kamo sa dose ka tribo sa Israel.

Gipadayag 3:21

Ang mga nagmadinaugon palingkoron ko tapad kanako sa akong trono, sama kanako nga nagmadinaugon usab ug karon naglingkod tapad sa akong Amahan diha sa iyang trono.